¹ Lusiku luguma Yesu alikehuwa handu haguma, lyakusa muguma mwa bigirizibwa bage anyamuwira, "Nawetu, utugwize ku huna, ngako Yohana akigiza bigirizibwa bage kuhuna." ² Anyamubawira, "Bishazi mugwete muga huna, muketwisa, Data! Izina labye likuzibwe, bwami buale bwije. ³ Utuheze kira lusiku uluhembo lwetu. ⁴ Utukoge mabi (byaha) getu (byetu), kulya nyetu twake koga abaketuhubira, itanya tubike mu ngero." ⁵ Anyababwira kandi, "Nga muguma wenu agwete mwira, anyagendi bushigi amwire, mwira, njoza mikat'ishatu, ⁶ Kulya muguma mu bira bani ahika, abalamuka ali hamwani ndagweti byu ku muzimana, iri kumuheza, ⁷ Nyuye wu mwinda anyamushuza nyu kudeta, utandibuze, luzi mira bwashwekwa, nyetu tugwejere hangingo nye nya bana bani, ndagahuluka nguheze? ⁸ Nyabawira kiryangamba atakahuluka amukeze kulya ali mwira wage, ti geke kulya atakaluha kumuhuna, agahuluka nyu ku muheza nga ko nyifijo yage iri. ⁹ Nyani nyabawira, muhune nyenu mugaherwa, muloze, nyenu mugabona, mukokombe, nyenu mugigulibwa. ¹⁰ Kulya yeshi uwakehuna akehewa, nyaye uwakeloza akebona, nyaye uwake komomba agigulibwa. ¹¹ Nyandage imwenu uli mubusi, mwana wage akamuhuna mukate anyamuhez'ibwe? Iri kandi ifi, ngatangamuhez'ifi amuheze njoka? ¹² Iri kandi akamuhun'igi amuheze inge (njoka) ¹³ Ko kuko, akaba mwe muli babi mwiji kuheza bana benu bigabi bija, kutage Data uli kunguba anyanani heza Mutima Mweru balya bagwete banyamuhuna go?" ¹⁴ Nyaye ali kelyosa bazimu wa kavuma, lyo yugo muzimu gukalyoka uye kavuma anyadeta, ndeko yanyasomerwa. ¹⁵ Bandi bandu banyadeta, ayosa bazimu nyi Belzebuli, mukulu wa bazimu. ¹⁶ Bandi banyamugereka, mbu babone kusomeza kulyok'ikunguba. ¹⁷ Lya kamanya misaliro yabo, anyabawira, "Bwami boshi u bukigoma bonene ku bonene bwakigirwa mahungu, nyi nyuba ko hanyanya zindi zakehomoka. ¹⁸ Ko kuko, iri muzimu igoma hanyanya lyage yenene, kutage bwami bwage bugimangoga? Kulya mwehe mudesire mbu ngwete ngalyosa bazimu nyi Belzebule. ¹⁹ Kand'iri ngwete ngahivwa bazimu nya Belzebula, bana benu kutage bakebalyosa nyi biki? Kyo kyatuma bo bagiji batwir'alubaja. ²⁰ Ti koke, akaba nye ngwete ngalyosa (ngahivwa) bazimu ku munwe gwa Mungu, ko kuko bwami bwa Mungu mira bwa bijira. ²¹ Mundu wi misi u wishwesire siribo zage, mu kulanga abali bage (nyumba yage), bindu byage byakebera bwija. ²² Ti mundu umuhimire misi akiji mwagulira nyu ku mu hima, anamunyage yizo silibo gage zoshi nyi kwanga bindu nga mibunde anyabigabe. ²³ Mund'utali kuguma nyani ali mugoma wani, nyu mundu utagwetu ga gushikanya kuguma nyani, akashaba. ²⁴ Mzimu gukalyoka mundu, gwakilengera a hatali meji, mukuloza kiso kyu kuluhukira mo, ababwini anyadete, ²⁵ Ngagaluka mu lubako lwani lo nyalyoka mo. ²⁶ Nyi bishazi alika mo, akabona ya hyagirwa nyu ku hembwa bwija, lyo gwakigenda nyu kwanga bandi bazimu balinda, ababihire kumuhima, banyingire nyu handa mo, nyi shusho yage nzinda inyabihe kuhima ndazi. ²⁷ Bishazi alikedeta yilyo binwa, mukazi muguma mu mushambiro anyaterany'izu lyage, anyamuwira, nama mwi bunda ilikakubuta, nya mabere gu konga. ²⁸ Ti ye anyadeta, kwangabule, nama mwa balya bakekuvwa mwazi gwa Mungu nyu ku kola nga ko gudesire (gu gugwatiriza). ²⁹ Nyi bishazi bandu (ndeko) bakishambiza hwali, anyatondera kudeta, lin'ibuta litali ibuta