¹ Yeso akoto lo Sinagogi, akatotana leko oto omotshi lonya mbola. ² ko vo wok'endaka Yeso, da menda kana akokonola loshi la Sabbato. lote wa mbofunga. ³ Ko Yeso mbute oto laki lonya mbola ate: Emala omaleko lateyi. ⁴ Ko nde akawate one: Kokaka, loshi la Sabbato, da tshe ololo kana tshe koolo, ndo mbitsha kana daka oto? koko wakonohala kii. ⁵ Laso, ndjelana la woho wakawendanaka la okeyi, ko nde aki la paa lo lomu lo mbenda. saa keko wakenya okeketshelo w'etema wewo, akate oto: Sambe lonya. Aka sambe, ko lonya lande la ka kono. ⁶ Ase Farisayo wa ka tombe, ko kondjala edja wakenana la aseka herode lo yoho ya mbadaka. ⁷ Yeso akayakaloya o tsha lo ndjale l'Ambeki wande. onongo wato efula wa k'oyele o tsha la Galileya. ⁸ Ndo le Juda, ndo le Yerosalema, ndo le iIdima, ndo le wedi ka jordana, l'omamu la tyruya ndo la Sidona, lemba l'ato, wakoke kene kakanatsheka, wakaye lende. ⁹ Ko akate Ambeki wande da vo mbotaniya yatato kele ato hayofukutanya. ¹⁰ Lote wa, oko akanakonolaka ato efula, wane tshe waki la hemo wakayambelaka lende lote wa mbokime. ¹¹ Nyuma ya koolo, lamakawaweni, wakakolamaka le tondo kende, ko wakawanaka: vate we ona Zambi. ¹² Ko nde akashimbe da hakoke da vo mbeyanya le ato. ¹³ Nde akade lo kidima, akeleka wane wakanalange, ko wakaye l'okenge ande. ¹⁴ Akasone dikumi l'ahende, da monga lange. ¹⁵ Da mbatoma le tosambisha la mbasha kudu ka mbitshanya Wendji. ¹⁶ Asonami ako dikumi l'ahende ane: Simona, lakanade petero; ¹⁷ Yakobo ona Zebedeo, ko Jowani loto la yakobo, vo wane wakanadela lokombo la Boanergeo, kadimola ate ona dikungola; ¹⁸ Andele, Philippe, Barthelemia, Mateyo, Thomas, Yakobo ona Alopheyo, Thaddeyo, Simona lo se Kanana. ¹⁹ La Yuda Esikariote, kanga lakayo towa Yeso. ²⁰ Wakatshu la ngelo, ko ato wakasangana lokina edja polo ndo kokoka vo nde kanga ema too. ²¹ Ambeki wa Yeso, etena kakawoke kene keketaka, wakaye da ndjowosa, ne da vate: Nde kema lo mete. ²² Ko Ambeki, wane wakaholo oma le yerosalema, wakate: Aleko ose aloho Belebule, nde kele koyi ke Wendji, atshanya Wendji. ²³ Yeso akawele, ko akawate oko lekela: Okonde shetani kokaka mbitshanya shetani? ²⁴ Naka Dolelo amboyakanya, Dolelo diko hakoke sena too. ²⁵ Ndo naka loodu amboyakahanya ndame, kete loodu hakoke monga too. ²⁶ Konaka shetani amboyatombe ndame,amboyakanyanya,hakoke sena,koko,ndame kolangi. ²⁷ ko otomboto loloodu,loto kangakudu kombova gango,konde hane tondotondo kanga kudu,lasokonoyova loodu lande. ²⁸ mete onyotemi te pekato tshe yakodimanyiyama leane watondo ndo yaka wasalena. ²⁹ koko one tshe lotola nyuma hopata edimanyelopondjo,nde ayolomboshama da pekato ka pondjo. ³⁰ Yeso akateketa okone da wakataka;ndekanga wolo wanyuma ka koolo, ³¹ vo,wakemala landja,wakotomi lembelee. ³² oloyi waki kita wolongi ko vombote;henda mama keye la onalengo aye wele landja ndo wakawombola. ³³ ko akakadimola;ele nyangemi ndo wanawele analengo wami ³⁴ ko,nde akende ato tshe la tshewa waki kita lomamuwande ndembate ate;nyende mama kemi la ana walengo ami. ³⁵ neda,oto sthe la tshe lolo lango la zambi,osoto kele ona lengo la pami kana la odimoto kana nyangemi.