¹ Hanyuma lya yaho Yesu anyalanyalo ndola bandi bigirizibwa makumi alinda, anyabatuma babiri babiri imere lyage mu twaya toshi nya handu hoshi yenene angagezire. ² Anyababwira, "Bihumburwa biri bigi ti bakozi bali banini muhunage mwimangizi wi mbuto atumage bandu (bakozi) mwi ndalo yage. ³ Mugende, ti nyibatumira nyambwe. ⁴ Mutiyikire, mutagendane ahaho, nyi Kirato, mutanyalamuse mundu mwinjira. ⁵ Mwi kozi nyumba nguma mwigingira, muketanga nyu kudeta, Mutula gube mwino nyumba! , ⁶ Nya yaho, nga hangaba mwana wu mutula mutula gwenu gube hanyanya lyage, kutali kuko, yugo mutula gwenu gugagalukimwenu. ⁷ Muberage mwiyo nyumba hulya nyu humwa bi mwabo, kulya mukozi yeshi umenene kuhewa luhembo lwage. Mutakune kune, kulyokino nyumba kugenda muno gundi. ⁹ Muhize balwazi bamuli, mubawire bwani bwa bwabegerera. ¹⁰ Nya mwa kaya koshi ko mugingira mo, nya ngabatabe gerezizi, lyoke mo, lyoke mwaliko, mugende mu muhanda yaliko, munyadeta, V 11Kiri gwa kaya kenu agajwire magulu getu tugabashemukiza nyu ku bagukumulira go, mumanyage go bwami bwa Mungu bwegerera. ¹² Nya babwira ko mwa yizo siku bigaba birelusire bwenene Sodoma kubotera mu bulibuze bwage kuhima yako kaya. ¹³ Nama mb'iwabe Korozani! Nama mb'imwabe Betsaida! Kulya yibyo bisomeza ibya lolek'imwenu bikikolekage i Tiro nyi Sidoni, bangishobesire kwa bibyo bishazi, nyu kwambala i saki nyi luvu. ¹⁴ Kyo katuma, lusiku lu kutw'i , maja Tiro nyi Sidoni bagiji rwirwa maja nyu bulembu. ¹⁵ Nyabe weKapernauma uka ukatundilikwa kuhiki kunguba, ugandagazibwa kuhika ikuzimu ya bafire bikala. ¹⁶ Ugwete ga nyuvwa, yugo buvwa, nyulya ugabahalahira andahira nyani, nyulya wa ndahira, abahira ukanduma." ¹⁷ Lyo yabo makumi galinda bakagaluka nya magene, nyu ku deta, "Nawetu, nya bazimu nyabobatukenga kwizina lyabe." ¹⁸ Anyababwira, "Nyabona Muzimu, atibuka kulyok'ikunguba nga mulazo. ¹⁹ Lolekezagya, nyabaheza buhashe bu ku libata njoka nyi inge, nyi misi yoshi yulya mugona, ndanabyo bigabagaza. ²⁰ Ti mutasime kulya bazimu baboboha, ti musime kulya mazina genu gasarazirw'ikunguba." ²¹ Lilyo lilyo, Yesu anyijira mageni gu Mutima Mweru. ²² Anyadeta, nyaherwa lyoshi nya Data, ndanyaye wiji Mwana ti Data, ndanyaye wiji Data ti Mwana, nya yeshi Mwana alozize abishukire (Igulile) ²³ Anyasokera bigizibwa bage, anyadeta yalibo mawe, "Ziri nama masu agagwete gaga bona lyo mu bwine. ²⁴ Kulya nyababwira balagu bingi nya bani bakifija kubona byo mugwete mugabona batanyabibona, nyu ku byuvwa byo mugwete muguvwa ti bataka byuvwa. ²⁵ Lolekezagya hali mundu muguma wi migako ali kwimazire amugere, anyadeta, "Mwigiriza, ngire kute lyo nyingira mu bwami bwi ntakula?" ²⁶ Anyamuwira "Kute bisarazarwe mwi migako?" bikagi wake soma mwaliyo? ²⁷ Anyashuza, "Usime Mungu wabe nyu mutima gwabe goshi magala gabe goshi, nyi kwi misi yabe yoshi, nyu ku bwenge bwabe boshi, mwikalamwa wabe ngo ko wi simire wenene." ²⁸ Anya mubwira, "Washuza kwija, giraga kuko, nyabe ugalama." ²⁹ Nyaye mu kuloza igire wu kuli, anyabuza Yesu, nya mwikalamwa wani yende (ye nyande) ³⁰ Yesu anyashuza anyadeta, mundu muguma akandagala kulyoki Yerusalemu kugend'i Yeriko, anyagwatwa magutu nya bazimba (bitani), banyamunyaga byoshi alinyalibyo banya mushulika i bifune munyuma banyigendera, bamusiga gu fire. ³¹ Mugingi muguma ali ke leng'iyo njira, lya ka mubona anyamubambala, alenga kundi luhande lwi njira. ³² Nyuye Mulawi geke kuko kuko, lya ka hika yaho anyamubona, anyabambala. ³³ Ti Musamatia muguma mu ku balama kwage anyahika yah'ali, lya ka mubona anyamufir'i mbonga, ³⁴ Anyegerera, anyashweka nguma zage, anyazi shiga mavuta nyi divai (bufumu), anyamushonya kwi kifuganwa kyage, anyamutwala mwi nyubaka zu kwagereze za mo bo geni, anyamuluka. ³⁵ Lusiku lwa ka biri anyalyula dinari zibiri imwa mwene lubako lwa bageni, nyu kudeta, mumubuke, nyi kishingo kyoshi kya mafumu nyi bindi, ano nyagaluka ngiji lyula. ³⁶ Kutage weh'ubwire mwa yabo bandu bashatu, nyand'u wali mwikalanwa wuye mundu akagwatwa nya yabo bandu bashatu, nyand'u wali mwikalanwa nya yabo bitani? ³⁷ Anyashuza, "Al'uye ukamufira mbonga." Yesu anyamubwira, "Wigenderage, nyabe ugendi gira kuko." ³⁸ Mukabagaga mu ku genda kwabo anyigira mwa kaya kaguma, mukazi muguma ye Marta anyamwegerekeza imwage. ³⁹ Nyaye ali nya mwali wage ubuziwe Mariamu, uwali ke budatala mwa magulu ga Yesu, lya ke kuviriza binwa byage. ⁴⁰ Ti Marta alike hinda hinda mwi mlolwa mingi, anyamugendera, anyadeta, "utabwini buligo kuno mwali wanianzinga ngole nyenene? Ko kuko umuwire andabale." ⁴¹ Nawetu anashuza anamuwira, "Marta, Marta, wilibuza nyu ku hinda hinda, nyu ku gongonwa hanyanya li bindu bingi, ⁴² Ti i kyumenene kiri kindu kiguma naho, kandu ye Mariamu alondola itu lija lyo tonda nday'ugiji munyanga lyo."