¹ Lusiku luguma Yesu alikwimazire hasi nyi ziba li Genezareti, lyo bandu bingi hali hayo bagwete bagasindana, kandi bamusosire lyo buvwa mwazi gwa Mungu, ² Anaybona bwato gwa zibiri izi jizirwe i mutazi, yaho bavubi bali ke shuka tusira twabo. ³ Anyigira mu bwa Buguma u bwali bwa Simeoni, anyamuhuna agereze bwato hinini mwa meji kulyok'imutazi. Hanyuma lya yaho anya budatala nyukutondera agigiza anyali yumo mwinda li bwato. ⁴ Lya kusa kudeta anyabwira Simeoni, "Shengenezagya bwato ma meji, hanyuma mwanda gaze tusira twenu, muvube iji." ⁵ Simeoni anyamushuza, "Nawetu, twavuba bushigi boshi ti ndabyo twashula, ti kwi kinwa kyabe ngandagaza tusira." ⁶ Lyo nyabo bagatwa ndagaza tusira twabo, hanya shula iji nyugi bwenene, tusira tusira twabo twanjijura twanatondera tugadatuka. ⁷ Banakema bavubi birabo mwa yubo bundi bwato lyo biji batabala. Banyija, banyijuza yizo bwato zoshi zibiri ifi(samaki) kuhikirira lwato zikola mu ku lozi hangatira, nyu ku kulubira. ⁸ Simeoni Petro, lyakabonayuko u kwija, anyafukama mwa magulu ga Yesu myu ku mu bwira, Nawetu, ulyoke hondi, ⁹ Kulya ye na bavubi birage bakasomerwa bwenene nyifi(samaki) kuba nyingi. ¹⁰ Kuko kuko birange nya Simoni, bo ha Yakobo nya Yohana, bana ba Zebedayo, banyasomerwa nyabo geke nya yuko. Lityo lilyo, Yesu anyawira Simoni, "Utakaboho, kulyokera zene ugaba muvubi wa kandu." ¹¹ Lilyo banashegeneza bwato zabo imutozi li kiyaja, hanyasiga kira kindi nyu kumushimba. ¹² Yesu lyali mwa kaya kaguma mwa yuto twaya; hali mundu muguma mubembi, nyaye lyakamubona uye mundu anyi kabula hashi nyu ku fukama, anyamuhuna nyu kudeta, Nawetu ukaloza wangagyesa. ¹³ Yesu anyagolola kuboko kwage nyu kudeta, Nyaloza; ukyesibwe. Lilyo lilyo bibembi byage byanyamulyoka. ¹⁴ Hanyuma anyamuwira atabwire mundu yeshi. Ti anyamubwira gendi wi yerese ya bagingi, unyanyatange ku ku kyesiwa kwabe nga ko Musa akadeta bube busubura imwabo ko wakyesiwa. ¹⁵ Munyuma myazi hanyanya lyage yanya yanashabulikana nyu kuviwa handu hingi nya bandu bingi banyakemwijira bamuvirize nyu ku kizibwa malwazi gabo. ¹⁶ Ti ye ali keshogoka agende mwi mbinga(nderegenye), lya gendi huna. ¹⁷ Mwa yizo siku, hanyaba ulusiku Yesu ali ke kwigiriza, bafarisayo nya bigiriza bi migako bali yaho bagalyoka mu twaya nga Galilaya, nyu Buyahudi, nyi Yerusalema; nyu buhashe bwa Nawetu bwali ke boneka mu ku kiza bandu. ¹⁸ Lolekezagya ko hali bandu abali betwire mundu wa malebera, mu mbikirizi yu ku mubikiriz'imbele lyage. ¹⁹ Lyo bakagosha ho bamubika hanyanya lya bandu kuba bingi yumo mwinda, banyaterama inyanya li buliti nyu ku muleza hashambira ibiriki nyu kumwandagaziza imbere lya Yesu yumo mwind'ali. ²⁰ Lyo Yesu akabona bwemere bwabo, anyamubwira, Ee mwira wakogwa mabi gabe. ²¹ Bandisi nya bafarisayo banyatondera ku salira nyu ku kaja yibyo binwa banyakedeta, ali nyanduno ugwet'ugadeta binwa byu ku duka(byutumeneni)? nyande u wanga koga mabii ngatali Yesu yenene? ²² Ti Yesu, anyamanya nyifijo zabo, anyashuza anyabawira, biki mugwete mugibuza mu mitima yenu? ²³ Biki i bilelusire, kudeta , mabi gabe gakogwa nyu kudeta, imanga, shomola? ²⁴ Ti , lyo mumanya ko mwana wu mundu agwete hano hashi buhashe bu ku koga mabi: nyadeta, agawira ulya mundu wa malebera, imanga, wange ngingo yabe unyanagende imwabe. ²⁵ Lilyo lilyo, anyimanga ho bali, anyanga ngingo yage yaligwejere ko, nyu ku gend'imwage anyagwet'agakuza Mungu. ²⁶ Boshi banyasomerwa, banyakuza Mungu, banyijulwa nyi kyoba, nyu kudeta, zene twabona bindu byu ku someza. ²⁷ Hanyuma lya yaho anyalyoka, anyabonubuguzi wi koli, izina lyage ye Lawi, abudetere handu hu ku lyuziza, anyamubwira: njimba. ²⁸ Lilyo, anyasiga byoshi, inyimuka(anyimanga), anyamushimba. ²⁹ Nya Lawi anyamugirira mushambiro munen'imwage; hanyali babuguzi bi kodi bingi abali budetere bagwete bagalya boshi kuguma. ³⁰ Bafarisayo nya bandisi banyakenunguna, banyawira bigirizibwa bage, biki bitumire mugwete mugalya nyu kunwa nya babuguzi bi kodi nya bandu ba mabii? ³¹ Yesu anyabashuza nyu kubawira, abali bagumana batangifija mufumu, tyi abangifija bafumu bali balya bandu abalwazire. ³² Ndakiji buza bandu bukuli, ti balya bandu ba mabii, lyo bishobeka. ³³ Banyamuwira, bigirizibwa ba Yohana nya ba bafarisayo, bakelahira biriwa bishazi byoshi nyu kuhuna, ti bigirizibwa babe bakelya nyu kunwa. ³⁴ Yesu anyabashuza: mwangabwira bira bu muhya mutalye bishazi bali kuguma nyu muhya? ³⁵ Ti koke isiku zijire muhya agatwalwa nyu kutaba kuguma nyalibo, lyo bagiji shweka nyu kulahira ibiriwa mwa yizo siku. ³⁶ Yesu anyabawira gundi mugani, nday'uwakeshambira kiraka kyu mulondo muhyahya ku kiraka kyu mulondo mukulukulu; kulya akakibika kilya kiraka kihyahya kigasherera kulya mulondo muhyahya gutanga sonerwa ku mukulukulu. ³⁷ Ndaye mund'uwakebika divai mbyahya mu bihatwa ibishajire, nyir'yangaba agibika mo, iyo divai inyasherere nyu ku bera yibyo bihatwa nyi divai inya bulagike, ³⁸ ti kokekumenene kubika divai mbyahya mu bihatwa bihyahya. ³⁹ Nya ndaye yeshi amalinwa divai ndazi uwangasima ijinwa mbyahya.