¹ Lyo Yesu akabika haguma (akagushikanya) zilya ndumwa ikumi nya zibiri, anyabaha misi nyu buhashe hanyanya lya bazimu, nyu buhashe lu ku kiza malwazi. ² Anyabatwa bagende bala bwami bwa Mungu, nyu ku kiza malwazi. ³ Mutagendane kindu kyu lugendo, ngonyi, shaho mukati, faranga (njuma, mutanyagende nyi mirondibiri. ⁴ Mwi nyumba ndebe mugingira, mwote yaho, haho ho mwa hangukira (mwatunde lera lugendo). ⁵ Nya halya abatagabegereza, lyo mugalyoka mwa yako kayo, mugukumule muvungevunge gwa magulu genu, kuba bo bu subura hanyanya lyenu. ⁶ Banyagenda, banyalinda nyu ku soka mu twaya, bagwete bagabala mwazi mwija, nyu ku gira bisomeza byu kukiza bandu malwazi. ⁷ Nya Herode mwami anyuva myazi yoshi ko yukoleka, anyagongomwa kulya hali mbandu bali ke deta ko Yohana afuka kulyoka mwa bafire, ⁸ Nya bandi mbu Eliya ashoshoka, nya bandi mbu muguma wa balagu batazi. ⁹ Ti Herode anyadeta Yohana ngamutwa itwe; alagind'uno nyuvite myazi yage? anyaloza amubone. ¹⁰ Lyo, ndumwa zikafuluka zanyamuhizika myazi yoshi ko bindu byalenga nyi byo bagira, anyabanga banyagenda nyalibo hamwabo mwabo bonene kuhikirira mu kaya kaguma akabuziwe Bethsaida. ¹¹ Lyo ndeko ikamanya yanamushimba, anyabengerekeza nyu ku deta nyalibo myazi yu bwami bwa Mungu, anyakiza balya abali nyi nyifijo yu ku kiziwa. ¹² Nyi zuha lyali kola ki shogoka, banyagendi mwage baly'ikumi nya ba biri, banyamubwira, usenguluke ndeko, lyo bagenda mu twaya nya masa masamba lyo babona bibiwa nyi ho bagagwejera, kulya hano tulili deregenye (mbinga) itali ma kandu. ¹³ Anyabawira "Mubaheze biriwa." Banyadeta, "Tutagweti kindu hanyuma lyi mikat'itano nyifi zibiri, tir'atali kuko tugende twenene tubagulire biriwa." ¹⁴ Hanyali nga bandu bihumbi bitano. Yesu anyabwira bigiziwa bage, "Mubabudatala mu bishiri bishiri, bandu makumi gatano. ¹⁵ Banyagira yuko, hanyababudataza boshi. ¹⁶ Anyang'iyo mikat'itano nyifi zibiri, anyaligalal'ikuguba anyabugashanira, anyabigaba (anyabivuma), anyaheza bigiriziwa bage baheze bandu balye. ¹⁷ Banyalya, banyiguta boshi, nyi mwa bilya bihand'ibika sigala bakagushukanya genga (bitiri) ikumi nya bi biri. ¹⁸ Byanah'agweti ya bigiriziwa bage bali kuguma nyaliy'anyababuza, "Ego! Iyo ndeko igwet'iyadeta ko nye nyende?" ¹⁹ Banyamushuza nyu kudeta Yohana wu ku Batisa, ti bandi Eliya, nya bandi ko muguma wa balagu bi nzamani (mira) ye wafuka. ²⁰ Anyabawira, "Nenu mwadeta kute? Nye nde?" Petro anyashuza anyadeta, "We Kristo wa Mungu " ²¹ Mu kudeta, anyadeta ko kumenene "Mwana wa Adamu alibuzibwe bwenene, nyu kulahirwa nya bashasha nya bagingi nya bandisi, nyu kwitwa nyu lusiku lwa kashatu afuke." ²³ Anyabawira boshi, mundu yeshi usimire kunjimba, ilahire yenene, abetule musalaba gwage kira lusiku, anjimbe. ²⁴ Kulya ulizize kukiza kalamu kage agakatera hanyanya lyani, angakakiza. ²⁵ Bungukebaki mund'wahewe kihugo kyoshi, iryangi shereza yenene, iri i tere hanyanya lyani? ²⁶ Kulya yeshi uganyuvirwa shoni nyi mwazi gwani, Mwana wu mundu agiji mu bulangashane, nyu mwa bulya lwa Data nya baganda bage. ²⁷ Nyabawira, ukuli baguma mwa bali hano batagijifa batanyabona bwani bwa Mungu. ²⁸ Hanyuma li siku munane adetere bino binwa, Yesu anyagendana Petro, Yohana nya Yakobo, banyaterema mumana kugendi huma. ²⁹ Bishazi bali ke huna, shusho yi ranga lyage yanahinduka, nyu mulondo gwage gwanyakelangashanamwi shusho nyeru. ³⁰ Lilyo lilyo, anyakeganula nya bandu babili : ali Musa nya Eliya, ³¹ Bakaboneka mu bulangashane nyu ku deta hanyanya lyu lufu lwage lwagafwa i Yerusalemu. ³² Petro nya balya ali kuguma nya libo bali nyibo bigone gone, ti lyo bakabyuka banyabona bulangashane, nya balya bandu babiri abali kwimazire kuguma nya