¹ Kandi benewetu , twa muwira mwazi gu lukogo kwa Mungu, lo bakahewa shengero zi Makedonia. ² Lilya ,bali mw migereko nya malibu mingi, bwingi bu busime bwabo nyu bukene bwabo ubwali bwingi buka balugisiza bugale nyu kukenga kwabo. ³ Kulya nyamubalila kudeta , mwu buhashe bwabo, nyu kutaluke buhashe bwabo, mwukusima kwabo bonene bakatanga bindu byabo. ⁴ Bali ke tuhuna bwenene huguma nyuku tuhoha mu mwazi gwa luno lukogo, nya buno buguma buku tabala bashukwe. ⁵ Kandi bakagira kukuno atali ambu ngoko twali langalile naho, ti butazi bakitanga mutima langalile naho, ti butazi bakitanga mitima yabo imwa nahmwetu,nyimwetu geke, mu buloze bwa Mungu. ⁶ Kili twana shungula Tito kuba kwiziza luno lukogo lwenu ngako yehe ali mutazi kubitondera. ⁷ Ti koke ngoko mugwete yubyo bindu bingi, mbikirizi, nyuku deta, nyu bwenge, nyukwihangana koshi, nu busimane bwenu imwetu twehe, kuko muhewe bwingi bwa luno lukogo geke. ⁸ Nda desire kweresa nya mwemerera ti kushimbana nyukwihangana kwa bandu bingi ni gire bulembu busimane bwenu. ⁹ Kulya mwa manya lukogo lwa nahamwetu Yesu Kristo,kute akaba mukene hanyanya lyenu, ti ali mugal, lyo muba bagale mwa yubo bukene bwage. ¹⁰ Nani mwa kino kinwa nasima ni muhe lushungu lwani, kulya kino kinwa kyumenene imwenu mwe mwali mu butendero, gunakola mwaka, kusima kugushukanya nyuku gira geke. ¹¹ Ti kukuno mukwizagye yuko kigira, ngako mushuba kwiyengere kezize nyuku kwiza, kushimbana na yibyo mugwete. ¹² Kulya, nga kusima kuli, mundu ake kwemererwa kushimbana na yibyo agwete, kutali kushimba nya yibyo atagweti. ¹³ Kulya ndadesiri yibyo, lyo bandi babe nyi raha nya bandi babe nya malibuze. ¹⁴ Ti bibe, byumene, mwa bino bishazi muku lugirwa kwenu kuba gwase mwa yuko kwanguhirwa kwabo imwabo, lyo bishazi bagaba bagwete bingibiga mugwasa nenu hano mwangushinwa, lyo byumane. ¹⁵ Ngako bikoserangwa, ukashondoza bingi, atakaba nyalibyo kutaluka, ili kandi uno ukagushikanya binini ataka'nguhirwa. ¹⁶ Ti Mungu akuziwe uka bika iyo nyota hanyanya lyenu mukati ku mutima gwa Tito. ¹⁷ Kulya, ukuli akaangilila yulo lushungu, kandi anya genderera kwihangana ana balama kugenda imwenu mukusima kwage yenene. ¹⁸ Nya kuguma maliye twana tuma mwene wabo uye ukatundwa mwi shengero zoshi hanyanya lyu mwazi mwija. ¹⁹ Atanali yuko naho, ti akabondolwa nya mashengero abalame kuguma na netu mukati ku mwazi gu lukogo luno, tugwete tugakolela, lyo nawetu akuziwe, kumanyikane kwi yengerekeza kwetu. ²⁰ Twi yeke na kino kinwa, mundu ata tudete kubi kushimbwana nya guno mwazi gwa kino kigabi tugwete tuga kolela. ²¹ Tu tangilile kusalila agali mija, itali imbele lya nahamwetu naho, ti ni'mbele lya bana ba bandu. ²² Netu kuguma nalibo twa tuma mwene wetu kazi je tukabona bishazi bingi mwi bindu bingi kuba ni nyota, nya kukuno agwete i nyote nyingi bwenene kushimbana nija yako kalangalizi agwete imwenu. ²³ Kuko mundu akasima mwazi gwa Tito, yehe ali muguma wani, nyu mukazi kuguma na nani hanyanya lyenu, kandi akasima myezi za benewetu, bohe zili ndumwa zishengero, nyu bulangashane bwa Kristo. ²⁴ Kuko muberese imbele lyishengero ukuli bu busimane bwenu, na yuko kwitunda kwetu hanyanya lyenu.