¹ Mwa yizo siku mabili mahamu ganatondera mwishengero ilyali Iyerusalimu,boshi banashabulikana mwi kihugo ki Buyahudi niji Samaria,kulyosa ndumwa. ² Bandu bitunda bi mwishengero bana bisha Stefano,bana mugirira mushibo muhamu. ³ Sauli anya gona ishengero,kuke kwingira mwama nyumba,nyuku kekulula bashosi nya bakazi nyu kuke bashweka. ⁴ Ti yabo bakashabulikana banagendela luhande nu luhande banake kwigiriza mwazi mwija. ⁵ Filipo,ana-andagalila nyu kuingila mwa kaya kanene ki Samaria,anya bigiriza mwazi mwija gwa Kristo. ⁶ Nyu mushambiro(gwa bandu)banake muviliza mu musalilo muguma yibyo binwa byalike detwa nya Filipo mukuva nyuku bona bisomeza ali ke gira. ⁷ Kulya mihusi mibi ikalyoka bingi abali gwete naliyo,nyuku lila kwizu linene,nya bandu bingi bi malebela,nyi bifunga,banakiziwa. ⁸ Busime bwingi bwanaba mwa yako kaya. ⁹ Nyu mundu muguma,izina lyage Simeoni,yaho butazi alike gira bufumu mwa yako kaya,anyake someza bandu bi Samaria,nyuku deta kwali mundu mukulu. ¹⁰ Boshi banake muviliza kulyoka muto kuhika mukulu,balike deta,uno mundu ili misi ya Mungu,uye mukulu. ¹¹ Banya muviliza kulya aka basomeza siku nyingi mu bufumu bakemera Filipo,agwete. ¹² Ti bishazi bakemera Filipo,agwete agi-giriza mwija gu bwami bwa Mungu,ni izina lyage Yesu Kristo,bana shukwa mwa meji mingi,bashosi nya bakazi. ¹³ N'uye Simoni naye anemera,ana shukwa mwa meji mingi,anyabera nya Filipo,anasomerwa mukubona bisomeza ni bitangaza, i byalike koleka. ¹⁴ Ni ndumwa i zina i Yerusalemu,bishazi bakuva ko Samaria yemera mwazi gwa Mungu,bana tuma Petro nya Yohana. ¹⁵ Mukuandagala,bana tuma ba hunira bangilile mtima mweru, ¹⁶ Kulya atalishazi bashonokera kili muguma wabo,ti baka shukwa naho mwa meji mingi kwizina lyage nawetu Yesu. ¹⁷ Haho Petro nya Yohana banabika maboko gabo hanyanya lyabo,nabo, nabo banahewa mtima mweru. ¹⁸ Bashazi Simeoni akabona ko bandu bahewa mtima mweru mukubikirwamaboko nyi'nduma,anyasima abaheze njuma. ¹⁹ Anya deta,mumbeze nani buno buhashe,lyo mundu yeshi nga bikilaa maboko gani,ahewe mutima mweru. ²⁰ Ti Petro anya muwira,njima zabe zi telekele hale kuguma na mabe,kulya wasalila ko kigabi kya Mungu kyake boneka mwi kishingo ki njuma. ²¹ Utagweti fumbato kili kilolo mwa lino igambo,kulya mutima gwabe guta gololosire imbele lya Mungu. ²² Wishobekage buno bubi bwabe,hune nahamwetu,aku-koge misalilo yu mutima gwabe. ²³ Kulya nyakubona uli mubululu nga bu ndulwe,nya kandi uli mushwekwa wa mabi. ²⁴ Bamali kusa ku gira busubura nyukwigiriza kinwa kya nawetu. ²⁵ Petro nya Yohana bana goluka i Yerusalemu,banagwete bagigiriza mwazi mwija mu twayatwingi twi Samaria. ^{28 26} Malaika wa nawetu anya deta nya Filipo,anya muwira,ulyoke ugende luhande lwi kajoba kuhika mwi njila i yendegele kulyoka i Yerusalemu kugenda igaza,inali ndelegenye. ²⁷ Nyaye anya lyoka,anyagenda,lola anya bona mundu wi kushi,mundu wi Etiopia,uka sayulwa uwali bisirwe hanyanya lyi'mbiko yage yoshi,naye aligezire i Yerusalemu kwikumba. ²⁹ Mtima gwana wira Filipo,gendelela wegelele kwa kano kambiliti. ³⁰ Filipo anya genda duba,anya muva agwete aga-iga kitabu kya mulagu Isaya,anya dete,ka! umanyire bino binwa ugwete ugi-igo? ³¹ Anya deta,kute ngahasha kubimanya,nga mundu ata ndangwiri?anya hoha Filipo ashona nyuku budata la kuguma naliye. ^{33 32} Nyu lusarango lwa yibyo binwa ali-ke-kwiga lu luno,baka mudeta nga kibuzi mu lubagiro,nya kandi nga mwana wi kibuzi uli kavuma imbele lya batwi bi byoya,atana shwekula kanwa kage, 33Mu kwenegwa kwage kajingulwa kwage kwana inamulwa,ali nyande uga ganula'ikondo lyage? kulya bugumana bwage ba bulyosa mwi kihugo. ³⁴ Uye ukasayulwa anya shuza Filipo,anya deta,nya kuhuno,una mulagu,adesire bino binwa,mu mwazi gwa nande,ili myazi yage yenene ili zugundi mundu? ³⁵ Filipo ana shwekula kanwa kage,nyaye,anatondelela mwa yizo nzarango,anya mwigiriza mwazi mwija gwa Yesu ³⁶ Banyaba mukugendelela mu n'jila,banahika handu ho bakashanga meji,bili biki bihazire nda-shukwe mwa meji mingi? ³⁷ Filipo anya deta ukemera mu mutima gwabe goshi,bihashikene,anyashuza,anya deta nyemera ko Yesu Kristo ye mwana wa Mungu. ³⁸ Anyimaza kambiliti,Filipo nyuye uka sayulwa banaandagalila mwa meji,naye anashukwa mwa meji mingi. ³⁹ Bishazi bakalyoka mwa meji,mtima gwa nawetu gwana twala Filipo,nyuye ukasayulwa ataka ki mubona,anyagenda nyu busime. ⁴⁰ Ti Filipo anaboneka mwi Azoto,nya bishazi alike lenga nyukwigiriza mwazi mwija mu twaya loshi,anya hika i Kaisaria.