¹ Ego basimwa bani, kulya tugwete yibyo biragane, tukanye mu mitima yetu nyu bushasha boshi bwa magala nyu mutima, nyu kuba bashuke mukati lyu kwi kumba Mungu, ² Mutuheze kiziki mu mitima yenu, Tutakahiririka mundu yeshi. iri kandi kushereza mundu, iri kuloza bunguke imwa mundu yeshi, ³ Ndodesiri yiko kinwa lya nyibahiririka iri kubatwa lubaja,kulya mira nya deta ko muli mwi mitima yetu,kukaba mu kufira tiri kandi mu kalamu. ⁴ Nyi balangalire bwenene,ngwete kinwa kyu kukuza hanyanya lyenu,nyijivire kuholeziwa,nyijivire magene mwa malibuze goshi,nijiviremagene gu ku taluka lugero. ⁵ Ti atali ku kwija kwage ti kwa kulya kuholesiwa akaholeziwa imwenu anatubwira miazi yi nyo ta yenu nukwihangana kwenu hanyanya lyani nana genderera kubana magene. ⁶ Ti Mungu,uwakeholeza balya basha basha,aliholeza mu kwija kwage Tito. ⁷ Tyatali mu kwija kwage naho,ti nya kulya ku holezirwa koshi Tito aholeziwa imwenu,ambalira hanyanya li nyifijo yenu nyija,milenge yenu,kwihangana kwenu hanyanya lyani,kuhikira busime lwani mushukira bwenene. ⁸ Kwaku kulya kiri angaba mbu na mugongo nya kugano maruba, ndaheheli: ni kuri ngahahala, bwine ku zino nzarango zika mugango nya kiri angaba mbu kwi kishazi kinini naho. ⁹ Kukuno niri namage ni atali mbu kwenge muka gongomwa mwa nana hinduka kulya mu kagongo mwa hanyanya lya Mungu lyo muta gwatwe na mabi kwi ngolezi yetu ku kinwa kyoshi. ¹⁰ Kulya kugongo mwa kuli hanyanya lya Mungu ko kwake deta mba hazi iyake deta bukizi ubutali nukuhahala,ti ku gongo mwa kwi kihugo kugira lufu. ¹¹ Emwa mulole kugongo mwa ukuli nga yuku kuluhande lwa Mungu u kukagira kwihanga nga kute mwinda lyenu, nukwidetera nakandi kuva bute, buki nuboba buki ni nyoti nu kwi hangana kute kwiholera, kunjira zoshi mwiyere size mwenene ko mukyere mwayikyo kinwa. ¹² Iri angaba ngamusarangira ndaka saranga hanyanya rage uye uku hiririka ti hanyanya lyeye uka hiririkwa ti kwi hangana kwenu hanya lyetu lyo iba gerere i mwenu imbere lya Mungu. ¹³ Kuko tuka holeziwa kandi mukuholeziwa kwetu twanaba nana magene bwenene ku taluka lugero hanya lya magene ga teto kulya mutima gwage gukasimisiwa wenu mweshi. ¹⁴ Kulya muki tunda imbere lyabo mukinwa kwoshi hanyanya lyenu ndaka bonwa shoni i ti konga mubwira byoshi kukuli kona kuko kwitunda kwetu imwa Tito kwali kukuli. ¹⁵ Nukumisima kwaliku lezire lugero lialike kengera kukenga kwenu mweshi ko muka mwegereza ku boba nuku juguma. ¹⁶ Ndi namagene kulya mu binwa byoshi niringuvete mutima uguka nure hanyanya lyinu.