¹ Bishazi yulo lusindo lukatwika Paulo anya buza biigirizi wa anya bashungula,anya lagana nyalibo analyoka,anagenda i Makedonia. ² Amali lenga yizo mbande nyuku Bahohya mwi binwa bingi anya hika i Bayunani. ³ Anya bera nyezi i shatu iyo,ali mali longeka ange bwato agende i Shamu,ti Bayahudi bana mu gwatira luhango,haho anashubira i Makedonia. ⁴ Bana bandu bana mulusa Sopatro Muberoya,mwana wa Piro. ⁵ Ti yabo bandu badi mali shangwa bana mulinda i Tiroa. ⁶ Twehe hanyuma lyi mikati itagagiri,twana lyoka i Filipi,twana bashanga i Troa,lugezi lwi siku zi tano twana bera iyo siku zinda. ⁷ Lusiku lwa kasi katazi ki yinga,twali shanganene tuvune mukati,Paulo anya gira mushanganana gwi nyigirizo,kulya alilongesire ku balama lusiku lwa kabili,naya ana londekeza binwa byage kuhika mukati kubushigi. ⁸ Hali matala mingi mwa yikyo kyumba kinyanya yumo twali shanganene. ⁹ Mutabana muguma,izina lyage Eutiko,ali budetere kwi dirisha,ana kanyiziwa nyiro,Paulo anya genderera ni nyigirizo,iro lyana mulugira,ana hirima kulyoka kwa yikyo kyumba kya kashatu,bana mwinamula mira afa. ¹⁰ Paulo,anashoneka,ana muhirimira,ana mu fugatira,anya deta,mutagire bwage bukili mwinda lyage. ¹¹ Bishazi akaterama anya vuna mukati,anyalya,anya genderera kuganula nabo kuhika kumukyo hanyuma anagenda. ¹² Bana mudetera uye mutabana,ali mugumana,yibyo bwana baholeza bwenene. ¹³ Twehe twana shangwa kugenda mwi bwato,luhande lwa Aso,twana longeka kwanga Paulo iyo,kulya ko yenene kwaka sima,kulya ali keshomola nya magulu. ¹⁴ Bishazi akatushanga iyo i Aso,twana mwanga,twana genda i mitilene. ¹⁵ Twana lyoka iyo,nya lusiku lwa kabili twana hika habitambi lyi kio,lusiku lwa kashatu twana hika i,samo,twana bera i trogilio,lwakane twana hika i mileto. ¹⁶ Kulya Paulo ali longesire kulenga i Efeso mwi bwato,ije legelela i Asia,kulya ali duba,anya simire atibite ahike i yerusalemu lusiku lwi pentekoste,nga byanga hashukana. ¹⁷ Paulo anya tuma bandu kulyoka i mileto bagende i Efeso anyabuza bashaja bishengero. ¹⁸ Bishazi bakahika imwage,anya bawira mwenene mumanyire kute nali imwenu kulyoka lusiku lutazi lilyo nga libata hano Asia,kute nali i mwenu bishazi byoshi. ¹⁹ Ngakolela nawetu ku kubotelela koshi,nyuku mirenge,nya mwi migereko yoshi iyali ke detwa nya Bayahudi. ²⁰ Munyamire ko,ndaka bisha kandu akumenene i mwenu ti nga mwigiliza gerere-gerere nyumba kwi nyumba. ²¹ Nyuku buza Bayahudi nya Bayunani basoke bishobeke munda Mungu nyuku mwemera nawetu Yesu Kristo. ²² Kukuno,mulolekezagye,nanga njila kugenda i Yerusalemu ninashwesirwe mu mutima,nda manye i biga ngwata iyo. ²³ Niji naho,ko,kaya ku kaya,mutima mweru a ngengeza nyukudeta,ko,kushwekwa nya malibu bindindire. ²⁴ Ti ndagaji kalamu kani nga kindu kitunda imwani ngakuusa lugezi lwani nyu mukolwa gulya nawetu akambeza,nyigirize mwazi mwija gu lukogo lwa Mungu. ²⁵ Nya kukuno,mulolekeze,nyehe nyiji ko,mweshi kazi ngigiriza bwami bwa Mungu,nina gwete nga genda ino nino,mutaga ki mbona malanga kandi. ²⁶ Hanyanya lya yuko,nyadeta zene ko nyehe ndagweti buhubiku muko gu mundu yeshiyeshi. ²⁷ Kulya ngabiguriza mulangeko goshi gwa Mungu buzila kubisha. ²⁸ 28Mumanye mitima yenu,nyiyo ndeko yoshi,yabo mutima mweru aka mubika mulolekeze,mulise ishengero lya Mungu ilyo aka gula ku muko gwage yenene. ²⁹ Niji nyenene ko hana nalyoka nyambwe ngayu zigingira i mwenu,zitagana u vira indeko mbonga. ³⁰ Kandi mukati kenu mugalyoka bandu a baga igiriza nyigirizo nyibi,bakulule yabo bigiriziwa babashimbe bohe. ³¹ Hanyanya lya kuko mumanye,mukengere ko myaka ishatu,bushigi nyu mushi,ndakaleka kugaka kila mundu mwi milenge. ³² Kukuno nya babika mwa maboko ga Mungu,nyu kwi kinwa kyu lukogo lwage,yulo lwanga hasha muheza bwime kuguma nya boshi a bakashukwa. ³³ Ndakasima ndjuma,ili milinga,ili milondo yu mundu. ³⁴ Mwenene mwiji ko maboko gani gakakola kwi nyifijo zani nya za yabo bali kuguma nani. ³⁵ Mu bindu ngamweresa ko mumenene mukole nyuku gwasa abatihashiri,nyuku kengera binwa bya nawetu Yesu,ngako akadeta yenene,kuli kwija kutanga kuhima kwangirira. ³⁶ Amali kusa kudeta yibyo ana fukama,anyahuna kuguma nalibo boshi. ³⁷ BAnalila boshi,bana hirimira Paulo kwigosi,banishambya naye. ³⁸ Banagongomwa wenene hanyanya lya yikyo kinwa akadeta,ko bataga kimubona malanga kandi,bana mulusa bana muhisa hwagangira bwato.