¹ Munyuma lya yibyo binwa Paulo ana lyoka i Antene anahika i Konriton. ² Anabona Muyahudi muguma,ubuziwe akila mundu wi poto. naye aliki lyoka mwiki hugo kiitalia,kuguma na Pursila mukage kulya kuludio akabyira Bayahudi boshi balyoke i Rumi naye analungulila imwabo. ³ Kulya balike kola mukolwa muguma.ana bera imwabo,banake kola kuguma kulya bali kwiji kuluka ihema. ⁴ Anake kwi bala mwi Sinagogi kulusiku lwa kasiku anake gereka mbu akulule Bayahudi na Bayunani. ⁵ Iri aba sira bona Timoteo bandagala kulyoka i Makedonia ye Paulo ana hangalikwa bwenene na yekyo kinwa anake baha busubura Bayahudi ko Yesu ye Kristo. ⁶ Banake gira mbakanalie nuku muduka Mungu,ana bugumula mirondo yage,ana babwira mbu mukogwenu gube hanyanya lya matwe genu: ti nyehe nikyere kulyoka lino nigendera i mwa bona birongo. ⁷ Ana lyoka iyo aningira munyumba ya mundu muguma ye Tito Yusto,wali kobohire Mungu,nyumba yage yabi haguma ni Sinagogi. ⁸ Kirspo mukulu wi Sinagogi ane mera bimwage boshi na bandu bi Korinto bingi lyo bakuva banemera nuku vubikwa mwa meji. ⁹ Nawetu anabwira Paulo kwi kiroto bushigi mbu utobohe ti udete utahuli kaga. ¹⁰ Kulya niri kuguma nyabe ndaye ugaze kulya ngwete bandu bingi mwa yaka kaya. ¹¹ Ana gibera mwako ni miezi ndatu agigiriza mwazi gwa Mungu imwabo. ¹² Lyo galio akagirwa mukulu wi akaya,Bayahudi banagulira Paulo kumutima muguma,bana mudeta kwikifumbi kyuku twiri imaja. ¹³ Mbu uno mundu agwete aga kulula bandu mbu bakekwi kumba Mungu ko migako itadesiri. ¹⁴ Lyo Paulo akalozi bumbula kanwa mbu adete ye galio anabwira Bayahudi kiki bage kinwa kyuku hiririka kandi iri kyuku nyaga kibi emwe Bayahudi manga mwugwasize. ¹⁵ Ti iri gali hanyanya ri migako na naazina galio mubilole mwenene kulya nyuyuno ndasimiri kuba mutwi wi maja wa yibyo. ^{17 16} Ana bahiva mbu bayoke imbere lya yikyo kifumbi kyuku twiraka maja. Nabo boshi bana gwata Sostene ye mukulu wi Sinagogi banake muhinoga imbere likifumbi kwukutwiri maja na Galio atani fundira. ¹⁸ Munyuma lya yibyo Paulo anagenderera kubela iyo siku nyingi i Korintho,hanyuma anya siga benewetu anyanga bwato anya genda i shamu,kuguma nya Prisila nya Akila banyagenda kuguma nyaye,amali begwa mwitwe lyage iyo i kenkrea,kulya aligwete mulahi. ¹⁹ Bana hika i Efeso,anya basiga iyo yenene anyingira mwi Sinagogi anyaganula nya Bayahudi. ²⁰ Banya muhuna agenderere kubera,anyalahira. ²¹ Ti anya balaga,nyukudeta,nga galuka imwenu kandi,nga Mungu anga ngwasa,anya genda i Efeso. ²² Amali shonoka i Kaisaria,ana telema inyanya,anya lamusa ishengero,kanyuma anandagalila i Antiokia. ²³ Ila akaba mira abera siku nga zinga anyalyoka,anya lenga mukati lya ka Galalia nya Frigia,kaya kwa kaya,anya bika bigiziwa misi. ²⁴ Muyahudi muguma ubuzi we Apolo,mundu wi Iskanderia,mundu wu bwenge,anyahika i Efeso;anyali ndwali mwi sarango, ²⁵ Uye mundu ali kwigiriziwe njila ya nawetu,nya kulya mutima gwage gwalike kwaka mwinda lyage,akatondera kudeta nyuku igiriza kwu kuli myazi ya Yesu,naye alikwiji kushukwa kwa meji mingi kwa Yohana nayo. ²⁶ Anyatondera kudeta ku misi mwi Sinagogi,kuhika Prisila nyi Akila bishazi baka muva bana mutwala imwabo,bana mulangula njila ya nawetu kwu kuli wenene. ²⁷ Nya mukusima ajabuke nyaja agende alenge i akaya,benewetu bana mubika mo buhangane,bana sarangira yabo bigiziwa bana mwegereza,naye bishazi anyagwasa wenene yabo balimali kwemera ku lukogo lwa Mungu. ²⁸ Kulya abahima ukuli imbele lya bandu boshi ko Yesu ali Kristo.