¹ Ilyakaba mira usa kudeta binwa byage, bigiziwa bage nakazi boshi balike mwiziriza, aningira i Kapernaumu. ² I mulazi wa nahano mushangalume Muguma aali mulwazi basi kufa. ³ Anyuva bagwete bagadeta hanyanya lya Yesu, anatuma bagingi ba Bayahudi imwage iji kiza mulwazi. ⁴ Lyo bakaluka imbere lya Yesu, banamuhoha wenene nuku dita, byumene kumukolera yuko. ⁵ Kulya alimund'usimire bandu betu, kandi akatubakir'isinagogi(ishengero). ⁶ Yesu anahanguka kugenda, nalibo ilyakaba bakola hasi lyu ku hika, uye nahano anatuma bandu kugendiwira Yesu, nahano, utitalangalize kulya nyehe ndume neni, kiri wehe kwingira mwi nyasi lyi nyumba yani. ⁷ Kulya nyibone ko ndumeneni nyenene kwija imwabe, kuji Deta naho kinwa kiguma n'umukozi wani agakira. ⁸ Kulya nani, ngwete abangulire, nani gwete bandi bashangalume bo gwete ngakolesa n'iri nangawira muguma, Gengda angenda Ijaa ananije, kuno Mukozi wani gira kuko. ⁹ Lyo Yesu akuva yibyo binwa, anyemera uye mushangalume. Anahindukira iri bandu abali mushimbire anabawira, kwi Israeli nda kahana ugwete mbikirizi nene iri ngino. ¹⁰ Lyo abali tumirwe numushangalume bakaguluka, banashanga muluazi rir'akira. ¹¹ Mukyo, Yesu anagenda mwa kaya kabuziwe Naini, bigiziwa bage na bandi bandu, boshi banahanguka. ¹² Lyo bakahiba hasi lyu luzi lu kwingira mwa kaya, bana shangana mundu ufire, mwana wike ningawu mukana kazi, yaho hali bandu bingi ba mwayako kaya. ¹³ I nahano y'akamubona, ana mufir'ambonga anamuwira, hurika utalire. ¹⁴ Anamwegelera, anahuma kwi sanduku abali lidite banimanga andeta, mukanyimba nukuwira byuka. ¹⁵ Lilyo kirunda kyanabyuka kyanabudatala, mukutondera kiga ganula Yesu anamuhezoza nina. ¹⁶ Boshi banagwata nyi kyoba, banigana Mungu, nukudeta, " Mulagu mukulu uno watushono kera." "Mungu ashondera bandu bage." ¹⁷ Yugo mwazi hanyanya lya Yesu, gwanenera kihugo kyoshi kiyudera, bi bihugo bi butambi. ¹⁸ Yohana anawirwa nyazi yoshi na bigiziwa bage. ¹⁹ Anabuza bigiziwa bage babili anabatuma imwa Yesu kugendi mu wira uri ulya ugija, kand'iri tuga linda ugundi. ²⁰ Banahika habutambi lya Yesu banamuwira, "Yohana Muvibi kani atutuma imwabe twiji kuwira, ilya ugaba wi ulya ugija, iri tulinda ugundi. ²¹ Kwa kikyo kishazi, Yesu anakiza bandu bingi malwazi birema, mihusi, bihofu bingi byana bona. ²² Naye anabushuza, mugende mubalira umwazi Yohana kazi byoshi mwabona, mukuva, bihofu byabona, birema byashomora, bibembi bya kira, bitwitwi byuva abafire bafuka, mwazi mwija gugwete gugigirizuwa mwa bakeni. ²³ Nama mulya yeshi utaga kunira na nyehe. ²⁴ Lyo, abali tumirwe na Yohana bakagenda, Yesu anatondera agadeta numushambiro, hanyanya lya Yohana, "Mukagend'ilola biki yi nderegenye? lusheke lugwete lugashagala nu ruhusi". ²⁵ Ti, mukagendi lola biki? abali kwembete mirondo mya(yumenene?) n'abalamire mwi nyumba nyija zu bwani. ²⁶ Ala, mukalyoka kugend'i lola biki? ka