¹ Yizo siku akalyokera Yohana muvubikani agwet'agigiriza mwinderegenye yi u Yahudi nukudeta, ² "Mwirege, kulya bwami bwi kunguba buli hasi." ³ Kulya uye yukadetwa numulagu Isaya: Izuu lyu mundu ligwete liga birangira mwi nderegenye, mukunge njira za nahano, mwengere keze hoshi agalibata. ⁴ Ye Yohana yenene ali nu mulondo gwage gwi singazi ngamia na kashuni ku luhu mu kibuno kyage ni biriwa byage zaali nzige(maduta) nu buki bu mu muzitu. ⁵ Bikalanwa bi Yerusalemu, ni yudea yoshi, ni bihugo byoshi biri i matambi lyi Yordani, banamushomolera. ⁶ Naye anabaribika m lwiji lwi Yordani, n'ukwire ga mali zabo. ⁷ Ti, ly'akabon abijire bishazi agwete agaubikana, bali balenguzi, basadukayo, anabawira, "Emw'ibutwa lyi nyoka ind'ukamushungua kushag'ubute ubugija? ⁸ Kwiji yuka, mubute mahu kuku lahala. ⁹ Kandi mutasalire mwi mitime yenuko, twi na Data ye Ibrahimu, kulya ngwete ngamuwira ko mija ali nu buhashe mukatikagano naweganga butira i Brahimu bana. ¹⁰ Shunyo mira zabi kwa hamasina lyu tuti, kati koshi akatagaha mahu mija kagasindwa nuku kabulirwa i muliro. ¹¹ Biri ukuri nyehe nabavubika kwa meji mingi hanyanya lyu luhahalizi, ti haal'ugiji inyuma lyani alinu buhashe kumbina, ndumeni kiri kushwekula migozi ya kashugulu kage. Yehe agabavubika ky Mutima Mweru nuku muluro. ¹² Kayungo kalimwa maboko gage, naye agashuka wenene handu hage, nuku gu shikanya bulo bwage mwi kiliri, ti bilondolwabyoshi biga dirizwa ku muliro gutagazima. ¹³ Kikyo kishazi Yesu aniji kulyok'igalilaya analuka i Galilaya Yohana amuvubike. ¹⁴ Ti Yohana analazi lahila, nukudeta, nyehe nifijire nivubikwe na wehe, nabe kandi wijir'imwani? ¹⁵ Yesu anamushuza anamuwira, wemerage kukuno, kulya, kakuko byumene kukwiza ukuri koshi byanahuma Emere. ¹⁶ Ilya kaba Yesu mira avubika mukushona kulyoka mwa meji, lola nguba zana shwekula, anabona mutima gwa Mungu gwashonoka bga liuw gwanashonoka hitwe lyago. ¹⁷ urziriza izu ku lyoka kunguba nukudeta, "Uno ali mwana wani, yu nzi misize."