1
Lwanaba lusiku lwa kasiku(i sabato) luguma alike lenga mwa ma ndalo gi ngano, bigiriziwa bage banyakegenda bagahulula ngano nyu ku zilya. Banyakizivungira mwa maboko nyi ku zilya.
2
Bafarisayo baguma banyakebawira, kute kuno mwagir'ukutemeneni lusiku lwi saboto?
3
Yesu anyabashuza: ka mutiji mukasoma ko Daudi akagira bishaz'yakuvwa mwena, ye nya kazi bali nyaliye;
4
anyingira mwi nyumba ya Mungu, anyanga imikati yali yi ndulo anyagirya anyaheza nya babo kazi bali nyaliye. Binyasarazirwe mwi migako ko bagingingi nyaho bo bumenene bagilye.
5
Yesu anyashubi bawira ko " Mwana wu Mundu ye Nahano wu lusiku lu sabato."
6
Bikaba lundi lusiku lwi sabato( lwa kasiku), Yesu anyingira mwi sinagogi anyigiriza; mwanyali mundu muguma kuboko kwage kwali kwa malebera.
7
Bandisi nya balenguzi(mafarisayo) bali ke muhigira, balolekez'iri agakiza mundu lusiku longo lwa kasiku; lyo baloza kinwa kyu ku mushongerera mo.
8
Tyali kwiji misaliro yabo, anyabwir'uye wali nya malebera gu kuboko: Inamuka wimange yaho mukati. Inyinamuka anyimanga bwimanga.
9
Yesu anyabawira, nyababuza mwe, kuli kwija lusiku lwa kasiku(sabato) lumenene kugira mija, iri kandi mabi, kukiza mutim'iri kandi kugilibuza?
10
Anyabatomolera masu boshi bande zoshi, anyabwira uye mundu, golola kuboko kwabe, anyakugolola; kuboko kwage kwanyaba kugumana.
11
Banyagaya,nyu kubuza kute bangagira Yesu.
12
Mwa yizo siku anyalyoka agenda mu mumana kugendi huna, anyakyesa bushigi boshi agwete agahuna Mungu.
13
Lyo bwalimalikya, gukola mushi anya buza bigirizibwa bage, anyalondola ikumi nya ba biri ho bashambira, anya babuza ndumwa;
14
Simoni, ya kaha izina lya kabiri Petro, nya Andrea mwene wabo, nya Yakobo nya Yohana, nya Filipo nya Bartolomayo,
15
nya Mathayo nya Tomaso, nya Yakobo wa Alfayo, nya Simoni ubuzibwe Zelote,
16
nya Yuda wa Yakobo, nya Yuda Iskariote, ulya ukaba mulyalya nyu ku muguza.
17
Anyandagala kuguma nyalibo, anyimanga kuguma naya bigirizibwa bage bingi ahandu hali ndeka, nyi ndeko ya bandu bingi abakalyoka i Buyahudi boshi nyi Yerusaemu,nyi bande zi mitazi yi Tiro nyi Sidoni.
18
abalikwijiri muvwa nyu ku kizibwa malwazi gabo. Nya balya bali libuzibwe nya bazimu; banyakizibwa.
19
Nyi ndeko yoshi yalikeloza umuhume ko, kulya buhashe bwali ke mulyoka nyu ku kiza boshi.
20
Anyinamula masu gage anyalolokeza bigirizibwa bage anyadata, muli nyi nama mwe muli bakene, kulya bwami bwa Mungu buli bwenu.
21
Muli nyi nama mwe mushalisire zene, kulya mgiguta. Muli ni nama mwe mugwete mugalira kulya mugasheka.
22
Muli nyi nama mwe nga bandu banga bashomba, nyu ku ba bola, nyu ku bahiririka, nyu ku kabulira ibuga izina lyenu nga kinwa kibi, hanyanya lya Mwana wa Adamu.
23
Mube nya magene mwa yizo siku nyu ku tanduka tanduka, kulya luhembo lwenu luli lunene i kunguba, kulya bishe wabo bakagirira balagu kuko geke.
24
Namabi imwenu mwe mugwete bindu, kulya, kuholezibwa kwenu mira mwakuhebwa.