mulagu? ee nadeta, n'uhimire mulagu. ²⁷ Yuye yuka sarangirwa bino lola, natuma mutumwa gwani imwabe, kugenda kwengerekeza injira mbere lyabe. ²⁸ Mamuwira, yeshi ukabutwa nu mukazi nday'ukulire Yohana yi koke, muto mu bwami bwa Mungu alimukulu ku muhima. ²⁹ Boshi abakanwa, na bukulyuza lugeshe, lyo bakwa yibyo banigana ukuri kwa Mungu banavibikwa kwa meji mingi na Yohana. ³⁰ Ti ba ma Farisayo, na bigiriza bi migako bakalahila lu shungu lwa Mungu hanyanya lyabo batakavubikwa nyaluge. ³¹ Nahano anyadita nibashusha nya nande mwe bandu ba lino ikondo? nabo bashushire biki? ³² Shushenwe na bana, ababu detere musoko, bagwete bagidesa desa bonene ku bonene nukudeta twabandira tukorobe ti mutabina, twiniba ti ndaye walira. ³³ Kulya, Yohana muvubisi wa bandu akija atakelya mukate, atanakenwa mavu, nukudeta, agwetwe na bazimu. ³⁴ Mwana wu mundu ija kulya nukunwa, nukudeta, ali mulyi kandi minwi, mwira wa musokona bandu bitima mibi. ³⁵ Nyu bwenge bumanyikene ko buli nyu kuli mwa bana bage boshi. ³⁶ Mu Farisayo muguma anahoha Yesu balye naliye. Yesu aningira mwi nyumba yu mu Farisayo, banabera kulungutenge. ³⁷ Kubona mwa yuko kaya mwali mukazi muguma munama bi, akuva ko Yesu alimwinyumba yu mu Farisayo, alidite hyamulondo hiri mo mavuta gu kubaya. ³⁸ Aningira anabudatala mwa magulu ga Yesu, anatondera kulira, kwiyo mirenge yage anatondera kushuka magulu ga Yesu, nuku gahotola ni mvirizage, ananga galya mavuta gu kubaya anamushiga. ³⁹ Mufarisayo uwali mulalisire ly'akabona kuko, anidesa yenene, "Ilyangaba uno mundu alimulagu, agama nya iri aliwishusho nyuki, nuno mukazi uwamuhuma, agamanya ko alimuna bubi. ⁴⁰ Yesu anyadeta anabawira, "Simoni, haliko ngakuwira" mwigiriza Deta anashuza. ⁴¹ Anyadeta, mundu muguma wu kushoza bandu babili balimugwete mwenda, muguma aligwete dinari magana gatano, nyu gundi wa kabili makumi gatano. ⁴² Lyo batali kigwete lyo bangamulyula, anyabakoga boshi babiri. Mukati lya yabo babiri nyande u wangamusima bwenene. ⁴³ Simoni anyashuza anyadeta, al'yuye akakogo nyingi. Anyamuwira, watwa bubaja kwija. ⁴⁴ Anyasoker'ulya makazi, anyawira Simoni, wabon'uno mukazi? nyingir'imwabe, utambeza meji gu ku shuka magulu gani, ti ye ashongolokeza magulu gani i mienge, nyu ku hotola nyi ku mbotala magulu nyi mwiri zi kitwe kyage. ⁴⁵ We utanyunguta nyu ku mbubirira, tyuno, kutangirira bishazi nyingira ataleka kunyu nyuguta magulu gani. ⁴⁶ Utashig'itwe lyani mavuta, tyuno ashiga magulu gani mavuta gu ku baya bwija. ⁴⁷ Hanyanya lya yuko makubwira, akongwa mabi(byaha) gage agali mingi, kulya asima bwenene tya kikogwa hinini, ulya wakesima hinini. ⁴⁸ Hanyuma anyabwir'uye mukazi wakogwa mabii(byaha) gabe. ⁴⁹ Lyo yabo abakabudatala nyahiye kulya, hanyatondera kudeta mu mitima yabo, at'inde uno kuhikirira akoge mabii(byaha)? ⁵⁰ Anyawir'uye mukozi, bwemere bwabe, bwakukulula, ugendage nyu mutula.