¹ Lo shii myotshi, Yeso akaye lokina la Kapernaumu. Wa k'oke da nde aki lo loodu, ² Ndo nde aka homanya efula k'eto, ko vo kondjala la fashi ke vo koka tondo ke lokuke ko nde ak'ewoya oteketa wa Zambi. ³ Ato wakeni lende, ko waka wela Ekuse kaka yembamaka l'apami aneyi. ⁴ oko woho wakiwo kokoka mbosukana, l'ote w'efula k'eto ko waka shola tshoto ya loodu ya kinde, ndo nde aka holo l'edihwelo ke kitanda kaka shamaka Ekuse. ⁵ Yeso, akeni mbetawo kewo, ko nde mbutee Ekuse: onami, munga yaye yambodimanyima. ⁶ atshiko lanotshi Endele emotshi, wekiko kita, waka yateeka leteyi kewo: ⁷ Lootena wateketa oto okone naa? ambotola Zambi. Akoka dimanyiya koolo, naka aha Zambi ndame naa? ⁸ Ko saa keko, Yeso, akeye kene keka wa wazaka leteyi kewo, ko nde aka watee: lote na welenyu la wane mawazo leteyi ke tema wanyu naa? ⁹ Dikambo dakona dele osadi, mbutee kanga Ekuse: koolo yaye ya mbodimanyiyama, kana mbotee: emala, osa kitanda keye ko kenda naa? ¹⁰ Koko da nyu mbeya on'oto lele l'akoka wa dimanyiya koolo l'adiko da kete ¹¹ La mbokosha akoka, kakandatee kanga Ekuse, emala osa kitanda keye, ko tshoka lo looodu laye. ¹² ko, Akemala mal'otoyi, akoshi kitanda kende akatombe tondo ke vo tshee, ndo vo waka shangala ko waka shaa zambi lotombo, ko vo mbuta vate: sho totenaka okone. ¹³ Yeso akatombe lokina oma l'okenge wa Ndjale. oloyi wato tshee wakaye lende, ko nde aka fundisha. ¹⁴ Ateete, ko akeni Lawi, ona Alfea, okiti lo biro ke wewa. ko nde aka wotee ate: ondjele. ko Lawi akemala, ko akoyele. ¹⁵ Oko wetshi Yeso lo mesa lo loodu la Lawi, eloyi efula weto ndo ase koolo ndo Ambeki wande walekaka la nde; dikambo da vo wetshi efula ko vo wakoyele. ¹⁶ Endele la Wafarisayo, lo menda yoho ya kandalekaka l'oloyi wato ndo ase koolo, ko wakate ko wakatee Ambeki wande: Lotekona walende ndo wa nonde l'ato tshee naa? ¹⁷ Laa koke Yeso, ko nde aka watee: aha wane wayaoka dimena wahomba ndjaa le munganga, ele wane wele la hemo. lemi kondja le ndjona akanga w'elolo, koko lakaye le ndjona akanga wo koolo ¹⁸ Ambeki wa Joani l'ase Farisayo wa kakile dango da nde. ko ndo vo wakaye ko mbutee Yeso: lote wana wele Ambeki wa Joani la Wafarisayo kilaka dango da nde naa?, ko Ambeki waye hawokile dango da nde naa? ¹⁹ Yeso aka kadimola: angenye w'ome diwala lotena loena akilawo dango da nde saa wele ome diwala alekoko lawo kamee naa? ndo etena tshe kakawayala lande ome diwala, vo ko koka kila dango da nde. ²⁰ Loo shii yayaye kanga wadi akomo l'ateyi wawo, ko aso vo wako kila dango dande. ²¹ k'oto lodja daaka l'etshi ke dihondo d'oyoyo lo dihondo d'edjedja dambateka laadiko. ²² ko k'oto lodja waana w'oyoyo lo tshupa ya lo lokoho la mbolemba, oto lo tshee oso waana wakaata ekoho; koko waana w'oyoyo wako djama lo tshupa y'oyoyo y'ekoho. ²³ Loshi la Sabbato, ko nde akaye, Yeso aka akatetaka lo shamba y'asami. Ambeki wande waka tatee sho ko vo mbika seke. ²⁴ Wafarisayo wakawotee: wee heni wa wambo tshee dikambo dahakoke loshi la Sabbato? ²⁵ Yeso aka kadimola: nyu nyata somaka kene keka tshee Davidi, saa kekinde la ndjala, nde la wane waki lande; ²⁶ Okonde akandoto lo loodu la Zambi, l'etena ke W'olombodi Kohani Abiyata, akale mapa waweke wele ndo k'oto lakakoke nde saa ketshi Elombo ko nde aka sha wane waki lande mapa wemotshi. ²⁷ Ko aka watee: Sabbato kekatshema lote wato, koko aha oto lote wa Sabbato, ²⁸ Lo woho wa ona oto aleko Mwadimu wa Sabbato.