¹ Iyo munda i ikonio,Paulo nya Barnaba banigira kuguma mwi Sinagogi ba Bayahudi;nyangako bali kedeta,bandu bingi ba Bayahudi nya Bayunani banemera. ² Ti balya Bayahudi abatali kwemezire banake funda bandu,banabirongo bisalilo mibi hanyunya lyabo. ³ Kuko bana bera iyo bishazi bingi,nyukudeta kwi misi yy bundwali mukati kana wetu,ukabala kinwa kyu lukogo lyage,ana bahashisa bisomea nyi bitangaza bikoleke mwa maboko gabo. ⁴ Ti koke bandu ba mwa -kaya bangababaguma bali luhande lwinduma. ⁵ Hanalyokera luganga lwabandu ba bana birongo na Bayahudi kuguma nya bakulu babo hanyanya lyabo,kubanduka nyuku bashulika kwa mawe. ⁶ Paulo nya Barnaba,bana manya,bana tibitira listra nya Derbe,twaya twa likaonia,nyi twaya twali sosire. ⁷ Banabera iyo,nyuku igiriza mwazi mwija. ⁸ Niyo i Listra hali mundu muguma,magulu gatali kanire kulyoka kubutwa kwage,atali shazi shomola. ⁹ Uye mundu akuva Paulo lilya alike deta,Paulo,ana mukamunyiza masu nyukubona agwete bwemere buku-kira. ¹⁰ Anyadeta nyizu linene,imanga kwa magulu gabe bwija.anyimanga duba-duba anyashomola. ¹¹ Nya mushambiro mukubona yibyo Paulo agira,banashonya izu,nyukudeta mwindeto yi kilikaonia,ba Mungu ba twandagalila mwi shusho ya bana ba bandu. ¹² Bana buza Barnaba,zeu,nya Paulo,Herme,kulya ye wali mudesi. ¹³ Mugingi wa zeu uye ishengero lyage lyali imbele lya kaya,anyadeta ngavu nyi kikumbu ki ndonde ku luuzi kusima atange itulo kuguma nyu mushambiro. ¹⁴ Ti ndumwa Barnaba nya Paulo,bishazi bakamanya yugo mwazi banabera mirondo yabo,nyukugenda duba mukati ku mushambiro banagwete baga tera mbila. ¹⁵ Nyukudeta,mwe-bashosi,hanyanya lya biki mwagira bingi?twehe netu tuli bana ba bandu nga mwehe;twa mwigiriza mwazi mwija,lyo muhinduke nyuku siga galya magambo gu busha nyukusokera Mungu uli mugumana,uka bumba kunguba nyi kihugo,nyi nyaja nyi bindu byoshi ibili-mo. ¹⁶ Uye butazi bukalenga akasiga bana bilongo bagende mwi njila zabo bonene. ¹⁷ Ti atakisiga buzila busubura,kulya agira mija,kubaheza nvula kulyoka kunguba,nya bishazi byukuimbula,ake mwigusa mitima yenu biliwa nyu busime. ¹⁸ Nya kwa yibyo binwa bana sika mushambiro,bata batangile itulo. ¹⁹ Ti Bayahudi banahika kulyoka i Antiokia nyi ikonio,bana wira mushambiro,bana ba banda mawe Paulo,bana bakulula habutambi lya kaya,bana salila ko afwa. ²⁰ Ti bigiriziwa bana musoka,ani manga,nyuku ingila mwa-kaya;nyu lusiku lwa kabili lwage,analyoka,anyagenda kuguma nya Barnaba;Derbe. ²¹ Bishazi balimali kwigiriza mwazi mwija mwa yako kaya,nyuku bona bigiriwa bingi,banagaluka i Listra nyi Ikonio nyi Antiokia. ²² Bana kanya mitima ya bigiriziwa nyuku bahoha babere mu bwemere,nya kandi bituhunire kwingira mu bwami bu kunguba mwi njila ya malibu mingi. ²³ Bana londola bashaja mukila ishengero,nyukuhuna kuguma nyuku shweka,bana babika mwa maboko ga nawetu uye bakaemera. ²⁴ Banalenga mu-kati ki Pisidia bana ingila Pamfilia. ²⁵ Bamali kwigiriza mwazi mwija mwi Perge banaandagalila i Atalia. ²⁶ Nyuku lyoka iyo banagenda mu bwato i Antiokia,iyo yo bakahunirwa lukogo lwa Mungu mwa yugo mukolwa bali mali gira. ²⁷ Bamali hakabana ligusha ishengero,banabawira magambo goshi go Mungu agira kuguma nalibo,nya kute igulila bana bilongo luuzi lwi mbikilizi. ²⁸ Bana bura siku nyingi,kuguma nya bigiriziwa.