¹ Nyiyo i Antiokia mwishengero ilyali iyo hali balagu nyabalimu,nyabo bo Barnaba,nya Simoni ubuziwe nigeri,nya lukio mundu wi Kirene,nya manaeni uwali wukwoza wa mwami Herode,nya Sauli. ² Bishazi bano balike girira nawetu bukozi nyuku shweka batalye,mtima mweru anya deta: mu-mbelulile Barnaba nya Sauli mu mukolwa gulya ngababuziza. ³ Bamali shweka nyukuhuna,bana bika maboko gabo hanyanya lyabo,bana leka bigendele. ⁴ Yabo bandu bamali twalwa nyu mutima mweru banyandagalila i Seleukia,nyukulyaka iyo banabalama mwi nyaja kuhika i Kipro. ⁵ Mukuhika i Salami bana igiriza mwazi gwa Mungu mwa Masinagogi ga Bayahudi,nyabo bali nya Yohana kuba mukozi wabo ⁶ Bamali lenga handu hasosirwe nyimeji kisiwa kyoshi kuhika i Pafo,bana bona mundu muguma,mufumu,mulagu wubushumi,Muyahudi izina lyage Bar-Yesu. ⁷ Uno mundu alikuguma nya liwali Sergio Paulo,mundu wu bwenge.yehe liwali anya ba buza Barnaba nya Paulo bije imwage,anyasima ive kinwa kya Mungu. ⁸ Ti elima,uye mufumu(kulyako kudeta izina lyage),anya bahanga nyukusima abike uye liwali mutima guku siga iyo mbikilizi. ⁹ Ti sauli ye paulo ijurire mtima mweru,ana mulola. ¹⁰ Anya deta,mundu wijwire mabi goshi,mwana wa muzimu,mugoma wukuli koshi,utalesili kuhindula njila zigololosile zanawetu? ¹¹ Kuko,lola,kuboko kwanawetu kuli hanyanya lyabe,nyabe ugaba kiyofu,utabone izuba. haho,kizizi kyana muhilimira,anya soka soka nyuku huma-huma,nyukuloza mundu uga mulangula. ¹² Mwa yibyo bishazi uye liwali,akabona ibika koleka,anyemera,anyahumwa nya yago migirizo ga nawetu. ¹³ Paulo nya birage banyingira mu bwato banabalama kulyoka i Pafo,banyahika i Perge mwi Pamfilia.Yohana ana basiga anya galuka i Yerusalemu. ¹⁴ Ti bohe bana lyoka i Perge,banalenga mukati ki kihugo,banahika i Antiokia,kaya ki Pisidia,banyingira mwi Sinagogi lusiku lwakasiku,banabera, ¹⁵ Hanyuma lyukusoma migako nyibugulya balagu,mukulu i Sinagogi banatuma mundu imwabo,nyuku bawira,bashosi ili mugwete kinwa kyumenene bano bandu,mukidete. ¹⁶ Paulo anyimanga,anyabakema nyukuboko,anadeta,mwebashosi bisraeli,na nyenu mwe mwake kobaha Mungu,muvirize. ¹⁷ Mungu wa bano bandu bisraeli akalondola badata. anabatundulika bishazi bali kebera nga bageni mukihugo ki Misri ana balyosa ku kuboko kwage kwi misi anya balangula. ¹⁸ Anya balisahasi myaka makumi gane mwinderegenye. ¹⁹ Amali shereza bilongo bilinda mukihugo ki Kanaani anya baheza kihugo kyabo kibe mwimo mubishazi bi myaka nga magana gane na makumi gatano. ²⁰ Hanyuma lya yibyo,anya baheza batwi bimaja kuhika mulagu Samweli. ²¹ Bana hunaga bahewe mwami,Mungu ana baheza Sauli mugala kishi,mundu wu mulala gwa Benyamini mu bishazi bi myaka makumi gane. ²² Anali mulyosa,ana inamula Daudi abe mwami wabo uye akagirira busuburako nyabona Daudi,mugala Yese,mundu usimisize mutuma gwani,ugiji gira buloze bwami. ²³ Nya mwikondo lya Daudi mo Mungu,ngako akalaga akadetera ba Israeli mukuluzi,ye Yesu,ngako bikasarangwa. ²⁴ Imbele ije,Yohana aka igiriza boshi bi Israeli mwazi gukushukwa nyuku hahala. ²⁵ Naye Yohana bishazi akusa lugezi lwage,anadeta : ndali uye musalile;ti lolekeza,hanyuma lyani hagija muguma,ndumeneni kushwekula bilato byage. ²⁶ Benewetu,bana bi mwikondo lya Ibraimu,nya nyenu mwe mobohire Mungu,imwenu yo guno mwazi gu bukulule gutumirwe. ²⁷ Kulya bandu abakebera i Yerusalemu nyabakula babo,kulya bata mumanya ye Yesu,kili binwa bya balagu ibyake somwa kila lusiku lwakasiku,babikwiza muku mulibuza. ²⁸ Nyakandi batakabona kasitaza kuku-mwita,banahuna Pilato amwite. ²⁹ Bamalikusa byoshi bikasarangwa hanyanya lyage,bana mwandagaza kwayako kati,banamubika mwishinda. ³⁰ Ti Mungu anya mufula mwabafu . ³¹ Anya baneka siku nyingi nya yabo bakashona naliye kulyoka i Galilaya kuhika i Yerusalemu,bo banyakola basubura bage imbele ilya bandu. ³² Na nyetu twabigiriza guno mwazi mwija gwi kilagane kyo bakahewa ba Data. ³³ Mungu akwiziza bana betu yikyo kilangane,muku-mufula Yesu;ngako bikasarangwa mwi zaburi zakabili,wehe we mwana wani zene nakubuta. ³⁴ Kandi kulya amufula mwabafu,atabone kugaluka mubusherera,adeta kukuno,nga baheza mwehe bindu bishukwa bya Daudi ibili byukuli. ³⁵ Kwa yuko adeta nya handi,utagasiga mushukwa wabe abone busherera. ³⁶ Kulya Daudi,amali kolela lushungu lya Mungu mwikondo lyage,ana gwejera,anabikwa kuguma nyabishe,anyabonabusherera. ³⁷ Ti uno uka fulwa nya Mungu,atakabona busherera. ³⁸ Kuko,bimanyikane imwenu,bene wetu,ko,imwuno mo mwigiriziwa lukogo lwa mabi. ³⁹ Nyi mwage,mundu yeshi uga mwemera aga-gajwa ukuli mwibindu byoshi ibyatanga hasha gajirwa ukuli mwi migako ya Musa. ⁴⁰ Mwi lolekeza bita muhikire bilya bikadetwa mwa balagu. ⁴¹ Mulolekeze,mwe mwake kwenega,musomerwe,mutereke,kulya nyagira mukolwa mwisiku zene,mukolwa go mutanga'emezire kili mundu anga bahiziza bwenene. ⁴² Bishazi bakalyoka baka bahoha bawirwe bino binwa mu lusiku lwa kasiku u lugashimba lwakabili. ⁴³ Mwa yugo mushambiro Bayahudi bingi nya yabo batauwa binashimba Paulo nya Barnaba,abalike deta nyabo,bana bakanya mutima kugenderera mukati kulukogo lya Mungu. ⁴⁴ Lusiku lwaka siku uluka shimba,bandu bingi hasi kaya koshi banigushikanya bive kinwa kya Mungu. ⁴⁵ Ti Bayahudi,bishazi bakabona mushambiro,banijula nyu bongwa,banyilyosa mu yibyo Paulo ali ke deta,nyuku kabulana binwa nyukuduka. ⁴⁶ Paulo nya Barnaba banadeta kwimisi yubundwali nyukudeta,imwenu lyo kinwa kya Mungu kyanga desirwe kana butazi,ti kuko mwakishegeneza hale,nyuku'ibona misalilo yenu ko mutashuba kumenene kalamu ki myakula,lola,twa sokera bana birongo. ⁴⁷ Kulya,ko twa himbikilwa nya nawetu;nyakubika ube lwenge lwa banabirongo,udete bukulule kuhika mwiso gwi kihugo. ⁴⁸ Bana birongo mukuva kuko,banashambala,banyigana mwazi gwa nawetu,nya yabo baali longesirwe kalamu ki myakula banemera. ⁴⁹ Kinwa kya nawetu kyani'jula mwa yikyo kihugo kyoshi. ⁵⁰ Ti Bayahudi bana bika binwa mwa bakazi batauwa nayabo bagwete bukulu,nya bakulu bu mwikaya bana inamula bandu bagoshese Paulo nya Barnaba,bana ba lyosa mwakaya kabo. ⁵¹ Paulo nya Barnaba bana ba tumulila lutumu-tumu lwa magulu gabo,banagenda' ikonio. ⁵² Iyo bigiriziwa bana ijula busime nyu mtima mweru.