¹ Kuko ndumwa nya bandi bali mu Buyahudi banamanya ko banabilongo nyabo bangililo mwazi gwa Mungu. ² Nya bishazi Petro aka terama kugenda i Yerusalemu balya bakakyembwa banya girambaka naliye. ³ Banadeta,wingila imwa bandu batakakyembwa wanalya naliba. ⁴ Petro anya tondela bunibuni kubawira,anyadeta. ⁵ Nyali mwa kaya ki Yafa,ngwete nga huna,mutima gwani gwana hala,nanabona byereso,kihatwa kyandagala,nga mulondo muhamu kiandagaziwe kulyoka ikunguba kwa mehembe gage gane,kyana mbikila. ⁶ Nana kilolekeza nyuku shimbilila,nanabona nyamazu mukihugo izigwete magulu gane ni nyama zu mumuzitu,nyayizo zukuhuta nyu tunyonyi zumukyahanya. ⁷ Nya nuva izu ilyali kembwila imuka Petro,ushiye uliye. ⁸ Nyana deta,nanga,kulya kindu kibushasha nakigwete ndale ndale kitashuba kika ingila mwa kanwa kani. ⁹ Izu lyana mbwila bwa kabili kulyoka iku nguba,bilya Mungu akashuka,uta,bone nga bushasha. ¹⁰ Lino igambo lyanakoleka kashatu,hanyuma byoshi byana twatwa iku nguba. ¹¹ Lolekeza,haho-haho bandu bashatu bakatumwa imwani kulyoka i Kaizaria,bana himanga imbele lyu luzi lwi nyumba twali-mo. ¹² Mtima ana mbwira ni bashimbe,ndabone ngani ngani bana bashosi balindatu banagenda kuguma na nani,twaningira munyumba yuye mundu. ¹³ Anya tuganulila kute akabona malaika uwali kwimazire munyumba yage nyuku muwira,tuma bandu bagende i Yafa ubuze Simoni ubuzuwe Petro. ¹⁴ Uga kuwira binwa biga kukiza,wehe ni nyumba yabe yoshi. ¹⁵ Bishazi nga tondera kudeta,mutima mweru anabashonokera,ngako akatu shonokera mubutondero. ¹⁶ Nana kengera kilya kinwa kya nawetu;Yohana akashuka mwameji ukuli,ti mwehe mugashukwa nyu mutima mweru. ¹⁷ Aho,ili angaba Mungu abaheza kigabi kilya alitweza twe tukemera nawetu Yesu Kristo,nyehe nili nyande nihashe kusika Mungu? ¹⁸ Hanyuma lyukuva yibyo,bana hulika,bani gana Mungu,nyuku deta,Mungu aheza banabilongo kuha hala kubadetele bugumana. ¹⁹ Balya bakashabulikana hanyanya lya malibu agakiza mu mwazi gwa Stefano,banya balama kuhika i Foinike nyi Kipro nyi Antiokia,bataka igiliza mwazi,ti imwa Bayahudi naho. ²⁰ Ti baguma ba yabo abali bandu bi kipro nyi bi Kirene nyabo bishazi bakahika i Antiokia banadeta nya Bayahudi bi Kiyunani,banyigiriza mwazi mwija gwa nawetu Yesu. ²¹ Kuboko kwa nawetu kwali kuguma nyalibo,nya bandu bingu banyemera,banyasokera nawetu. ²² Iyo myazi ya yabo bandu yanahika mwa matwiri gishengero ilyali i Yerusalemu;banatuma Barnaba,agende ahike i Antiokia. ²³ Bishazi akahika,nyuku bona lukogo lwa Mungu ana shambala,anabahoha boshi babere nyu mutima u gushwesire imwa nawetu. ²⁴ Kulya ali mundu mwija,i jwire mtima mweru nyi mbikilizi,bandu bingi bana irikira imwa nawetu. ²⁵ Barnaba analyoka,anagenda i Tarso aloze Sauli. ²⁶ Amali mubona ana mudeta i antiokia. i kaba mwaka mugumana banashanga nana kugumanyi shengero nyuku igiriza bandi bingi. Nya bigiriziwa banabuziwa benezi butazi yaho antiokia . ²⁷ Bibyo-bibyo bishazi,balagu banyaanda kulyoka i Yerusalemu kwija i Antiokia. ²⁸ Muguma wabo izina lyage agabo anyimanga nyukudeta mubuhashe bu mtima mweru,ko,mwena mwengi gugija mwi kihugo kugumana.gwana hika bishazi bya Claudio. ²⁹ Nya yabo bigiriziwa,kila mundu anyatuma ngako ali hashire byuku gwasa bilabo abali ke kota i Buyahudi. ³⁰ Banagira kuko,banabatwalila bashaja mwa maboko ga Barnaba nya Sauli.