¹ Nani bewetu ndakahasha ku deta na mwehe ngabandu bu mutima mweru,ti ngabandu bamagla, ngabana banuke mukati ka Kristo. ² Ngamumwesa miata ti bitali biliwa kulya mutali shazi hasha kili kukuno mwita hashiri. ³ Kulya kili kukuno mukeli bandu bamagala,kulya hali bungwa nukulo ngola mukati kenyu, mwehe mutali bandu bamagala mukagenda nga bana babandu. ⁴ Kulya nga mundu mugu nwa angatenda nye nili wa Paolo gundi nyehe nili wa Paulo mwehe mutali bandu bamagala. ⁵ Paulo yena ndera Apolo yenande? bali bakozi mwinjila yabo mukemela ngako naha mwetu akagabila kila mundu. ⁶ Nyehe ngabyala Apolo anabikameji ti Mungu ana bikuza. ⁷ Ti uye ukabyala ndavyo akagila nuye ukabula kilameji ndavyo akagila ti Mungu aka bikuza. ⁸ Ti uye ukabyala nuye akabika meji ali mundu muguma,nakila muguma aga hewa luhembo lwage yenene ngako malibuze gage yenene. ⁹ Kulya twehe tuli bakozi kuguma na Mungu,mwehe mulindalo ya Mungu, muli lubako lwa Mungu. ¹⁰ Kulukogo lwa Mungu, nga hewa mubasi mukulu urubwenge ngabika ngulilo gundi mundu anije kubaka hanyanya lya liyo ti kila mundu alokeze kute ubasile hanyanya lyage. ¹¹ Kulya mundu atangabika gindi ngulilo ti iyo ikabikwa ye Yesu Kristo. ¹² Ti li mundu angubaka hanyanya liyo ngulilo faranga,mawe,bikishingo,kikayu ili tuti,ili bukere,ili byasi. ¹³ Mukalwa guwa kila mundu guka bonekagelele, kulya yulo lusiku lugelesa gulya bigelesiwa nu mulilo nu mulilo guga gela mukolwa gua kila mundu guli kute. ¹⁴ Nga mukolwa gwa kila mundu akubaka hanyanya lyage ngwanga sigala agahewa luhembo. ¹⁵ Nga mukolwa gu mundu ngwanga silila agalibula,ti yenene agakululwa ti angaba nga kumulilo. ¹⁶ Mutamanyiri ko mwehe muli shengero lya Mungu na Mungu mutima gwage guli mwinda lwenu? ¹⁷ Nga mundu anga sheleza shekero yu mutima Mungu aga musheleza naye kulya shengelo lya Mungu lili lishuke,mwehe muli iyo shengero. ¹⁸ Mundu ati tebe yenene nga mundu muguma mukati kenu anga bonako yu gwete bwenge,mukatika kino kibaja abe muhwija lyo ahasha kuba nubwenge. ¹⁹ Kulya bwenge bwa kino kibaja buli buhwija imbele lya Mungu.kulya bisazirwe akekwanga aba gwete bwenge kwa amabikabo. ²⁰ Kandi na hamwetu amanyire nzariro za bagwete bwenge kulya lyibyo bili busha. ²¹ Katuma mundu yeshi yeshi ati tunde bande kulya bindu byoshi bili byenu. ²² Nga Paulo au Apolo ili Kefa ili kubaja ili kufa ili bugumana ili bindu byozine ili bindu bisija byashi bili byenu. ²³ Nenu muli ba Kristo na Kristo ali wa Mungu.