¹ Nyu kumwazi gu kutaba bashukwe ndasimiri nyi musarangire. ² Kulya niji kwiyengerekeza kwenu, hanyanya lya yuko ngwete agi'tunda hanyanya lyenu mwa bandu bi Makedonia, ko Akaya ishuba kwi yengerekezize mwa jugo mwaka mugumana uguta lenga, nya yuko kwi hangana kwenu kwa babika bingi babo mutima. ³ Ti koke nyatuma yabo benewetu, lyo kwitunda kwetu hanyanya lyenu kutajanguke mukati ka yibyo, lyo mwiyengerekeza, ngako ngo deta. ⁴ Kulya, hano bija yabo ba Makeonia kuguma nani, nyukushanga mulazi kwiyengerekeza, tutije bonaishoni twehe mukati kiyoshusho yukulanga lila. ⁵ Kuko nabona ko kuli kwija ni shungule bene wetu, bashanganwe kuhika imwenu, nyuku kunga kigabi kyenu kyo mukalaganwa kulyoka butazi, lyo kiyengerekeza nya kuko kibe nga kigabi kimigashanira ti kitabe nga kyatangwa mwe nyota zu bugale. ⁶ Ti koke nya deta kino kinwa, ukabyala bingi agahumbula bingi. ⁷ Mundu yeshi akole ngako ashiiba longesire mu mutima gwage , kutali mwigongo, kulya Mungu asimire uye ugatanga nyu busime. ⁸ Na Mungu angahasha bijiza bwingi bu lukogo lwage, lyo nenu, mube nyuku sirokwa mwa yibyo mulozize munyabe nalibyo kandi bingi mwi ngolezi nyija. ⁹ Ngako bika sarangwa, akagaba nyuku heza bakene,ukuli kwage kulamira myakula. ¹⁰ Na yehe ye wake heza uga byala mbuto, nyu mukati gube biliwa, aga baheza mbuto zikubyola nyuku zirikila,naye agirikila mahu gu'kuli imwenu. ¹¹ Mugaba nga bagala mwi bindu byoshi, lyo mube nyu mutima gu kutanga, gu busime,gu bukenge u guga heza Mungu mukongwa mu mukolwa gwetu. ¹² Kulya bukozi bwa guno mukolwa guta ba kwizizi bano bakyesiwa bilya bahangahirwe nabilyo ti kandi ilishoko yubunguke nyu mukongwa gwake hewa Mungu. ¹³ Kulya nga mwanga gerekwa mwa yubo bukozi, bagwete bagigana Mungu hanyanya lyuku hana itunda kwenu nyu mukati ku kwemera mwazi mwija gwa Kristo, na hanyanya lya kulya kutanga, busime nyu bukenge bwenu ngoko muka bashukanya yabo nya bandu. ¹⁴ Nyabo bagwete bagahana hanyanya lyenu, kulya bamusimire hanyanya lyu lukogo lwa Mungu u lulezire lugero mwinda lyenu. ¹⁵ Mungu iganwe hanyanya lyi kigabi kyage,i kitanga hashwa detwa.