¹ Bandu baguma kulyoka i Buyahudi banaadagala,bana bigiriza yabo bandu ko,mtaka kyembwa ngako Musa ahimbisire,mutanga kululwa. ² Paulo nya Barnaba banyaba nyi binwa nya bano,baterame i Yerusalemu imwa ndumwa nya bashaja,lya yibyo binwa. ³ Kuko,bana balama nyi shengero lyana bagwasa mwa yulo lugezi,bana hika mukati ki kaya ki Foinike nyi Samaria,nyuku bahiziza kute bana bilongo basoka,bana basimisa yabo benewetu. ⁴ Mukuhika i Yerusalemu,ishengero lyana bahandisa nyi ndumwa nya bashaja nyabo bana bahiziza byoshi Mungu agira nyalibo. ⁵ Haho baguma ba Bafarisayo,abakaemera,banimanga,nyukudeta,bihumire banabirongo ba kyembwe nyuku bagaka balolekeze migako ya Musa. ⁶ Ndumwa nya bashaja banigusha kuguma basalile yikyo kinwa. ⁷ Bana kabulana binwa bingi,Petro anyimanga,anya bawira,bene wetu,mwehe mumanyire kulyokera butazi Mungu akalondola mukati kenu,ko banabilongo bakuva kinwa kija mwa kanwa kani,nyuku emera. ⁸ Nya Mungu,uwiji mitima ya bandu,anya badetela nyuku baheza mtima mweru kuko-kuko ngako aka tuheza twehe. ⁹ Ataka nagira mbelelukanwe mukati ketu twehe nyalibo,anya bashuka mitima yabo mwi mbikilizi. ¹⁰ Kukuno,hanyanya libiki mwali gereka Mungu nyukubika kongwa mwa magosi ga bigiriziwa,kazi badata ili twehe tutakahasha kubetula. ¹¹ Ti mu lukogo lwa nawetu Yesu uye twemezire tuga kululwa kuko-kuko nga bohe. ¹² Mushambiro goshi gwana hulika,bana uviriza Barnaba nya Paulo muku bahiziza myazi bisomeza nyi bitangaza byo Mungu akagira nyalibo mukati kabanabilongo ¹³ Bishazi bakusa kudeta , Yakobo anyadeta, bene wetu mu-nyuririze. ¹⁴ Simoni atuwira kute Mungu yaho butazi Mungu akalola bana birango lyo alondole bandu mwalibo hanyanya lizina lyage. ¹⁵ Nya binwa bya balagu bagwatana na libyo,ngako bikasarangwa. ¹⁶ Hanyuma ya bino nga galuka,nani ngubaka kandi nyumba ya Daudi,ikahirima,ngubaka kandi kuhirima kwage,nani ngagimaza. ¹⁷ Lyo bana ba bandu a basigere baloze nawetu,nya bana bilongo boshi balya izina lyani lya detwa imwabo. ¹⁸ Adeta nawetu,uwake manyisa yibyo kulyokera myakula. ¹⁹ Hanyanya lya yibyo,nyehe nabona kukuno,tuta bike tusitaza kwa balya basokera Mungu mwa bana birongo. ²⁰ Ti tubasalangire ko biyeke nyu bushasha bwi bizuzu,nyu bushule,ni nyama zi nyamafu nyu muko. ²¹ Kulya,kulyokera butazi Musa agwete bandu abake kwigiriza magambo gage,mukila kaya lusiku lwa kasiku lwake somwa mwa masinagogi. ²² Kuko byana simisa ndumwa nya bashaja nyi shengero lyoshi kulondola bandu mukati kabo nyuku balwala i Antiokia kuguma nya Paulo nya Barnaba,nyabo,bo babano,Yuda uwali buziw Barnaba,nya Sila,ba bali bandu bakulu mukati kabo. ²³ Banya Saranga maruba kukuno nyuku batuma mwa maboko gabo ndumwa nya bashaja,nyi mwa benewetu abali i Antiokia nyi shamu nyi kilikia abali banabilongo,musingo. ²⁴ Kulya tuva ko bandu a balyosire imwetu,tutana bawira ko babahabya mwi binwa byabo,nyuku muhangusa mitima yenu,yo twehe tutaka bagaka. ²⁵ Twehe twa bona kwija,nyuku uvikanwa mu mutima muguma,kulondola bandu nyuku batuma imwenu kuguma nya Paulo. ²⁶ Bandu a bakitanga nyoyo yabo hanyuma lyizina lya nawetu Yesu Kristo ²⁷ Kuko twa tuma Yuda nya Sila baga mwigiriza mu tunwa twabo bibyo bibyo binwa. ²⁸ Kulya kwa simisa mtima mweru nya nyetu,tuta babetuze gindi mizigo ti bilya byu-menene. ²⁹ Mumanye,mwihangule nyi bindu i bikatangwa kwi bizuzu,nyu muko,ni nyama i zika tumbila,nyu bushule,mukinga nya libyo,muga-gira kwija,tugabonana. ³⁰ Yabo bamali hangulwa nyi shengero baluhuke,bana andagalila i Antiokia,nya hanyuma lyuku-bika bandu boshi mu-mushambiro bana baheza yago maruba. ³¹ Nyabo,bamali ba soma,banya shambala kuko ba bahohya. ³² Kandi Yuda nya Sila,kulya bonene bali balagu,banya ba bika misi mwi binwa bingi. ³³ Nya bamali bera iyo bishazi,banya bemerera nya bene-wetu bagende ku mutula imwa yabo baka batuma. ³⁴ Ti Sila anya bona bwija abere iyo. ³⁵ Paulo nya Barnaba bana bare i Antiokia,banake kwigiriza nyuku bala mwazi mwija gwa nawetu,kuguma nya bandu bandi bingi. ³⁶ Hanyuma lyi siku nga zinga Paulo anyawira Barnaba,tusoke tulolekeze benewetu mu twaya toshi tukigiriza mwazi gwa nawetu kute bagendelele. ³⁷ Barnaba anyasima agende nya Yohana u walibuziwe Marko. ³⁸ Ti Paulo atana bona kwija bamu gendane uye uka basiga iyo i Pamfilia,atagende nyalibo mu mukolwa. ³⁹ Kuko hanalyokera kutu-vanwa byana deta ba-sigane,Barnaba anya nga Marko anyagenda i Kipro. ⁴⁰ Ti Paulo anyanga Sila anyalyoka,anya hunirwa nya yabo benewetu ahewe lukogo lwa nawetu. ⁴¹ Anyalenga mwi shamu nyu mukilikilia nyuku bika mashengero misi.