¹ Anya hika i Derbe nyi Listra nya yaho hali mwiga uwali buziwe Timotheo,mwana wu mukazi Muyahudi ukeemera,ti ishe ali myunani. ² Uye mundi aka deterwa bija nya benewetu abali ke bera i Listra nyi Ikonio, ³ Paulo anya musima bagende naliye,anya mwanga nya mukyemba hanyanya lya Bayahudi abali yaho,kulya boshi bali kwiji ko ishe ali Muyunani. ⁴ Bishazi bali ke lenga muka ka yuto twaya,bana baheza iyo migako ika gakwa nyi ndumwa nya bashaja a bali i Yerusalemu,lyo bagigwate. ⁵ Ishengero zana bikwa misi mukati ka yubo bwemere,mugajo gwabo gwana irikila lusiku ku lusiku. ^{8 6} Banalenga mwi kihugo kya Frigia nya Galatia banalahilirwa nyu mtima mweru bata igiriza mwazi mwija mwi Asia. ⁷ Bishazi bakahika habutambi lyi Misia,banya gereka kugenda i Bethinia,ti mtima gwa Yesu gutana bemerera. Banyalenga i Misia,bana andagalila i Traa. ⁹ Paulo anya hulukirwa nyi byereso,anyabona mundu wi Makedonia imazire,nyuku muhoha,nyuku muwira,jabuka wije i Makedonia utugwase. ¹⁰ Kuko,amali bibona yibyo Byereso,twana loza tugende i Makedonia,kulya twabona kuli ukuli ko Mungu atubuza tubigirize mwazi mwija. ¹¹ Bana kula nanga kulyoka i Troa,twanahika i Samothrake,nya lundi lwage twana hika i Neapoli. ¹² Nyukulyoka yaho twanahika i Filipi,kaya ki Makedonia,kaya a kali kahamu ka yumo handu barumi baka bungira twanaba mwa kano kaya,twana bera siku nga zinga. ¹³ Lusiku lwa kasiku twana gendo habutambi lyu lwiji kazi tuka salila ko hali buziki buku huna twana budatala,twanadeta nya bakazi abali shengenene yaho. ¹⁴ Mukazi muguma,izina lyage Lidia,uwali ke gula shusho ishambire Mungu,anya tuviriza,uye mutima gwage gukashwekulwa nya nawetu,engekeze byo Paulo ali ke deta. ¹⁵ Bishazi akashukwa mwa meji mingi,yehe ni nyumba yage,anya tuhuha,anyadeta,ili mwambona kuba mwemezi imwa nawetu,mwingire mwi nyumba yani mubere,anya tukanya. ¹⁶ Bishazi twali ke genda yaho handu hukuhuna,mukazi muguma wu mukazi uwali ni mihusi yi ndagu,anya tushanga,ukaheza ba nahamwabo nyunguko nyingi mukulagula. ¹⁷ Anyashimba Paulo nya twehe nyuku bilangira,nyukudeta,bana bandu bali bakazi ba Mungu uli igulu,abagwete baga bigiriza njila yu bukulule. ¹⁸ Anyagira yibyo siku nyingi.ti Paulo anya gongomwa,anyasoka anyamuwira uye muhusi,kwizina lya Yesu Kristo,umu lyoke uno. Haho-haho anya mulyoka. ¹⁹ Ba nahamwabo bishazi bakabona ko kalangalizi ku bunguke kabo kabatereka,bana bagweta Paulo nya Sila,banabakulula mwakagulilo kuhika munda bakulu bikaya. ²⁰ Bana batwala mwa batwi bimaja nyukadeta bano bandu bagona kaya ketu nabo bali Bayahudi. ²¹ Kandi bagwete bagadete myazi itamezirwi ni myanya yetu,kuziangila ili kuzishimba,kulya twehe tuli Barumi. ^{24 22} Mushambiro goshi gwanalyoka,bana bagendera,batwi bimaja bana balyosa mirondo yabo kwi misi,bana lyosa kinwa bashulikwe tuti. ²³ Bamali bashulika bwenene, bana bakabula mu bushweke,bana wira mukazi wa yumo,abalange bwenene. Naye amalihewa buno buhashe,anya bakabula mwi kyumba kyu mwinda ana bashweka kyuma kwa magulu. ²⁵ Ti bishazi byu mukati byu bushigi Paulo nya Sila bali ke huna Mungu nyu kumwimbira nyimbo zuku mwigane,nya bashwekwa bandi bali kebuviriza. ²⁶ Makutu,hanyaba mujugumbo muhamu gwi kihugo,kili ngulila,haho nyuzi yana shwekuka,kushwekwa kwabo boshi kwana sira misi ²⁷ Uye mulazi wa yumo ana byuka naye bishazi akabona ko nyuzi ya yubo bushweke yashwekuka,anyalyosa mupanga,anyaloza kwiyita,anya salila ko bashwekwa batibita. ²⁸ Ti Paulo anya tera mbira,anya deta,utigire kulya tweshi tuli hano. ²⁹ Anya huna tu mole itale tudetwe,anya balalila mwinda,anyagwete agajuguma nyu boba,anya bahilimira Paulo nya Sila. ³⁰ Anya bayosa imbuga,anya deta,banahamwetu,nyumenene ngire biki lyo ni kire? ³¹ Banamuwira wemere nawetu Yesu,nabe ugakululwa kuguma ni nyumba yaba. ³² Bana mwira mwazi gwa nawetu yehe nya bandu boshi abali mwi nyumba yage. ³³ Anya begereza kikyo kikyo kishazi kyu bushazi,anya bashuka kuhikimbwa kwabo,hanyuma ana shukwa mwa meji boshi bibyo bibyo bishazi. ³⁴ Anya badeta inyanya mwi nyumba yage,anya baheza biliwa anyasima bwenene yehe ni nyumba yage yoshi kulya mira emera Mungu. ³⁵ Bishazi bukakya batwi bimaja bana tuma bakulu ba basirikani banyadeta muleke yabo bandu bigendere. ³⁶ Uye mulazi anya wira Paulo yibyo binwa,anyadeta mushwekulwe,kukuno,mulyoke imbuga,mwigendere nyu mutula. ³⁷ Paulo anya bawira,batushulika imbele lya bandu boshi buzila kututwira lubaja nya nyetu tuli barumi,kandi banatukbula mubushweke,nya kukuno balisima batulyose bubishama?kutali kuko,ti bije bonene batulyose. ³⁸ Bakulu ba basirikani bana wira batwi bimaja mwazi gwa yibyo binwa,nyabo bano boha,bishazi bakuva ko yabo bali Barumi. ³⁹ Banyija banya bahoha,nya bamali balyosa imbuga bana bahuna balyoke mwa yako kaya. ⁴⁰ Nabo banalyoka mwa yubo bushweke baningira mwi benewetu bana baholeza,banigendela.