lija (lilibuta libi), ligwete ligaloza kisomeza, ti kisomeza kya Yona. ³⁰ Kulya, nga ko Yona ali kusomeza (kyereso) ya ba Ninawi, kwagijiba Mwana wa Adamu kwa lin'ibutwa. ³¹ Mwami kazi wishere agiji kwamanga nya lino ibitwa nyu ku litwila lubija mbu batumeneni, kulya ye akija kulyoka kwi miigo yi kihugo iji kwiriza bwenge bwa Sulemani, nya hano hali mundu mukulu kuhima Sulemani. ³² Bandu bi Ninawi bagiji kwimanga lusiku lwi kutwiwa maja kuguma nya lin'ibutwa, nyabo bagakigaja nga litumeneni, kulya bo bakuvwa migirizo ga Yona banyishobeka nyu ku hinduba ko kuko hano hali mundu mukulu uhimire Yona. ³³ Ndaye wakekwas'itara anya anyalibike handu ahabishamire iri kandi mwanda li ngingo iri kashenga, tya ki li bika a hinamusire, lyo abagingira babone kyenge. ³⁴ Itara lya magala, lil'isu, ko kuko isu lyabe likabe likyete, magala gabe goshi ganyaba mesiwe. Bishaz'isu lyabe. ³⁵ Ulolekezagye kyenge ikire mwinda lyabe, kitahinduke kizizi. ³⁶ Ko kuko, akaba kyenge mira kyenera mwa magala gabe goshi, utanyakigweti ho hatali kizizi, magala gabe goshi gagaba nyi kyenge, nga ko kyenge kyakekulomesa magala goshi mwi kyenge kyage. ³⁷ Lyali ke deta mu Farisayo muguma anyamubuz'ijilya imwage. anyingira anyabudatala anyalya. ³⁸ Lyuye mu Farisayo akamubona anyasomerwa kuly'atakishuba mabok'imbere alye. ³⁹ Nawetu anyamuwira, mwe ba Farisayo mwakeshuka kahe nya kebo imbunga, ti mwinda lyenu mwijire bulyalya nyu bubi. ⁴⁰ Mwe byoto, ukagira byu mwinda, katali yu ka gira nyi bi bunga geke? ⁴¹ Ti koke, mutangage yibo bi mwinda nyengo, lolekezagya, byoshi bigaba bij'imwenu. ⁴² "Ti, nama mbi mwenu, ba Farisayo, mwo ketanga kihande kikumi ki nyi shogo zi byoshi nyu kuleka bindu byumenene, ukuli nyu bwija bwa Mungu, byo bishuba kumenene mukole, buzira kwibagira yibyo bindi. ⁴³ Nama mb'imwenu ba Farisayo, kulya mwa kesima kuber'imbere mwa ma sinagogi (mwi mashengero), nyu ku hamusima mutubuye. ⁴⁴ Nam'ambimwenu kulya mushushenye nyi shinda izitakekweresa ibiri mwinda lyazo, kulya nga bandu bagahijuko ho ziri, nyu kuzishomola ko hatikala bijirire i bimuli." ⁴⁵ Mungu muguma wi migako anyashuza, nyu ku muwira, mu ku deta yuko,watuhiririka nyetu. ⁴⁶ Anyadeta, nyenu bandu bi migako, bigizria li migako, nam'amb'imwanu geke kulya mwakebetuza bandu ibitangabelulwa, nya mwenene mutangabihuma kiri nyu munwe gwenu muguma. ⁴⁷ Nam'amb'imwenu kulya mwake bubaka shinda za balagu, nya bishe wenu bo bakabaniga. ⁴⁸ Mugwete mugabala nyu ku gira bu subura bwa bishe wenu, kulya bo bakabita nyenu mububakire shinda. ⁴⁹ Kyo kyatuma bwenge lwa Mungu bwadeta, lolekezagya (ngadeta) balagu nyi ndumwa, nyabo bagita mo baguma nyu ku bahivwa, ⁵⁰ Lyo lin'ibutwa libuziwa muko gwa balagu boshi, muko nguko shulula kutondera kubumbwa kwi kihugo, ⁵¹ Kutondera muko gwa Abeli kuhikira muko gwa Zakaria, ukamigwa hashambira ngombe nyi lungetenge, ko kuko nyabanira, gugabuziw'imwabo. ⁵² Nam'imb'imwenu mwe bigiriza bi migako! Kulya mukalyosa luigulo (fungulo) lu kumanya, mutangira, nya balya bali ke gira mba bingire munyakebagalula. ⁵³ Lya ka lyoka yaho ba Farisayo nya bandisi (basarazi) banyatondera kumusinda sinda nyu bute (nyi kifune) nyu ku mu gobola nyi binwa bingi bingi (mabuzo mingi) ⁵⁴ Banyamuhigira, lyo babona kinwa ikigahuluka mwa kanwa kage.