25
Namambi mwe mira mwiguta,kulya mugabona mwena. Nama mbi mwe mugwete mugasheka, kulya mugagira mulambi nyu kulira.
26
Mudasirwe mweshi mwe nga bagaba tundirika,kulya bishe wabo bakagirira balagu bu bushumi kuko geke.
27
Ti nyabawira mwe mugwete muguvwa, musime bagoma benu, mubakolere mija balya ababagayire.
28
Mugashanire balya abagwete babadaka, mugashanire balya aba benezire.
29
Uwakubanda mwi tama liguma musolere lindi, nya kazi uwangakunyaga i koti lyabe umuhereze nya kanzu kabe.
30
Muheze yesh'ugwe tugakunyaga bindu byabe, utanyaloze akugalulire.
31
Nga ko musimire bandu babakolere, mubakolere kuko kuko nyenu,
32
Kulya mukasima balya babasimire, mweresa bwija buki? Kulya bandu ba mabi bakesima geke balya babasimire.
33
Nyenu mukabagirira mija balya bakebagirira mija mweresa mija maki? Kulya bandu ba mabi bakegira geke nyabo kuko.
34
Nyiri mwangashoza bandu nyu ku langalira luhemb'imwabo, mweresa bwija buki? Kulya bandu ba mabi bakeshoza bandi ba mabii nya kalangalizi ku ku galulilwa.
35
Ko kuko musime bagoma benu, mugire mija, nyu ku shoza buzira kulindirira kulyulwa kulya luhembo lwenu lugaba lwingi; nyenu mugaba bana buly'uli ikunguba, kulya ali mwija kwa balya abatakemuheza mukongwa nya bandu babi.
36
Ko kuko mube nyu lukogo nga kwishe wenu uli kunguba alugwete.
37
Mutashongerere nyenu mutagashongererwa, mutahiririke nyenu mutagahiririkwa; mulikule nyenu mwalikulwa.
38
Mukeheza bandu bindu nenu mugahebwa ; kigero kyu sindirira nyu kwijulila, nyu ku shongera kuhikirira kubulagika, byo bandu bagabaheza mwi bifuba byenu. Kulya kigero kyu ka gerera bandi kyo nab'ugagererwa.
39
Anyababwira geke guno mugani: kihofu kyanga genda nyi kindi kihofu? batangahirimira boshi mwi nzimo nguma?
40
Mwigiriziw'atali mukulu kuhima mwigiriza wage. Ti mwigirizibwa yeshi ukahikirira akeshusha mwigiriza wage.
41
Kyatum'ubwine i kyasi ikiri muisu lya mwene wenu tyu tabwini ikiguku kiri mwisu lyabe.
42
Kutage wangabwira mwene wenu: wije ngu lyose i kyasi kiri mwisu lyabe wu ta gwetu gabona i kiguku kiri mwisu lyabe? Ndyalya we, ti lyose i kiguku kazi kiri mwisu lyabe uzindi loza kute wangalyosa kyasi i kiri mwisu lya mwene wenu.
43
Atali kati kija ko ka ke hesa mahu mabi nya kati kabi kahese mahu mija.
44
Kulya kati koshi kake manywa kwa mahu gage, kulya batakehumbula mu mishomwa i tini nyi mwa matumba i zabibu.
45
Mundu mwija akelyosa bindu bija mu bikiro mija yu mutima gwage, nyu mundu mubi akelyosa bindu bibi mu bikiro zage nyibi zu mutima gwage mubi.
46
Kyatuma mugwete mugambuza Nawetu, Nawetu mutanya gweti mugagira byo ngwete nga deta?
47
Nga beresa mundu ushushire u mundu uwij'irimwani nyu kuvwa binwa byani nyu ku bikolesa, nga ko bidesire.
48
Ashushenwe nyu mundu ukubaka nyumba yage anyahumba bwenene nyu kushingira ngulir'ifo mu lwala. Migezi nyi mbwembe za niji kwishatanga kwa liyo ti itahomoka kulya yali kubasirwe bwija.
49
Ti yeshi wuvwa binwa byani buzira ku bikolesa ashushenwe nyu mundu ukubaki nyumba yage kwi daho buzira nguliro. Migezi nyi mbwembwe za ni ji kwi libika kwa liyo, yana hirima nyu kukundumuka kwage kwanyaba kunene.