¹ Yesu ali mari keijura Mutima mweru, anyagaluka kulyok'i Yordani anyarisibwa(anyabwirwa) nyu Mutima Mweru agendi mwi nderegenye (mwi mbinga), ² Handu ali ki gerekwa nya muzimu siku makumi gane. Yizo siku atali kyelya nyu kunwa, hanyuma lya yizo siku anyuvwa mwena. ³ Muzimu anyamubwira, "Iri we uli mwana wa Mungu, buiraga gano mabwe gabe mukate." ⁴ Yesu anyashuza anyamulira, "Bisarazirwe: Mundu atalamiri ku mukate naho" ⁵ Ibilisi(muzimu) anyamutwala ku mugazi mule anyamwelesa mami goshi gi kihugo kwi kishazi kiguma. ⁶ Anyamulwira, "Ngaluka buhashe hanyanya lya gano nanii nya mija gage goshi, kulya gakabikwa mwa maboko gani nani nyanga heza yeshi nzimire(ndozize). ⁷ Ko kuko iri ugandundulika, kwi kumba, kunwukamira nyu kwimba nye, byoshi bigaba byabe." ⁸ Yesu anyamushaza, "Bisarazirwe: Wikumbe Nawetu Mungu wabe nyu ku mu kolera yenene nahe." ⁹ Hanyuma ibilisi muzimu anya mutwala i Yerusalemu, anyamubika hanyanya li kisika(munara) mule gwi ngombe anyamubwira, "Iri we Mwana wa mungu, wikabule hashi kulyoka hano, ¹⁰ Kulya bisarazirwe, Agawira baganda bage bakulange, ¹¹ Nabo baga ku lengeza mwa maboko gabo lyutiji sitara magulu gabe kwiwe." ¹² Hanyuma anyashuza, "Bidesirwe utagereke Nawetu Mungu wabe." ¹³ Lyo muzimu akamalira migereko yoshi kwa yilyo bishazi, anyalikula Yesu kuhikirira hindi bishazi i byumenene. ¹⁴ Hanyuma Yesu anyagaluka i Galilaya, ali ijurire misi yu Mutima Mweru , nayo myazi yage yane nera hande zoshi zi kibaja nyi mwa matambi tambi gage. ¹⁵ Anyatondera kwigiza mwa ma sinagozi gabo, kira mundu anyamwigana. ¹⁶ Yesu anyagendi Nazareti,munda akalelewa sinagogi nga ko yali ngomerezi yage abyimanga asome, ¹⁷ Nyage anyahewa ibugu lya mulagu Isaya, anyakigula nyu kushanga ho handisirwe. ¹⁸ "Mutima gwa Nawetu guli hanyanya lyani, kulya anjiga mavuta kwigiriza bahene mwazi mwija. Anduma kubalira abashwesirwe, hanyanya lyu kushwekulwa kwabo, nyi bihofu kubona kwabo kandi, kuheza luhuma abakabonerwa, ¹⁹ Nyu ku bala hanyanya lyu mwaka gwa Nawetu ugwezibwe." ²⁰ Hanyuma anyashweka kitabu(i bugu) anyagalulira mukozi anyabudatala, bandu boshi abali mu sinagogi banyamukunulira masu. ²¹ Lilyo anyatondera kubawira, "Zene kino kinwa kyakoleka munagwete muguvwa." ²² Boshi abali hali banya mukuzanyu ku somerwa nyi binwa byage ibyali kwijwire lukogo, banyabuzanya, "Kuno atali mwana wa Yosefu." ²³ Yesu anya muwira, "Ko kuko, migiji ki deta guno mugani, Mufumu wikize wenene, muganyiji bwira: gira hano hamwenu bilya tuvwa wagira i Kapernaumu." ²⁴ Tya nyongera ukuli, "Ndaye mulagu uwake kwemerwa mwa kaya kage. ²⁵ Nyabawira kwi kuli, hali bakana kazi bingi mu Israeli bishazi bya Eliya, lya nguba ikashwekwa imyaka atu nyi miezi ndatu kandi hanyali mwena munene mu kihugo (hano hashi). ²⁶ Nya Eliya atakatumwa mu kiri Muguma wabo, ti mulya mukana kazi Muguma wi Sarepta mwi kihugo ki sidoni. ²⁷ Kandi hali bandu bingi bi bibembi bishazi byu mulagu Elisha, ti nday'ukakyesirwa ti Naamani, mundu wi Shamu." ²⁸ Banya kumira boshi abali mwi sinagogi lyo bakavwa yuko. ²⁹ Banyahuluka banya mutwala imbunga lya kaya kuhika hitwe lyu mumana u gwali yaho yako kaya kaliku basirwe ko, lyo bamukabulira hashi. ³⁰ Ti yi anyalanga lenga ho bashambira, anyigendera. ³¹ Anyadagala kuhiki kaya ki Galilaya, anya kebigiriza u lusiku lwi sabato(lwa kasiku). ³² Banyasomerwa bwenene, kwa migirizo gage, kulya kinwa kyage kyali nyu buhashe. ³³ Nya yumo mwinda li sinagogi mwali mundu uwali kujure Mutima gwa bazimu, anyamama kwizu lingi, ³⁴ Nyu ku deta, "Leka! Biki biri ho tushambira, Yesu kutushereza? Mushuke wa Mungu." ³⁵ Yesu anyamushenya, anyadeta, "shweka kanwa, umulyoke mo!" Lilyo lilyo yugo muhusi(muzimu) anyamuhibinya hashambira bandu, anyamulyoka buzira kugira kandu abi imwage. ³⁶ Kisomeza kyanyabagwata boshi, banyabwirana nyu ku deta, "kiri kinwa kiki kino, kulya agwete agabwira bazi mu ku buhashe bunene, nabo banalyoke." ³⁷ Myazi yage yanenera hoshi kibaja(kihugo). ³⁸ Anyalyoka mwi sinagogi, anyigira mwi nyumba ya Simoni, nina wa mukage, alilwazire namushuma munyemu anyahuna hanyanya lyage, ³⁹ Anyimanga habutambi lyage, anyashemya ulya nyamushuma, anyamuleka, lilyo lilyo anya genda anyabakolera. ⁴⁰ Bishazi izuba lyali mali kulubira, boshi abali nya balwazi babelulukene banyabadeta imwage, anyagolola maboko hanyanya lyabo anyabakiza. ⁴¹ Bazimu banyalyoka bandu bingi, nyu gend'abagamama. ⁴² Shezi makyera kyera, Yesu anyagenda a habishamire. Bandu bingi banyakemuloza handu hoshi, lyo bakamubona banyolizi muhangarika atagende. ⁴³ Ti te anyamuwira, bimbimire kubala mwazi mwija zu bwami kwa Mungu nyu mu tundi ywaya geke kulya hanyanya lya zibyo kyatuma ngija. ⁴⁴ Nyage anyagenda kubala yugo mwazi mwija mu ma sinagogi gi bu Yahudi.