¹ Ly'akebona, bandu bingi anamushimbire, anashona kumugazi, anabudatala, bigiziwa bage banija imwage. ² Anashwekula kanwa kage anatondera agabigiriza. ³ Nam'imwa bakeni bu mutima, kulya bwami bwi kunguba buli bwabo. ⁴ Nama imwabalya bagwet'ubute, kulya bagaholeziwa. ⁵ Nam'imwa balembu, kulya bohe bagimir'ikehu. ⁶ Nam'imwabali nu mwena ni nyota yu kuli kulya bohe bagigusibwa, ⁷ Nam'imwa bagwet'imbonga kulya bohe bagahewa imbonga. ⁸ Nam'imwa bagwet'umutima gukyere kulya bohe bagabo na Mungu. ⁹ Nam'imwa bagwete bagadeta mutula kulya bohe bagabuziwa bana ba Mungu. ¹⁰ Nam'imwa bakalizuzwa hanyanya lyu kuli kulya bwami bwa kunguba buli bwabo. ¹¹ Nam'imwenu, bishazi bagwete baga baduka, kubalibuza, kubodetera ubushumi hanyanya lyani. ¹² Musimu kandi munashambere. Kulya luhembo lwenu lwi lwingi kunguba, kulya, ko kuko bakalibuza balagu abali hambere lyenu. ¹³ Mwenye muli munyu gwi kihugo, kok'iri munyu gwanga shelera gwangagirwa kute lyo gutwa? Gutanga kyumana kandi, ti kuli ku kabulirwa nu ku libatwa na bandu. ¹⁴ Mwehe, muli lwenge lwi kihugo, kaya katangabishwa akali hitwe lyi mugazi. ¹⁵ Kandi bandu batangasa kamole mu ku kalika ifo lyu lugega, ti kukalika la ifo lyu lungetenge, lyoke ka nalomese bandu boshi abali munyumba. ¹⁶ Kona kuko, lwenge lwenu lutamos'imbere lya bandu babona ngolezi zenu nyija, bagan'ishe wen'uli kunguba. ¹⁷ Mutamanye mbu ngija sherez'imigako kandiri balagu, naki ji shereza ti koke kugigo komeza. ¹⁸ Kwa kulya, biri ukuli na muwira mwehe, kihyangaba nguba nigulu hano zalyoka, ndalyo kiri ya kalabe higuma higalyoka, halinde byoshi likwire. ¹⁹ kuna kuko, mundu yeshi ugavuna mugako muguma mwazino zinini, na kwigiza bandu kuko, agaluziwa muto kobinali mukati ku bwami bwa kunguba. ²⁰ Kyo kituma namuwira ukuri kwenu kutatalusir'ukuri kwaba. Sarazi na bale nguzi, mutagingira kiri hinini mu bwami bwa kunguba. ²¹ Mira mwako bandu babutazi bakamwira, itite, n'iri mund'angita, umenene kihano. ²² Ti koke, nyehe namuwira mwehe mundu yesh'ugwet'ugafira mwewe wabo bute, umenene naye geke kihano, n'ilyangaba mundu agadetana mwene wabo raka umenene kubikwa ha lubunga, n'ilyangaba mundu agadeta muwija, umenene kusiribwe (ko kinwa). ²³ Ko kuko, iri wangadeta myengo yab'ilutali iyo munda unake kengera mwene wen'ugwete kinwa na wehe. ²⁴ Sig'imyengo yabe ilutali utagenda kuvanwa na mwene wenu, hanyuma ugaluke wije taang'imyengo yabe. ²⁵ Uvanwa na mushongelezi wabe galya mango mugwete muga kibonana, atiji kutwal'imwa mutwi wi maja, nu mutwi wi maja atiji kutwal'imwa bashangalume, halind'ushwekwe. ²⁶ Bir'ukuli na kuwira, atangalyok'iyo munda utashub'ukalyul'injuma nzindilikiza. ²⁷ Mukuva ko babutazi bakawirwa: Utashulehe. ²⁸ Ti nyehe namuwira: Mundu yeshi ngiji kelola mu kazi ku kumwifija agaba alala naliye mu mutima gwage. ²⁹ N'ilyangaba isu lyabe lishosi lya kugoshesa mutula, lidotomore ulika bulire hale na wehe kulya byumenene. Kirimbago kyabe kiguma kitereke, kuhima magala gabe goshi kukabulirwa mwiziba lwi muliro. ³⁰ N'ilyangaba kuboko kwabe kululyo kwa kugoshesa mutula, ukutwe ukushunguse haale na wehe. Kulya byumenene kirimbago kyabe kiguma ki tereka, kuhima magala gabe goshi ku kabulirwa mwi ziba lyu muliro. ³¹ Nakandi' bidesirwe: Mundu yeshi ilyangasiga mukage, amuheze lupwapuro lukusigana. ³² Ti koke nyehe namuwira: Mundu yeshi ukajandana na mkage, kutali ku bushulei, amugira kuba mushule. N'iri mundu anga mulobola uly'ukasigwa azir'ubushulehi. ³³ Kandi ugako bandu babutazi ko bakawirwa: Utalahire ku bushumi, t'ukwizize Nahano birapo byabe. ³⁴ Ti koke na muwira mwehe; bir'ukuli mutarape, kandiri kunguba kulya kiri kyu bwami bwa Mungu. ³⁵ Kandiri hano hashi (ha kihugo) kulya kiri kyukuterekezeza magulu gwage, kandiri Yerusalemu, kulya kali kaya ku bwami bukulu. ³⁶ Kandiri utarapire mwitwe lyabe, kulya utanga hindula mviri zabe kuba nyiru kandiri nyeru. ³⁷ Ti binwa byenu bibe egaa, ye egaa, nanga, abe nanga, kulya kinwa kishoni kya kelyoka wenene mulya mundu. ³⁸ Mira muva ko bikadetwa: Isuu kw'isu, n'irino kw'irino. ³⁹ Ti koke nyehe namuwira: Mutahimane n'umundu. Mubi (utumeneni) iri mundu angaku band'ikofi mw'itama lyu lulyo, musolere lyu lumosho geke. ⁴⁰ N'ilyangaba mundu angagira mbu akushongelere nuu kunyaga kanzo kabe, muhogolere ikoti lyabe geke. ⁴¹ Mundu yeshi uga lusindi ka hasi kigendo kiguma, mushagore hare. ⁴² Halindi yeshi uga kuhuva n'ugasima kuku kaba, utamusokere. ⁴³ Mira muva ko byadetwa: Mbusime mutulani wani, ti ushombe mugoma wabe. ⁴⁴ Ti nyehe namuwira: Musime bagoma ben, mugashanire abagwete baga badakira, mubakolere mija abamushombire, mubahunire ababenezire, naba balibuzize. ⁴⁵ Lyo muba bana bi ishe wen'uli kunguba, kulya yehe agwete galomesa izuba lyage balya babi (bana mahubi) na bija geke, agwet'aganye s'imvula mwa bandu bukuri, na baki bukuli. ⁴⁶ Kulya iri mwangasima abamusimire, mugahewa luhembo luki? kiri bano buku lyuz'ulugeshe batakegaba ukumene? ⁴⁷ Kandi iri mwangalamusa benewenu naho, mwakola mukolwa muki ugihimire bilenu? Kiri bana birongo batakegira ibyumene? ⁴⁸ Kyo kituma, nube beru (bashukwa) ngak'ishe wenu wi kunguba ali mwenu (mushukwa)