¹ Mundu atugajile kukuno nga bakozi ba Kristo abamanyire mbisho ya Mungu. ² Kandi bihunile kwa yabo bandu bisho ya Mungu baboneke bagokomere. ³ Tiimwani kili kinwa kini wenene nilibuziwe na mwehe kulmalibuga bandu tindilibuzizi nye nene. ⁴ Kulya ndamanyiri kinwa hanyanya lyani ti hanyanya lyaho, ndaga jilwi ukuli ti ugwete ukandi buza ali na hamwetu. ⁵ Kuko muta libuze binwa imbele li kishazi kulindo ho naha mwetu agija ugabika lwenge bilya bili mwi kizizi' bikabishwa,nukwe lesa bulugilile bwa magala katuma kila mundu agabona nyi tunde zage munda Mungu. ⁶ Na bino binwa nagila mugani gwani nagwa Apolo hanyanya lyenu nu ku mugani gwetu muhashe kwi yigiliza muta salile kuhima yibyo bika sarangwa, kugira muguma wenu ati tunde hanyanya lyu muguma ao gundi. ⁷ Nande ukugizile kuba hale hale? nabe ugwete bindu biki uta kangilila? ⁸ Mila mwiguta mila mwa bona bindu bingi,buzila twehe mugagaza nga bami tunasimile wenene mugaze kugila tugaze wenene kuguma na mwehe. ⁹ Kulya nzalile ko Mungu akatu lyosa tue bigiliziwa buzinda nga bandu bakali buziwa bafe. kulya tu gwete tuga lolekeziwa ni kibaja na bale mbelezi na bandu geke. ¹⁰ Twehe tuli bawija mukatika Kristo a'mwehe muli nu byenge mukatika Kristo twehe tuli nu bugazi ti mwehe muli ni misi mugwete bulangashane ti twe he tuta gwete itunda. ¹¹ Kilikukuno hino hishazi tuli nu mwena ni nyota tunali bwashi tuna shuli silwe makofi ndanohotuli. ¹² Twali bula wenene nukukola mikolwa kwama boko getu twenene,nukudutwa tugana gashanila,tukalibuziwa tuna botelele. ¹³ Tuka shumurwa tuna dete kongwa mila twagilwa nga bushasha bwi kibaja. bushasha bwi bindu byoshi kili kukuno. ¹⁴ Nda saraziri bino binwa kuku mwelesi shoni,ti kumweshungula nga bana bani basimwa. ¹⁵ Kiri mwangaba na bigiriza bihumbi kumi mukati ka Kristo,ti mutagweti ba Data bingi,kulya mukati ka Kristo Yesu ngamubuta kamwazi mwiya. ¹⁶ Ti na muhoha mwehe mube bandu bukunyimba. ¹⁷ Hanyanya ryayuko ngatuma Timoteo imwenu mwana wani musimwa ugokomere mukati ka nahamwetu,yugiji mukengeza njira zani mukati ka Kristo. nga kongwe ngamwigiriza handu hoshi mukati ka mashengero. ¹⁸ Bandi bagwete bagitunda ko ndagiji mwenu. ¹⁹ Ti ngiji mwenu duba ngako nahamwetu asimire,ngana manya ti gutali mwazi gwabo naho abagwete bagitunda ti buhashe bwabo. ²⁰ Kwakulya bwami bwami bwa Mungu butali mukati ki kinwa ti mubuhashe. ²¹ Musimire biki?ngaji mwenu ni ngoni ao mukati kubusime nu mutima gukuboterera.