¹ Ti koke benewetu, nyehe lyongija imwenu, ndakija kummwigiliza mbisho ya mungu mubuhwiza byibinwa, ili mkwitegeleza ² kulya ingagila ndamanye kinwa kyoshi imwenu ti yesu kristo,naye akalibuziwa. ³ nani nali imwenu mukati kubugazi nu boba n'ukuyuguma kwingi. ⁴ Ni kinwa kyani, n'ukwiliza kwani kutali kwi binwa byukwitegeleza nukuteba bwenge bwabanda, ti kibishazi bi mitima ni bi misi. ⁵ gila kalangalizi kenu katabe mkati kukwi tegeleza kwa banababandu,ti mkati ki misi ya mungu. ⁶ Ti koke hali kwitegeleza tukedeta mukati kabemezi; ti butali bwegebwikihugo kino, ilikkandi bwabimangile kinokihugo,abasosile. ⁷ Ti twadeta kwitegeleza kwa mungu mukati kimbisho, yuko kwitegeleza ukkabishwa, yo mungu akasheleza kulyo kela bishozi bikalenga kwi migashanilo yetu. ⁸ kaziyo abimangile kino kihugo batakimanyili kili muguma; kulya batakimanyage batangamuli buzize nahamwetu bulangashane. ⁹ Ti koke, kushimbana niko bika sarangwa binwa bwo'isu litakabona, ili ku twili kutaka byuva, ili kandi bitakingila mutima gumwana whu numdu, binwa kazibyo Mungu ali benle kezize abamusimile. ¹⁰ Ti koke Mungu mila atwigulila lwehe kumutima, kulya mutima guke lolekreza byoshi, kili mbisho Mungu ¹¹ Kulya alinande mukati mkati kabana babandu ti mutima gwa bana babandu uguli mukati kage. nganya kuko ni binwa bya Mungu ndaye ubimanyile ti mutima gwa Mungu. ¹² Ti twehe tuta kagwangilila mutima gwikihugo, li mutima ugulyosile imwa Mungu, gila tumanye byo tukabikilwa na Mungu. ¹³ Nabyo twabi deta,tyatali kwi binwa ibigwete bigigilizibwa kukwi tegeleza kwa bana babandu, ti koke ibigwete bigigilizibwa nu mutima ,tunake bi lundubula yibyo binwa byu mutima. ¹⁴ Basi mwana whumundu whu mwanya gwi kaya ataingibili binwa byu mutimagwa Mungu; kulya imwage uye ali mwibagizi, ili athashili kubi manya kulya bi manyikene kulengela mutima. ¹⁵ Ti koke mundu whu mutima, ake bimanya byoshi byu mutima, na kandi yehe atakemanyika nu mundu. ¹⁶ Kulya alinde ukamanya musalilo gwa nahamwetu, amumanyise? Ti koke twehu tugwete musalilo gwa Kristo.