¹ Hanyuma lya yaho Yesu anyakegenda genda mwa kaya nyu twaya mu kwigiriza nyu kubala Mwazi Mwija gu bwami bwa Mungu, nya balya ikumi nya babiri bali kuguma nyaliye, ² Nya balya bakazi balebe aligwete kazimu nya malwazi banya kizibwa; nyabo bali Mariamu ubuziwe Magdalena yakalyosa bazimu balinda, ³ Nya Yona muka kuza, uwali ku bera ho Herode, angabezire, nya Suzana, nya bandi bingi, bali ke mukolera kulengera bindu byabo. ⁴ Lyo mushambira munene, gukashanganana, nya balya bakalyoka hoshi hoshi mu twaya kwij'imwage, anyadeta kwi mugani, ⁵ Mubyozi akahinga agendi byala mbuto zage, nyaye lyali ke zibyala, nguma zikatibukira hasi nyi njira, zanyalubatwa, tunyonyi twanyazilya. ⁶ Zindi zanatibukira ku mala, lyo zikatondera zigashebuka zanyuma kugosha mbeko. ⁷ Zindi mbuto zanyatibukira mwama tumba, matumba nganyamera nyu kukula kunguma nyalizo nazo zanagokanyala hanyanya lilyo mishomo. ⁸ Zindi mabuto zanyatibukira mwi daho lija: lyo zikomera, nyu kuha nguma kaligana. Lyali ke deta, ugwete matwiri gukuvwa uvwe. ⁹ Bigirizibwa bage banyamubuza, ko kudeta kute guno mugani? ¹⁰ Anyadeta, "Mwe mwahewa nama kumanya mbisho yu bwami bwa Mungu, ti bandi kwi migani, iri bangabona batabone, nya bakuvwa batamanyilire. ¹¹ Nya yugo mugani, kuli kudeta ukuno, mbuto guli mwazi gwa Mungu. ¹² Balya bi hasi ni njira bo bakekuvwa, hanyuma hije muzimu anyanyonyomole ( lyose ) yikyo kinwa mu mitima yabo, lyo batiji kwemera nyu ku kululwa. ¹³ Nya balya bu ku bwala bo balya bamalikuvwa mwazi bakigwangilira kinwa nya magene, nyabo batagweti mizi, batekwemera kishazi kinini, ni bishazi byu lugero anyahanguke. ¹⁴ Nya zilya zikatibulika kwi mishomwa bali balya bakuvwa, nyu mu kugenderera kwabo bakesindwa nyi mikolwa nyi bindu, nyi nyifijo za magala, batanyalikirire kulya koshi. ¹⁵ Nya zilya zi kwidaho lija, bo balya bakemera mwazi nyi mutima gumene, nyi mitima yabo yakekuvwa kinwa, nyu kubigwatiriza, hanyuma banyahese mahu mu ku boterera. ¹⁶ Ndaye amalikwas'itara anyali wikire nyi kihatwa, iri kandi alibike mwa mwindalala, tya kilibika a hinamusire, lyo abagingira babona kyenge kyage. ¹⁷ Kulya ndakyo kinwa ikikabishwa ikitagabishulwa nyi bi mbisho itagamanywa nyu kubikwa gerere gerere. ¹⁸ Ko kuko mulolekeza ko mwa ke kuvwa, kuly'ugwete kindu yu ga yewa kindi, nyutagweti kindu aganyagwa kiri bya salire mbwa gwete. ¹⁹ Benewabo, nina banya mugendera, banyabirwa kumushengenera hanyanya lya bandu kuba bingi. ²⁰ Banyamuhiza mwazi nyu ku mu bwira, nyoko nya bene wenu bimazir'imbuga balozize kukubona. ²¹ Anyabashuza anyadeta, maye nya bene wetu bali balya bakekuvwa mwazi gwa Mungu, nyu kukola nga ko gudesire. ²² Lusiku luguma Yesu anyashona mu bwato kuguma nya bigiriziwa bage, anyabawira, tyabuke kajabu ki ziba ( kinyaja ) banyagenda. ²³ Nyabo lyo balikegenda, anya hunira. Hanyija muhusi mwi kinyaja, bwato. Bwanyatondera kwijula meji, byanyabakayira. ²⁴ Banyamugendera, banyamubyusa nyu kudeta, Nawetu mukulu, Nawetu mukulu, twalibula, byakaya. Anyabuka, anyashenya muhusu nyu mukunda mbwembwe, byanyaholela, hanyaba mutula. ²⁵ Anyabawira, bwemere bwenu buli hahe? banyaboha, nyu kujuguma, nyu ku wirane bonene ku bonene, alind'uno ugwete gabwira muhusu nya meji, nabyo byamuvwa? ²⁶ Banyahika imutazi li kihugo kya bageresi, ikigwete kya lolana nyi Galilaya. ²⁷ Nyaye lyakahiki mutazi, anyashashangana nyu mundu muguma wa yako kaya, ugwete bazimu, isiku nyingi alikeshomola