¹ Ti Sauli anyake kobohya nyuku ke Salila kwita bigiriziwa banawetu anyagendera mugingi mukula. ² Anya huna amuheze maruba zuku genda i Damaski i zika sarangwa mwama Sinagogi,nga-ngabona bandu bino njila,bashosi ili kandi bakazi abashweke nyuku badeta i Yerusalemu. ³ Ndako ali mulugezi,anyaba akola wasi nyi Damaski ,makutu anya hulukirwa ni kyenge kulyoka i kunguba. ⁴ Anya hilima hashi,anyuva izu ligwete liga muwira,Sauli,Sauli hanyanya lyabiki wangoshesa mutula? ⁵ Anyakula,uli'nde nawetu?nya nawetu anya deta: nye Yesu yu gwete ugagoshesa mutula. ⁶ Ti wimange,wingile mwakaya,nabenga wirwa i byumenene ugire. ⁷ Bandu abali mulusize banyimanga bunda deta, nyukuva izu ti,batawini mundu. ⁸ Sauli anyimanga kulyoka kwidaho,nya masu gage gana shwekuka,atakabona kandu,bana mugwata kukuboko,bana mudeta i Damaski. ⁹ Ana sigala siku zi shatu buzila kubona,kulya ili kandi kunwa. ¹⁰ Kuko hali i Damaski mwigiriziwa muguma i zina lyage Anania,nawetu anya muwira mubyeleso,Anania! anya deta nili hano,nahamwetu! ¹¹ Nawetu anya mwira,imange,ugende mwinjila ibuziwe kugololoka,uloze, mwi nyumba ya Yuda mundu u buziwe Sauli,wi Tarso;kulya,agwete aga huna. ¹² Naye aka bona mundu,izina lyage Anania,agwete angigira,nyuku mubikira maboko inyanya lyage,ashwekube asu abone. ¹³ Ti Anania anashuza,nahamwetu,mira-nguva myazi yuno mundu i mwa bandu bingi,mabi mingi akagirira bashukwa babe i Yerusalemu. ¹⁴ Kili hano agwete buhashe,buku lyoka yabakulu ba bagingi ashweke boshi abake kubuza izina lyabe. ¹⁵ Ti nawetu ana muwira,genda naho,kulya una ali kihatwa kilondolwa kyani,aheke izina lyani imbele lya bana bilongo,imbele lya bami,nyimbele lya bana ba Israeli. ¹⁶ Nganya mweresa byoshi kwaga libula hanyanya lyi'zina lyani. ¹⁷ Anania ana lyoka, nya bishazi akahika mwi nyumba,ana gololela saidi maboko,anya deta Sauli,mwene wetu,nahamwetu Yesu uka kuhulukira mwi njila lilya walike kwija,anduma lyo uhewe kubona una nyijuziwe mtima mweru. ¹⁸ Haho mwana tibuka mwamasu gage bindu nga magamba,anya bona,anyimanga,anya shukwa mwa meji mingi. ¹⁹ Hanyuma analya nyuku bona misi,Sauli ana sigala siku nga zinga kuguma nya bigiziwa abali i Damasiki. ²⁰ Mwa yibyo bishazi anyake kwigiriza mwa ma Sinagogi ko Yesu ali mugala Mungu. ²¹ Boshi aboka muviliza baka somerwa,banake-deta: katali uno ye wali ke libuzanya i Yerusalemu a bali ke buza lino izina,katija hano aheke bashwekwa imwa bagingi bakulu? ²² Sauli anya gendelela kuba ndwali ana gangomya ba Yuda abali kebeera i Damaski kweresa ko Yesu ye Kristo. ^{25 23} Kili siki mingi zimali lenga,Bayahudi banagira luhango ba mwite. ²⁴ Ti luhango lwabo lwana manyiva na Sauli,bana langa luvizi mushi nyu bushi ba mwite. Bigiriziwa bage bana mwanga bushzi bana mwandagaza mwi kibambazi mwa keebo. ²⁶ Bishazi Sauli akahika i Yerusalemu,anagereka kwibika imwa bigiziwa,nyabo balike mwoboha boshi,batakemera ko yehe ali mwigiriziwa. ²⁷ Ti Barnaba ana mwanga,ana mutwala imwa ndumwa,ana bahiziza kute akabona nahamwetu mwi njila,anya deta naliye,nya kute akigiriza mwazi mwija nyi misi I Damaski kwi zina lya Yesu. ²⁸ Naye anaba kuguma nyalibo mwi Yerusalemu agingira nyukulyoka. ²⁹ Anyigiriza mwizina lya nawetu mu bundwali,anyake deta nyukugira mbaka nya Bayahudi bi Kiyunani nyabo banagereka ku mwita. ³⁰ Ti bishazi bene wabo bakamanya bana mutwala i Kaisaria,nyuku muheka i Tarso. ³¹ Ishengero lyanabona mutula mu buyahudi boshi nyi galilaya nyi samaria,lyana ubakwa lyana gendelela,nyukwirikila,nyukushomola mubooba Bwana Wetu,nyuku gwasiwa nyu mtima mweru. ³² ngako petro ali ke soka-soka mbande zoshi nyuku lola bashukwa anyandagalila gake yabo baali kebeera i lida. ³³ Anabona mundu muguma iyo,izina lyage ainea,uyo mundu agwejere kwingingo myaka munane ; kulya aligwete malebela. ³⁴ Petro anya muwira, ainea, Yesu Kristo akukiza; lyoka;wengerekeze nyingo yabe. haho haho anyimange. ³⁵ Nya bandu boshi a bali ke beera i Lida nyi sharoni bana mubona, banasokera nawetu. ³⁶ Nya mwiriziwa muguma ali i yafa,izina lyage Tabita, kokudeta Dorika. unomukazi ali kwijwire ngolezi nyija myengo ali ketanga. ³⁷ Mwa yibyo bishazi ana lwala,nyu kufa. Bamali mushuka,bana mubika mwi kyumba kinyanya. ³⁸ Ngako Lida yali habutambi lyi yafa nyabo bigiziwa buva ko Petro alyo,banatuma bandu babili imwage,bamuhohe,nyuku deta,utatinde kwija imwetu. ³⁹ Petro anyalyoka anya bashimba,mukuhika kwage bana mutwala inyanya mwa yikyo kyumba,bakana boshi bana musoka bagwete bagalila,nyuku mweresa yizo kanzu nyi milondo Darika akahanga bishazi bilya alikili kuguma nalibo. ⁴⁰ Petro ana balyosa imbuga boshi anakumba mavi,anya huna,ha nyuma anasokera uye mufu,ana deta,Tabita,imanga!anya shwekula masu,anya bona Petro,ana budatala. ⁴¹ Ana muheza kubako,nyuku mwimaza,anabuza bashukwa nya bakana ana mubika imbele lyabo. ⁴² Yibyo byana manyikana mwa kaya koshi ki yafa,bandu bingi banemera nahamwetu. ⁴³ Petro anya bela siku nga zinga iyo i yafa mu nyumba yu mundu muguma,izina lyage Simoni mukungi wimbu.