¹ Mwa bibyo bishazi,mwami Herode ana golola maboko gage bandu baguma bishengero mabi. ² Anyita Yakobo mwene wabo nya Yohana nyu mupanga. ³ Mukubonako byasimisa Bayahudi ,anya gendelela ana gwata Petro.yizo siku zali siku zi mikate ita gazili. ⁴ Anali mugwata nyuku mubika mu mugozi,ana mubika mwa maboko gi mizizi ine gabasilikani bane-bane,bamulange,nyuku sima hanyuma lyi Pasaka amulyose nyuku mubika imbele lya bandu. ⁵ Petro anya langwa kuko mugozi,nyi shengero lyana huna Mungu buzila kutwa hanyanya lyage. ⁶ Bushigi ubwali imbele lwa yulo lusiku Herode alisimire amulyose,Petro ali shwesirwe mwi migozi ibili yibyuma,anya gwejire hashambila basilikani babili,nya babili buku linda lwizi lwa yuma ba mushwekere. ⁷ Lolekeza,malaika wa nawetu anyimanga habutambi lyage,kyenge kyanaaka yumo alishwekerwe.malaika anyabanda Petro mu tubali,ana mubyusa nyuku deta,lyoka duba.migozi yana hirima mwamaboko gage. ⁸ Malaika ana muwira,wishweke mukaba,ambala bilato byabe.anygira kuko anya muwira kandi,ambala mulondo gwabe,unjimbe. ⁹ Anyalyoka imbuga,ana mushimba;buzila kumanya ko bili byukuli ibyakoleka nya malaika;ti anyasalila ko byabona bili byereso. ¹⁰ Bishazi bakalenga hubulazi bulazi nyu bwakabili,banyija kili kuluzi lwikyuma lukuingila mwakaya,lwana bigukila lonene.bana lyoka imbuga,bana lenga mwinjila nguma;haho malaika ana musiga. ¹¹ Haho Petro,ana galukilwa nyu bwenge,anya deta,kukuno namanya buzila nganyinganyi ko nawetu atuma malaika kwage andyose mukuboko kwa Herode nya kulya Bayahudi boshi bashuba langalile. ¹² Nya amali gerereza yibyo anagenda imwa Mariamu nina wa Yohana ,ayizina lyage lya kabili Marko;nya bandu bingi bali shengenene yumo bagwete bagahuna. ¹³ Anyalasa kuluzi, mukozi wu mukazi izina lyage Roda,anyija uvirize. ¹⁴ Anamanya izu lya Petro;nyu,mu busime bwage anagaluka buzila kwigula,anya-tibita anya bawira ko Petro imazire imbele lyu luzi. ¹⁵ Banya muwira,uli musire.ti yehe anya deta ko kuko bili.banya deta,ali malaika wage. ¹⁶ Petro anya gendelela kulasa.bana igula,nyukusomerwa kumubona. ¹⁷ Petro ana bakema nyu kuboko bahulike,anya bahiziza kute nawetu amulyosa mwa yugo mugozi,anadeta,muwire Yakobo nyabandi ino nyazi.anya lyoka,anagenda lundi luhande. ¹⁸ Bishazi bukakya,basirikani banagwatw nyi gongo lingi,kute Petro aba. ¹⁹ Nya Herode bishazi aka muloza ata mubone,anya buza-buza yabo balike langa,anyadeta babite.hanyuma ana-andagala kulyoka i Buyahudi kugenda i Kaisaria anya bela iyo. ²⁰ Nyaye alikunirire bandi bi Tiro nya bi Sidoni,bana mugendera mu musalilo muguma,bamali gila bwira nya Blasto,uwalike kunga kyumba kya mwami kyuku gwejera,banya huna mutula;kulya kihugo kyabo kyali ke bona biliwa mukihugo kya mwami. ²¹ Nyu mulusiku luguma u lukalondolwa,Herode,anyambala mirondo yage yu bwami,anabera mwi kifumbi kyage ki bwine,anya lyosa binwa imbeli lya bandu. ²² Bandu banya banda kalulu,banyadeta,lili izu lya Mungu litali izu lyu mundu. ²³ Haho malaika wanawetu anya mubanda,kulya atakaheza Mungu bulangashane;anyaliwa nyi bizimu nijonga njila,anyafa. ²⁴ Kinwakya nawetu kyana genderera nyukuba hoshi. ²⁵ Barnaba nya Sauli,bamali gira bukozi bwabo,banagaluka kulyoka i Yerusalemu,banyatwala Yohana ubuziwe Marko.