¹ Yeso akemala lokina ko fundisha l'okenge wa Ndjale, oloyi wawoke wato wakahomana lalende ko wakadee laadiko da waato wetsumbe, oloyi wato waka djase lo kete l'okenge wa Ndjale. ² Aka fundishaka akambo efula l'ekela, aka watee la mafundisho wande ate: ³ Longalonga. omoni omotshi akatshu le toone. ⁴ Oko Woho wakanoneka, yema myo ya Woho wakako l'okenge wa mboka; fudu yakaye ko ndjole. ⁵ Yema kina yakayoko ladiko d'ave akatombe esadi lote akahombe kete efula. ⁶ Ko yani ndjo tomba ko ndjoonya, ko tshumba lote wa ko edo. ⁷ Yema kina yakayoko lateyi waadungu, adungu wakole ko ndjaka ko hotondja elowa. ⁸ Yema kina ya Woho ya kako lo kete ya dimena: yakashaka akumi asato, akumi asamalo ndo lokama ladiko dotoyi. ⁹ ko akate: kanga lele l'atoyi wa mboka oke! ¹⁰ Lekinde ndamee, ane wako tshimbaka vo la dikumi la hende, wakawombola l'Ekela. ¹¹ Akawatee: lotenyu kaka tombe Sheke ya Dolelo ke Zambi. koko, le ane wele laandja, tshee mbetaka l'Ekela. ¹² Lote, waleko la washo wa mena ko haweni ndo weko latoyi wa mboka koko; la woma wa hayota koolo yawo ndo Zambi yawo haiyodimanyiyama. ¹³ Ambowatee lokina: nyu hanyuke Okela one? na woho wokanyu en'Ekele tshee? ¹⁴ Lone, ambone Oteketa. ¹⁵ Amotshi weko l'okenge wa mboka lene akonami oteketa; kaka woke esadi Shetani akaye ko ndjo wanya oteketa wakonama leteyi kewo. ¹⁶ Akina ko woho wako wa mbolongola woho lo fashi yaave; naka wamboka oteketa, wa mbolongola tondo la furaha. ¹⁷ Koko vo kema l'edo leteyi kewo wa mbokosa ndja keketshe, ndo kayayema Yosokosoko l'Asoyi lote Woteketa, kete wambopata mboka ke vo ko. ¹⁸ Akina nolongolaka woho l'ateyi w'atende, waleko vo ane waha Oteketa. ¹⁹ Koko lo kangi ke deko la deko, la taama d'ongonyu ndo sakisaki da demba, mbufeka Oteketa ndo mbete anyanya. ²⁰ Akina wambolongola Woho lo kete ya dimena; waleko ane woka Oteketa, mbolongola, ndo mbisha elowa akumi asato akumi asamalo ndo lokama lotoyi ²¹ Akawotee lokina: yelaa tala kele nyodje leese ke meesa, kana leese ketange? aha lekitsha latokitaka tala? ²² Ne da koo kene kele woshe ke hashoma loshilomotshi. ²³ Naka oto aleko laatoyi wamboka oke. ²⁴ Aka wate lokina: nyonge la yambelo da mboka kene kookanyu, wayonyeedika la yeediko ,ndo wayoonyokotshiya leenyu. ²⁵ Neda wakosha one lele laa ;lee one lahalaa wakookumuya kanga kene kelendelaa. ²⁶ Akate lokina : wohoako dolelo da zambi dale ko okooto lasokola woho lekambo; ²⁷ Ongindala kana memo otsho kana yaani elowa tombaka ndombolaka halambeya wokoonde. ²⁸ Kete tondjaka ndamee tondo elenge ko atende ko elowa , tshee nongosamaka laatende ; ²⁹ Ndo tondo koolowa tshunda vo mbidjaka eteto ne da dina deko. ³⁰ Akate lookina: kana oteedika dolelo da zambi , kana mbetee okela oyoteenya? ³¹ Alekoofona koolowa wa sevene, ndelele,wants wawoonenyu lokete, aleko tshikii efula laelowa wa lokete. ³² Koko,laama wakandonema, akatombe, ndjokoma woke ndeka tshee ndo monga latahi ya wake loyo fudu ya lolongo ndjokitaka lese tshitshi. ³³ Mbetee la weela efula wawoho one kakanda watee teketa wene okowekiwo laakoka wamboka. ³⁴ Nde koombateka bila okela; Koko lowoho wa laande ,akoombweka ambeki wande. ³⁵ Ko loshi lako ,la dikolo, Yeso akawatee: teete lowedi wokina. ³⁶ Lokongo wakaloya oloyi, akawela lo waato lene akawa totana, akikolookina weeto ekina lande. ³⁷ keka yotomba pongendjedi kawolo ndo lotape lakoto lowaato Polo suke la ndola. ³⁸ Ndonde , akashamaka losodi kewaato laadiko wa weko, wakawetola ko mbotee: ombetsha weehayakiyanya losowa yaso? ³⁹ Akeeto , konde meeme lopepe, konde mbutee ndjale: kiikonge, tshikala kii ndo lopepe lakatshile. ⁴⁰ Ko,aka wotee: landena nyaleko la wooma? wohoakona welenyu keema la mbetawo? ⁴¹ Waka lodama la wooma wefula, ko wakateketshanya one lokina: none shiikaa la lenya lo pepe la ndjale?