¹ Akeni oloyi waato,yeso akadee lo kidima;ko,ma lande kita,ambeki wande wakasukana lande. ² ko akadihola onyo,akaafundisha,ndo mbuta: ³ Deese le wane wele la wola waanima,ne da dolelo da Zambi deko dawo! ⁴ deese le wane wele lapaa,ne da wakosambema. ⁵ Deese le wane wele la otema dimena,ne da bo wako kita kete! ⁶ Deese le wane wele la ndjala ndo la posa ke mete,ne da wakolota! ⁷ Deese le wane wele la paa,ne da wakopata ketshi! ⁸ Deese le wane wele la otema dimena,wakeena Zambi! ⁹ Deese le wane washa kii,ne da wakelame ana wa Zambi! ¹⁰ Deese le wane wa soyama lote wa mete,ne da dolelo da Zambi deko dawo! ¹¹ Deese nyakoyala,saa kowonyotola,nyosoya ndo wakota kashi lotenyu weho tshee waakambo wakoolo,lote wami. ¹² Nyoke olo ndo nyonge la ongenongeno,lote wa madipo wanyu wakoyala woke l'olongo;ne da shambo yako yakawa soya ambutshi wetshi tondo kenyu. ¹³ Nyaleko leho la laakete.koko naka lamboshila pe kende,lana owokaloyalo?akosokoma laandja,ndo mbikamamee lekolo weeto. ¹⁴ Nyaleko osase waandja.ngelo ke woke kele lokidima kehakoke mbolama; ¹⁵ Ndo hawohetshaka tala ko mbidja lo dikonge,koko bo mbokitshaka lo mesa,ndo nde mendjiya wane tshe wele lo lodu. ¹⁶ Osase wanyu wahete okone laatondo keeto,da weni etsha wenyu we dimena,ndo watombole shenyu lele l'olongo. ¹⁷ Tanyokaniake da lakaye ndjonya olembe kana ambutshi;lakaye aha le ndjonya,koko da ndjo kotsha. ¹⁸ Ne da lo mete ke nyotemi,olongo la kete haweta paka tshe kekaandikama ke mbokotshama. ¹⁹ One lonya kaanga olembe otoyi wa tshiki l'ateyi w'elembe,ndo lofundisha ato da tshe shambo yako,akelame loleki tshiki lo dolelo da l'olongo;koko one lo wasedingola,ndo lofundisha da mbasedingola,osooto akelamee opalanga lo dolelo da Zambi. ²⁰ ne da, lambonyote,naka mete kenyu haleki kene keendele ndo ke afarisayo,hanyoto poo lo dolelo da Zambi. ²¹ nyakooke kene ke katama le epalanga:toyakake poo;one loo yaka koka pata dilaanya oma le wa juji. ²² koko lemi,lambonyote te onetshe lomalee wonyande kokaka pata dilaanya male wa juji;one lote wonyande oteketa wa doonyo waha koke mbutama,kokaka pata dilaanya;ndo one lowote:djele!kokaka pata dilaanya da mbodja lo dja ya ngena. ²³ naka ombeela olambo,kolako omboho da wonyaye aleko laye la dikambo, ²⁴ tshika olambo wako laako,ko tshoka tondo toolongosole lande;ko,weendja le ndjo kimo olambo. ²⁵ Okana esadi la otoni waye saa kelenyu lo mboka we lande ,lote wa hayokolambola le juji,ko juji hokolambola le opalanga w'ajuji,da hoyoto l'okodi. ²⁶ Lambokote mete te,hotomba omaleko paka ombo dipa dikuta d'adihelo. ²⁷ Nyakoke da akatama:tosheke loseka poo. ²⁸ koko lemi, lambonyote te one tshe lenda odimoto ko mbokomia ambotshe loseka lande leteyi k'otemaande. ²⁹ Naka so daye da lomi deko otakanya wa ekwelo keye,nyado ndo sokolado etale laye;neda ndeka dimema leye da eteni otoyi l'ateyi wa teni da demba naana,koliko demba daye lotondo mboto lo ngehena. ³⁰ Ndo naka lonya laye la lomi laleko otakanya w'ekwelo keye,hembolalo ndo sokolalo etale laye;ne da ndeka dimena leye da eteni otoyi l'ateyi wa teni da demba naana,koliko demba daye l'otondo mboto lo ngehena. ³¹ Akatama:one la seka wadende awosha mukanda wa loseko. ³² Koko lemi,lambonyote te one la seka wadende,naka aha lote wa loseka,ambowete kanga loseka,ndo one latshuka odimoto lakawaseke ambotshe loseka. ³³ Nyu nyakoke lokina da akatama le watshenyu:tolapake poo,koko k'okotsha otsha le owandji tshe kekayate mbetee oma lo kilapo. ³⁴ Koko lemi,lambonyote aha ndapa kaanga, ongi le olongo,ne da leko kele ekiti ke dolelo; ³⁵ Ongi lo kete,ne da lano kele fashi ke kitshande ekolo;ongi le yerusalema,ne da leko ngelo k'owandji wa woke ³⁶ Aha ndapa kanga lokina lote waye, ne da wee hokoka mbidja wema kana odima divo otoyi. ³⁷ Oteketa waye wayale mete, mete, kema, kema; kene kekotshawo ndjakaka le otoni. ³⁸ Nyakeye da akatama: soo lo soo ndo nuu lo nuu. ³⁹ Koko lemi, lambonyote aha mamana lotoni. naka oto omotshi ambokokomola lo tama daye da lomi, ewoyande lokina okina. ⁴⁰ Naka oto omotshi ambolanga kenee, ndo mbosa kandjo keye, tshikende lokina dihondo dikina. ⁴¹ Naka oto omotshi ambokodjange da kendakenda midiyo, tshe lande mala hyende lande. ⁴³ Nyakeye da akatama: okolanga osukani waye, ndo okotona otoni waye. ⁴⁴ Koko lemi, lambonyote: nyolange atoni wanyu, nyotshokole wane wanyodja mananu, nyatshe ololo wane wanyotona, ndo nyolombe wane wa nyosoya ndo wa nyohenyahenya, ⁴⁵ Kele nyoyale ona shenyu lele lolongo; ne da nde keda wonya wande le akanga wa koolo ndo akanga wamena, ndo nde kelosha vula le ase losembwe ndo wane wahsembwe. ⁴⁶ Naka nyu nanga wane wanyolanga, naa madipo wakokanyu laa? elambodi welambo lokina vo menyaka woho waka wame? ⁴⁷ Ndo naka nyu memulaka paka analengo wanyu, naa tshenyu kedimena? akagani nanganaka ndovo vame? ⁴⁸ nyoyale okone kokele, oko shenyu lele lolongo aleko kokele.