liye. ³³ Lyo bishazi yabo balike sigana nyaliye, Petro anya babwira Yesu, "Naha mwetu mukulu, kulikwija twe kuba hano, tubake mitanda ishatu, muguma gwabe we, kindi kya Musa, kindi kya Eliya, atanyiji bagwete anyadeta." ³⁴ Lyali ku deta kuko, hanyashoshoka lukungu, lwanyabo girira kizuzu, nyu ku bwikira, banyaboha lyo bakingira mwa yibyo kikungo. ³⁵ Izu lyanya lyoka mwa yikyo kihungu, nyu kudeta, "Uno ali Mwana wani, mulondolwa, mumwire ye." ³⁶ Bishazi ily'izu likasira, Yesu anyaboneka akoha yenene. Nyabo banyahulika, batabwire mundu mwa yizo siku zoshi hioshi mwa yibyo byoshi bya babona. ³⁷ Lwanyaba lwaka biri lwage, lyo bali lwage, lyo bali kwanda ga;a mumana, ndeko nene yanashangana nyaliye. ³⁸ Lilyo, mundu muguma ana teri mibila (anyadeta kwizu lingi), nyu kudeta, "Mwigiriza nyakuhuma ulolekeze mwana wani, kulya ye mwana wani wi kininga. ³⁹ Kola ko, bazimu, bakoma gwata, lilyo lilyo anyamame nyu kutera mbira, kandi akemudetera luhungu, anyalyosa fulo, atanyikimuleka ti ku kulibula, akemutubula tubula. ⁴⁰ Nya hoha (nyinginga) bigirizibwa babe bamulyosa, batahasha." ⁴¹ Yesu anyashuza nyu ku deta, "E ibuto i bitogweti bwemere ikikasherera (kikahanguka) ngabere imwenu nyu kuba nyi mboterezi kuhikira bishazi biki? Detyuye mwana wabe hano. ⁴² Lyali kalo agiji, uye muzimu anya mu kabula hasi, nyuku mu juguma nyu luhungu lwanyamugwata. Ti Yesu anya gulira yugo muzimu, anya kiza mwana, anyashubiziza ishe. ⁴³ Boshi banyasomerwa mu kubona bindu binene / bikulu bya Mungu. Lyo bali ke somerwa hanyanya li yibyo byosh'alikegira anyawira bigiziwa bage. ⁴⁴ Muvirize bino binwa mwa matwiri genu, kulya Mwana wa Adamu aligendi bikwa mwa maboko ga bandu. ⁴⁵ Ti batakamanyira ko kute yikyo kinwa, kulya kika bishwa, kyanyabishwimabo batalikimanye; banyaboha kumubuza ko kudeta kute yikyo kinwa. ⁴⁶ Banyatondera bagasalira ho bashamba nyand'ugaba mukulu. ⁴⁷ Yesu mukomanya misaliro yabo anyanga mwana mto, anyamubika hasi lyage, ⁴⁸ Nyu ku bawira, "Yeshi ungangilira kwizina lyani uno mwana anyagiira nyenene; nya yeshi wanyangirira, angirira ukadumakuly'ulya uli munini bwenene ho mushambira mweshi, ye yuye uli mukulu. ⁴⁹ Yohana anyadeta, "Mwigiriza twabona mundu ugwet'ugahivwa bazimu kwizina lyabe, tuni mulahilira, kulya atatushimbiri." ⁵⁰ Yesu anyamushuza mutamulahiriza, kulya utabashombire, ali kuguma nya mwe yuye. ⁵¹ Lyo bishazi byage byu ku lengezibwa agendi kunguba bikegerera, anyatwa luhango lukugend' i Yerusalemu. ⁵² Anyatuma, i ndumwa bakaberi mbere banyingira mwa kaya kaguma ka ba Samaria, kumwengerekeza hwa ga hando. ⁵³ Ti batakamwangilira kuly'alikengend'i Yerusalemu. ⁵⁴ Lyo bigirizibwa Yakobo nya Yohana bakabona yuko, banyadeta, "Nawetu, ulozize tuhune mulilo gwandagale kulyoki kunguba nyu ku ba singola?" ⁵⁵ Yesu anyabasokera, anyahashe mya myadeta, mutima muki yugo mugwete, ⁵⁶ Kulya mwana mu mundu akija hatali hanyanya lyu ku ter'i mitima ya bandu, ti ku gi kulula (kiza) anyagenda mwa kandu kaya. ⁵⁷ Bishazi balikili munjira, mundu muguma anyamubwira, "Nawetu, ngakushimba hashi ugagenda." ⁵⁸ Yesu anyamushuze, "nyambwe zigwete mbako, nyi tunyonyi tugwete magisha, ti Mwanamu mundu atagweti kiziki (handu) lyu ku shenganya itwe lyage. ⁵⁹ Anyawira gundi, "Unjimbe." Nyaye anashuza "Nawetu, umbeze luhuma (kishazi) ngend'izika (bisha) data." ⁶⁰ Ti Yesu anyamushuza, "ULeke abafwire, bagendi zika birunda (abafwire) byabo (babo), nyabe, ugendi bala mwazi gu bwami bwa Mungu. ⁶¹ Gundi anyadeta, "Ngaku shimba, nawetu, ti koke, umbe kishazi ngedi senguluka balya bi mwami. " ⁶² Yesu anyamushuza, "Yeshi mira wabika kuboko mu ku hinga anyakekebegana alolekezi nyuma atumeneni ku bwami bwa Mungu."