¹ Bishazi Apolo ali i Korinto,Paulo amali lenga mwa-matioaya twi nyanya,anya hika i Efeso;anya shanganana nya bigiziwa baguma baguma iyo. ² Anya babuza,ka! Mukaangilila mutima mweru bishazi mukemera? bana mwakula,nanga,kili kuvu ko hali mutima mweru tutakuva. ³ Anya babuza kuko mukashukwa mu bushukwe bwa Yohana. ⁴ Paulo anyadeta,Yohana akashuka ku bashuke bukuhahala,anya wira bandu bemere uye ugija nyuma lyage,kudeta Yesu. ⁵ Bishazi bakuva yibyo binwa banashukwa mwa meji mingi kwizina lya Yesu. ⁶ Bishazi Paulo aka babikira maboko,mtima mweru gwana bashonokera,banatondera kudeta kwi ndeto,nyukulagula. ⁷ Nyu mugaja gwabo bakahika bashosi ikumi nya babili. ⁸ Anyingira mwinda lya Sinagogi,anyadeta kwi misi mwi bishazi bi myezi ishatu,agwete agadeta nya bandu hanyanya lyi bindi byu bwami bwa Mungu,anyikanya kukula abali ke muva. ⁹ Ti bandi banyaba bakayu,bana lahira kwemera,nyukuduka iyo njila imbele lyu mushambiro,kuko,anyalyoka anya basiga,anya belula bigiziwa,anyake deta nya bandi kila lusiku mwi somo lyu mundu muguma,izina lyage Tirano. ¹⁰ Yago magambo gana genderera byanalama myaka ibili,kili boshi bali ke bela i Asia Bayunani. ^{12 11} Nya Mungu anya gira bisomeza kulengela maboko ga Paulo kuleza ngomeleza. Kili balwazi banadeterwa bitambala nyi milonda zilyosiwe kwa magala gage,malwazi gabo gana balyoka. ¹³ Bayahudi baguma bukugenda-genda bagasoka,banagereka kukwira izina lya nawetu Yesu hanyanya lya yabo bali gwasirwe ni mihusi mibi,nyukudeta nya muhiva kwizina lya Yesu,uye agwete agigiriziwa nya Paulo. ¹⁴ Abali ke gira yibyo bali batabana balinda ba mundu muguma ye skewa,Myahudi,muguma wa bagingi bakulu. ¹⁵ Uye muhusi mubi,anya bakula,anya bawira,Yesu ni mwiji nya Paulo ni mumanyire,ti mwehe mwe banyande? ¹⁶ Nyuye mundu uwali gusirwe nyi mihusi anya tandukira babili babo anya bahasha nyuku bahima,banalyoka butibita mwiyo nyumba bali wahi banyagalisile. ¹⁷ Yibyo byana manyikana nya Bayahudi boshi nya bayunani abali ke bera i Efeso,boshi banoboha,nyi zina lya nawetu Yesu lyana kuziwa. ¹⁸ Nya bingi ba balya boko'emera banyija kwi shobeka nyukudeta ngolezi gerere gerere. ¹⁹ Nya bandu bingi mu kati ka yabo abali ke kola byu bufumu,banagushakanya bitabu byabo,banabyoka kumulilo imbele lya bandu boshi,banagira mugajo gwi kishingo kyalibyo,banabona ko bihisire ndejuma bihumbi makumi gatano. ²⁰ Kuko,ko kinwa kya nawetu kikagenderera nyukuhima kwi misi. ²¹ Yago magambo gamali sila,Paulo anya himbika kugenda i Yerusalemu,anya jabuka i makedonia nyi akaya,agende i Yerusalemu,anyagwete agedeta,kuba kwani yaho,bimbunire nibone i Rumi geke. ²² Anyatuma bandu babili mwa balya bali ke mukolela bagende i Makedonia,nyabo ali Timoteo nya Erasto,ye nene anya bera i Asia siku nga singa. ²³ Mwa yibyo bishazi hanya byokera lunganga lunene hanyanya lyu mwazi gwi njira ya nawetu. ²⁴ Kulya mundu muguma,izina lyage Demetrio,mikungi wi bihatwa bi kwikubira ko bi ndjuma bya Artemi Diane,uwali ke heza yabo bakungi bunguke bwingi. ²⁵ Anya bagusha yabo,kuguma nya bandi aba gweti gugo gugo mukolwa,anya deta Ee mwe bashosi,mwiji ko bugale bwetu bulyosire mwa guno mukolwa. ²⁶ Kandi mwabona nyukuva ko bitali mwi Efeso naho,ti mwi Asia yoshi geke uye Paulo atalika bandu bingi nyuku basola misalilo yabo,nyukudeta ko yebyo bigwete biga girwa nya maboko atali ba Mungu. ²⁷ Atali ko guno mukolwa gwetu gwanga deta kwenegwa naho,ti nyi shengero lya Mungu mukazi uli mukulu,Artemi Diane,kugosha itunda,nyuku lyosewa bulangashane bwage,uye Asia yoshi nyu mukihugo moshi bake kwikumbaye. ²⁸ Yibyo binwa byana bakunza,bana balangira Artemi wi Efeso ye mukulu. ²⁹ Kaya koshi kanyijula nganyi nganyi,banagenda duba banyi ngira handu hu kushatira,bamali gwata gayo nya Aristarko,bandu bi Makedonia abali bali balimire kuguma nya Paulo. ³⁰ Paulo anyasima ingire mu kati ka bandu,bigiriziwa banya muhanga atingire. ³¹ Nya baguma ba bakulubi Asia,abali bira bage,bayugo mushambiro gwali malibo kutuvikanwa,nya binginya tuma bandu i mwage,nyuku muhoha atingire yaho huku shatira. ³² Kuko baguma bali ke lila kukuno nya bandi kukuno,kulya yugo mushambiro gwali malibo kutuvikanwa,nya bingi babo batakamanya hanyanya lyi biki bashanganana. ³³ Bana lyo Iskanda mu mushambiro,Bayahudi bana mubika imbere Iskanda anya bakema nyu kuboko anya sima adete nya bandu. ³⁴ Ti bishazi bakamanya ko ali Muyahudi,banya bilangira boshi kwizu liguma mwi bishazi bi saa zibiri,nyukudeta,Artemi Diane wi Efeso ye mukulu. ³⁵ Nyu musarangi wi kaya amali hohya bandu,anyadeta,Ee mwe bashosi bi Efeso,mundu muki utamanyiri ko,kayagukuli,bihunire muhulike,ki Efeso kali ku kukunga shengero lya Artemi(Diane),uli mukulu,nya wa kindu kilya kikahirima kulyoka kungumba? ³⁶ Kuko yago magambo gali gukuli,bihunire muhulike,mutagire biduba duba. ³⁷ Kulya mwadeta bano bandu,abatazimba bindu bishengero batana duka Mungu wetu mukazi. ³⁸ Kuko ili Demetrio nya bakazi abali kuguma naye bagwete kinwa hanyanya lya mundu,ngombe zihali nya bakulu baliho,basitakane. ³⁹ Ti mukaloza kinwa kyoshi mwa magambo gandi,gaga kungwa mu mushambiro u gwemezirwe. ⁴⁰ Kulya tugwete boba bukushobekwa hanyanya lya bino bya lenga zene.