bwashi atali ke lala mu nyumba ti kiziki kyage yali i mulungu. ²⁸ Lyakabona Yesu anyamama, anyikabula mwa magulu gage ( fukama ) anyadeta kwizu lingi, biki biri ho tushambira, Yesu, mwana wa Mungu uli mwigulu? nyakuhoka ( nyakwinginga ) utandibuze. ²⁹ Kulya Yesu akabwira yugo muzimu alyoke muye mundu. Kulya gwali mwinda lyage i siku nyingi, ali ke shwekwa tushweshwe tyu sheni ni zindi mwa magulu anyazitwe, anyali ke habukira mu binga nya yabo bazimu. ³⁰ Yesu anyamubuza, izina lyabe wende? Anyamushuza mbu ndeko kulya bazimu bingi bali mwinda lyage. ³¹ Anyali ke kwinginga Yesu atababwire bagende mwi nzimo. ³² Ko kuko yaho halii i ngulube nyingi zilagirwe mu mugazi; banyamwingiza abafire luhuma bingire mwa yizo ngulube, anyemera anyabaha ( uhuma ) . ³³ Bazimu banalyoka uye mundu, banyigira mwa yizo ngulube, nya yizo ngulube zanyandagalira mwi ziba, zanyafa nya meji. ³⁴ Lyo bangere bakabona yuko banyashaga, banya genda bagabala mwa kaya nyi ya mandalo. ³⁵ Bandu banyagenda balole nyu kubona ukwa koleka, banyagendere Yesu, banyabona abudetere mwa magulu ga Yesu, embere mirondo, anyali nyu bwenge bwage, banyaloha. ³⁶ Nya balya abakabona banyaba balira kut uye mulwazi wa bazimu akira. ³⁷ Bandu bi kihugo kya bagerasi banyawira Yesu agende abalyokere imwabo, kulya bakagwatwa nyi kyoba kingi, ko kuko anyashona mu lwato anyagaluka. ³⁸ Nyuye mundu ukalyoka bazimu anyamuhoha agende nyaliye, ti ye anyamusengeluka nyu kudeta, ³⁹ Fuluka ugendimwabe mwabe, ubale bisomeza Mungu akukolera. Anyigelera nyu bala mwazi mwa kaya koshi bisomeza binene bya Yesu amukolera. ⁴⁰ Ko kuko,lya Yesu akaga luka, ndeko yanyamwagereza nya magene, kulya boshi bali ke mulinda. ⁴¹ Lilyo hanyija mundu muguma izina lyage ye Yairo, nyaye ali mundu mukulu wi sinagogi, anyikabula mwa magulu ga Yesu, anyamuhoha ingir'imwage, ⁴² Kulya munyere wage aliko hasi lyu kufwa, anyali mwana wi kininga, wi mujuja gwi myaka ikumi nyi biri lyabi ke genda ndeko ya bandu yamakemuhangalika. ⁴³ Nyu mukazi muguma, ye wali keshulula muko myaka ikumi nyi biri, akanya malira bindu byage byoshi ya bafumu, buzira ku kira. ⁴⁴ Anyiji nyuma lyage anyahuma kwi shongo lyu mulondo gwage, lilo lilyo kulyokwa nyu muko kwage kwanya sira. ⁴⁵ Yesu anyadeta, "Mundu wabuma ko?" Lyo bandu boshi bakalahira, Petro anyamuwira, nawetu mukulu, ino ndeko nene ikusosire nyi ku ku sinda. ⁴⁶ Yesu anyadeta, mundu abume ko, kulya bwine ko misi yandyoka. ⁴⁷ Ulya mukazi lyakabona ko mira manywa, anjija ga juguma nyu kwi kabula mwa magulu ga Yesu, nyu ku deta imbere lya bandu boshi kyatum'agira kuko, nyu kut'akira. ⁴⁸ Yesu anyamub wira, "Munyere wani, bwemere bwabe bo bwakukiza, wigendere nyu mutula. ⁴⁹ Bishazi akigwet'agadeta kuko hanyija mundu ugalyak'imulya mukulu wi sinagogi, anyamuwira, munyere wabe mirafa, utalibuze mwigiriza. ⁵⁰ Ti lyo Yesu akuvwa kuko, anyamushuza, utabe nyi kyaba emera gana, nyaye agakira. ⁵¹ Lya kahika mu nyumba atakemera mundw'ingire nyaliye ti Petro yenene, nya Yohana, nya Yakobo, nyishe wu mwana nya nina. ⁵² Nya bandu boshi bali ke bira nyu ku deta deta, anyadeta, mutalile, atafwuno tya humire naho. ⁵³ Banyamusheka bwenene, kulya bali manyire ko mirafa. ⁵⁴ Anyagwata kuboko kwage, anyashony'izwe, anyadeta musole ( mwana ), imuka. ⁵⁵ Lilyo, mutima gwage gwanyija lilyo lilyo anyimanga, nya Yesu anyahuma hamuke biriwa. ⁵⁶ Babusi lye munyere banyasomerwa, anyabawira batakuwire mundu ukwaba.