1
Hali mundu i Kaisaria,izina lyage Kornelio,shangalume wabasilikani igana windeko ibuziwe yi kitalia.
2
Mundu wikwikumba nyukuoboha Mungu,kuguma ni nyumba yage,alike tanga myengo mingi,kuheza bandu anyali ke huna siku zoshi.
3
Anyabona mu byereso i bili gerere-gerere,nga bishazi mwenda byu mushi,malaika wa Mungu anyira imwage,ana muwira: Kornelio!
4
Ana mulala,anyoboha anya deta: biki nahamwetu? anya muwira,mahuno gabe nyi myengo yabe i shonire nyuku hika igukuba lukengezo imbele lya Mungu.
5
Kukuno utume bandu i yafa,ubuze Simeoni,ubuziwe Petro.
6
Ahazire mwa mundu muguma,izina lyage ili habutambi lyi nyaja,aga kuwira ibikulozire kugira.
7
Bishazi uye malaika uwali ke ganula naliye amali lyoka,Kornelio anabuza bakozi bage babili bumu nyumba,nyu musirikani muguma,mundu wu kwoboha Mungu mwa balya balike kola siku zoshi.
8
Amali kusa kubawira magambo goshi anya batuma i Yafa.
9
Lusiku lwa kabili,bali mulugezi nyuku'egelela kaya,Petro ana teremira inyanya yali kyumba,mu bishazi balindatu ahune.
10
Anyuva mwena,anasima alye bishazi balike deeka byukulya,anya hola.
11
Anyabona kunguba ya shwekuka,nyi kihatwa nga mubondo munene,gwana andagaziwa gu gwasirwe mwa mahembe gage gane nyuku hika kwidaha.
12
Mwinda lyage mwali shusho zoshi zi nyama za magulu gane,nya yizo zukuhuta,nyutunyonyi tumukyahanya.
13
Nyi'zu lyana muwira,imanga,Petro,niga,unyalye.
14
Ti Petro nyadeta,nanga,nahamwetu,kulya ndashuba ngalya kili kindu kyu bushasha nyi kitwete ndolendole.
15
Izu lyana mwijira bwa kabili,lyana mwira,ibikashukwa nya Mungu uta bi buze bushasha.
16
Yibyo byanahika kashatu,hanyuma yikyo kihatwa kyanaangililwa ikunguba.
17
Bishazi Petro ali nyi nganingani nyukwibuza ko kudeta kute bino byereso abona,yabo bandu a baka tumwa nya Kornelio,bamali buza buziki bwa Simoni,banyimanga imbele lyu luuzi.
18
Banyabuza,ko,Simoni ubuziwe Petro ahazire muno.
19
Nya Petro alike gerereza yibyo byereso,mtima ana muwira,lala,bandu bashatu bagwete ba kuloza.
20
Imuka wandagale,unyagende kuguma nyalibo,buzila nganingani,kulya wabatuma.
21
Petro anya andagalila yabo bandu,anyadeta,nyehe,nye mugwete muga loza,mwija hanyanya lyi biki?
22
Banyashuza,Kornelio,shangalume,wabasilikani igana,mundu wukuli angwete kyoba kya Mungu,anya ke tundwa nyu mulala goshi gwa bayuda,ashungulwa nya malaika mushukwa atume bandu imwabe,ugende mu buziki bwage,uvilize binwa imwabe.
23
Petro ana begereza nyuku bahandisa,lusiku lwa kabili,anyalyoka anya genda kuguma nalibo,baguma baguma babo abali ka koota iyafa bana mushimba.
24
Lusiku lwa kabili lwage bana ingila i Kaisaria,nya Kornelio ali ke balinda,ana gusha bilongo byage byoshi nya birabage.
25
Bishazi Petro ali ke kwingira Kornelio,anya lyoka,ana hilima imbele lya magulu anyikumba.
26
Ti Petro ana mwinamula,anadeta imanga,nyehe nani nili mwada.
27
Na mukudeta nalye anyingila,anashanga bandu bingi bashengenene.
28
Ana bawira,mwehe mwiji ko bilahililwe mundu uli Muyahudi ishambye nyu mundu uli wu gwindi mulala,ili kugenda imwage,ti Mungu anjungula,ndabuze mundu yeshi bushasha ili ndolendole.
29
Katuma nyija,kulya mwambuza,nda lahire,nyamu buzagya hanyanya lyibiki mwandumira bukundoza?
30
Kornelio anashuza,zikola siku zine mwa bino bishazi nalike huna mu nyumba yani bishazi mwenda,nana bona mundu imazile imbele lyani,embele milondo yuku langala.
31
Anadeta,Kornelio,kuhuna kwabe kuviwa,nyi myengo yabe ikengerwe imbele lya Mungu.
32
Kuko,tuma bandu bagende Yafa,ubuze Simoni,uwake kunga imbu,habutambi lyi kwija.
33
Kana liguma,nanatuma bandu imwabe,nabe wagira bwija kwija kwija,tulagi tweshi imbele lya Mungu,tuvirize byoshi nahamwetu aku himbikila.
34
Petro anashwekula kanwa kage,anadeta,ukuli namanyako Mungu atagweti lubolo.
35
Ti mwi milala yoshi,mundu u mwaboshire nyuku gira ukili ake kwemerwa naye.
36
Kulya kinwa aka twalila bana ba Israeli agigiriza mwazi mwija gu mutula gwa Yesu Kristo (ye nahemwetu tweshi).
37
Ilyo igambo mulimanyile,bilya bikahika mu Buyahudi mashi,lyana tangilila i Galilaya,hanyuma lyukushuka mwa meji mingi bilya alike kwigiriza Yohana.
38
Myazi ya Yesu wi nazareti,kute Mungu aka mushiga mavuta mu mtima mweru nyi misi naye ali ke hinda ino nino,nyuku gira mukolwa mwija nyuku kiza boshi bali bonerwe na muzimu,kulya Mungu ashuba kuguma naliye.
39
Netu tuli basubura bi magambo goshi aka gira mwi kihugo kya Bayahudi ni Yerusalemu,baka mwita,nyuku mubika kwa kati ka mahagi.
40
Uye Mungu aka mufula lusiku lwa kashatu,ana muhashisa kuboneka,
41
Itali imwa bandu boshi,ti imwa basubura a bali mali londolwa nya Mungu,tunali twehe,twe tukalya nyu kunwa kuguma naliye hanyuma lyu kufuka kwage kulyoka mwa bafu.
42
Yesu ana tugaka twi girize bandu nyuku bala ko uno yuka bikwa na Mungu abe wukutwa lubaja mwa bagumana nya bafire.
43
Balagu boshi bake mutunda ko mundu yeshi uga mwemera agahewe kwi zina lyage lukogo lwa mabi.
44
Bishazi Petro ali ke deta yibyo binwa mtima mweru ana bashonokera boshi a bakuva yikyo kinwa,
45
Nya yabo baka kyembwa,yabo bali kwijire kuguma nya Petro bana somerwa kulya bana bilongo nabo ba bulagirwa kigabi kyu mutima mweru,
46
Kulya baka buva bagwete bagadeta kwi ndeto,nyukwigana Mungu,
47
Petro anyadeta,twanga lahira meji,bano batashukwe,mwa meji mingi,bandu a bahewa mtima mweru nga twehe?
48
Anyadeta bashukwe mwa meji mingi kwi zina lage Yesu Kristo,banya muhoha agenderere ku bera siku nga zinga nalibo.