¹ .Laka holo yeso lokidima,oloyi wa woke w'ato wakoyele.2ndo enda,kanga sodi akasukana ko minyama tondo kande,ko mbuta:owandji,kana wee nangaka,koka mbedami.3.Yeso aka sambe lonya ,ko mbokime,ko mbuta:lambolanga,edama.kano ak'edama sodi. ⁴ .Ko yeso mbotee:yaomba da mbuta keso le oto,tshoka tenami le wakohani,ndo enya sadaka keka andika mose kele keso k'onge temwelo lewo. ⁵ .Oko wakoto yeso lo kapernaomu,oseka leta aka okomee,ko mbosengasenga 6.ndo mbuta:owandji,okambi wami ambolala lo lodu,amboka asonga mbola ndo ambosowa efula.7.Yeso aka wotee:lakotsho,ndo lakookalanganya. ⁸ .Oseka leta ak'okadimula:owandji,lemi oseka leshikikalelo da wee mboto lo lodu lami;koko ta tshoo dikambo otoyi,ko okambi wami ako kalangana. ⁹ Ne da lemi kele lese keepalanga ndeko la asoda leese ke wa ndjango wami ;ndo lambotee omotshi: tshoka!ko nde tsho,le okina:yaka!ko nde ndja;ndo le okambi wami:tshaa okoso!ko nde tshaa. ¹⁰ Oma la mbolongalonga,yeso aki loshangazo,ko nde mbutee ane wakayakisha: lambonyote lo mete ,kaanga lo Israelo hakoke tana lokina mbetawo ke woke. ¹¹ Koko, lambonyote efula da efula wakoya oma lo ngelo ya gonna yaani ndo le ngelo ya Shana yaani,ndo wakoya lo meesa la abrahama,kaaka ndo yacobo,lo dolelo da l'olongo. ¹² Koko ana was dolelo wako sokolama lo dijima da laandja,lene oyala delo la ekakatanu wa wanyu. ¹³ Ko yeso mbutee oseka leta: tshoka,osalemioko wele mbetawo keys.ko lo wonya oso lawo okambi akakono. ¹⁴ .Yeso,akatshu lokina lo lodu la petero.lene akaneni nyango wadende mbishama la hemo. ¹⁵ Akookimee la lonya lande,ndo demba djaa daka moo;ko akeemo,ko mbokambee. ¹⁶ .La dikolo,wakeela yeso edenge efula.Akatshanya edenge looteketa wande,ko nde konoya ase Nemo tshe. ¹⁷ Lote wakotshaa kene kekatama la isaya,ombutshi:akoshi Nemo yaso,ko nde ndja enema Nemo yaso. ¹⁸ Yeso,akeni oloyi wawoke mbolonga,akawatee da bo mbeta l'oleka wokina wa loshi. ¹⁹ Ondele otoyi akasukana,ndo mbotee:mwadimu,lakokoyela deka tshee doyotsho. ²⁰ Yeso akokadimula:ekenge waleko la ehoko wewo,ndo fudu ya l'olongo djeko la kefu;koko on'oto kema la laambishama. ²¹ Okina,laasa ambeki,akawote:owandji,otshike tshu tondo tokunde shemi. ²² koko Yeso akokadimula:ondjele,ndo tshika edo wakunde edo wewo. ²³ Akadee lo waato,ko ambeki wakooyele. ²⁴ ndo enda,lopepe la kudu lakaye ko waato waka dihama la lotape.ko nde,etshi mbishama. ²⁵ Ambeki waka sukana le ndjowetola,ko wakate:owandji,ototsha,tambovo! ²⁶ Akawate:lootena welenyu la wooma,ato wa mbetawo ke tshiki?okone akeemala,akahangwee lopepe la ndjale,ko kii kekayale. ²⁷ Ato waka shangala:nonoto one,wakawate,lele lopepe la ndjale mbookeka? ²⁸ Letshinde l'oleka wale wedi,lo wodja wa gadara,edenge ehende,woma lo waombo,wakaye la tondo kende.weetshi la kele efula ndo kowoto laka pimi mbeta laano. ²⁹ Ko enda,wakaawana:ele l'asaso laye,ona Zambi?okayelane le ndjotosoya tondo ke wakati? ³⁰ etshi etale lawo oloyi wawoke wa sombo wakatetaka. ³¹ edenge waka lombaka Yeso,bate:naka wetotshanya,ototomi l'oloyi wa sombo. ³² Akawatee:nyotshu! wakatombe,ndo mboto le sombo.ko enda,sombo tshee yaka yayakaka esadi esadi lo eholola wa lo ndjale,ko wakavu leteyi keeshi. ³³ wane wakaaleshaka waka lawo,ndo wakatshu loosomba wa woke tota tshee kene kekeete ndo ke kakomee edenge. ³⁴ Okone osomba tshee wakatombe le ndjo homana la Yeso;ko,kakawa weni,wakosengasenga da monee lo ngelo kewo.