¹ Mutatwe lubaja lyo nenu balek'imutwir'ulubaja. ² Kulya lubaja lo mu gwete mugatwirana lo nenu nuga lwirwa, ni kigero kyo mugwete muga gera nenu baga mugerera kyo. ³ Hanyanya lyi biki uwine kidokozi mwisu lya mirabe ti utawiri ikiri mwisu lyabe wenene? ⁴ Kandiri kute ugawira mwene wenu, mbeza luhuma ndegose kidogozi mwisu lyabe, ti utawini ikiri mwisu lyabe wenene? ⁵ Mulyalya wee! Gilyosa ikiri mwisu lyabe ly'ugabona kidokozi mwisu lya mirabe. ⁶ Mutaheza tubwa bindu birimu bushuke, kandiri mutahebe magete genu imbere lyi ngulube, zitiji zilibatalibata ni bisene gere byalizo, nukuzibera. ⁷ Muhune wenu mugahewa, muloze nenu mugabona, komombe ku luuzi nenu mugigulirwa. ⁸ Kulya yeshi wanga luna agehuwa, na yeshi wangaloza agabona na yeshi wanga ko momba agigulirwa. ⁹ Nande mukati lyenu iri mwana wage angamuhun'umukase, anamuhez'iwe? ¹⁰ Kandiri lwiji (moto) anamuhezi injoka? ¹¹ Ilyangaba mwe banamabi mwakeheza bana benu luhembo lwija? Ka'atal'ishe wenu uli kunguba agaheza balya bakemuhuna bindu bijaa? ¹² Kyo kituma, byoshi mwa kuloza bandu ba bakolere, mwehe mubakolere kuko kuko, kulya bino iri migako na balagu. ¹³ Mwigirize kwi hyaluzi lujambire (hinini) kulya luuzi lunene ni njira nene (mbamu) iri yakugenda yamalibuze, nayo ili ya bandu bingi abakerenga mwa yule luuzi. ¹⁴ Ti luuzi lya hujambire (lunini) Ni njira iri yu lushodoko yo yukugenda ya kalamu, bandu banini bobakegi gendamo. ¹⁵ Mulolekeze balagu bu bushumi abake kuviji mwenu bembet'i mirondo yi kibuzi, ti mwinda lyi mitima yabo tuli tubwa twimuzitu. ¹⁶ Mugabamanya kwa mahu gabo bandu bagwete baga humba i? Zabibu mukati ki mishomwa kandiri tini mukati ki baruti. ¹⁷ Kira kati kija kaheka mahu mija, na kira kati kabi kakeha mahu mabi. ¹⁸ Kati kija katangaha mahu mabi, kandiri kati kabi katangala mahu mija. ¹⁹ Kati koshi akatakeha mahu mija, kali kukushishwa nuku singulira ku muliro. ²⁰ Kona kukuno muga bamanya kulengera mahu gabo. ²¹ Atali kira mundu ye wakembwira: Nahano, Nahano ugungira mu bwami bwa kunguba. Ti yulya makekola buloze bwa Data ulikunguba. ²² Bandu bingi banga mubwira yulo lusiku ka tutakalagula hanyanya lyi zina lyabe? n'ukwizina lyabe tukahiva mihusi mibi, n'ukwizina lyabe tukakola ngolezi nyingi yu buhashe? ²³ Kona kuko ngamuwira: Mwehe nda mwiji kishazi kyoshi mulyoke imwani mwehe mwebakazi ba mabi. ²⁴ Kyo kituma, yeshi uke kuva mwazi gwami go ngedeta nukugu kolesa, agashushania nu mundu mwenge ukubaka nyumba yage ku lwala. ²⁵ Mvula yanija yikihuhe ni migezi mingi, yana shulik'iyo nyumba, itahirima kulya iri nyumba ikubakwa ku lwala. ²⁶ Ti yeshi ukuva mwazi gwani go gedeta, atana gukolesa agashushana nu mundu kyoto ukuba k'inyumba yage hitwe lyumushege. ²⁷ Mvula yanania migezi yanya, kihuha kyana shulik'iyo nyumba yoshi yana hirima, nukuhomoka kwa kwali kunene wenene. ²⁸ Ilyakaba Yesu mir'usa kwigiriza bandu banasomerwa na migirizo gage. ²⁹ Kulya akigiriza nga mundu ugwet'ubuhashe, tyataki giriza nga basarazi bage.