¹ Okone Yeso akosama la nyuma lo shenga, da ndetohembama lee Satana. ² Malande Mila who akumi aneyi wayaani la shi akumi aneyi wootsho, akooke ndjala. ³ Okesani aka sukana, akawotee: naka oleko ona zambi, otee ave wayale skate. ⁴ Yeso akakaloya doyi :Akandikama: oto hasene tshoka lookate, koko, loteketa tshee watomba omalonyo wazambi. ⁵ Satana akawembe longelo ke kila, akokitsha ladiko da tepelo, ⁶ Ko akawotee: naka oleko ona zambi yasokola lokete; ne da akandikama: akosha akoka wande lee wandjelo wande lote waye, ko wayo keemba laanya dawooma woolo waye atohomanake laave. ⁷ Yeso akawote:akandikama lokina:Hoohemba kanga yema owandji zambi Kaye. ⁸ Satana akawembe lokina lokidima kootale efula,akawenya waoleelo tshee ndo lotombo lawo, ⁹ Koakawoote: lami kitshia ndaango nee tshee, naka ayo minyamee da tombolami. ¹⁰ Yeso akawotee: onee wee Satana! he da akafundama: omotemolaka owandji,zambi kaye, okookambeka ndamee. ¹¹ Laso diabolo akootshike,ko enda andjelo wakeye tondo ka Yeso,wakookimanya. ¹² Yeso,akooke da Joane aka lambika, akosama la Galileya. ¹³ Akoonee mala Nazareta, ko akatshu latokita laka Pernauma, kawaii lomamu wandjale, like la Zabulona,la Nefatali, ¹⁴ Dakotsha kene kekateketa Isaya,ombutshi: ¹⁵ Wodja wa Zabulona la Nefatali, waakiko lomamu wandjale me Wodja ndo loleeke la Jordana.Ndo la Galilelaya ka wodja. ¹⁶ Wodja wone wokiti lo didjima, wakeeni osaose wawoke,ko leewaye wakita lo Wodja wa didjima da nyoyi, osase wambahetee. ¹⁷ Oma lowenyaako Yeso akatee sambisha,ndo akate: nyotubu ne da dolelo da loolongo aya suke. ¹⁸ Oko wakanda taanoka lookenge wandjale kele Galileya, atoahende wootwee,Simona leelewo Petero, ndo Andele, lotoande wakokaka oteyi londjale ne da waaki akenya. ¹⁹ Akawatee:nyondjele lemi, ko layoonyo kitsha akenya waato. ²⁰ kowonya wako Wakatshimbe Etshi ko wakooyele. ²¹ Oma laaso atatshu tshale, Akeeni akona anaango ahende,Yakobo Oma Zebedeyo la Joane lotoande,wane waaki lowaato vo la Zebedeyo shewo, wa kalongosolaka eteyi.Akawelee, 22 Ko Kaako Wakatshimbe waato ndo shewo, ko wakooyele. ²³ Yeso akateteka lo Galileya tshee, afundisha lo Sinagogi, sambisha lokumu l'ololo la dolelo, ndo konola see hemo ndo akanga was lomo tshee was lo wodja. ²⁴ Lokumu lande lakayale lo Siriuya tshee, ndo wakawela wane tshee wakasowaka la hemo ndo paa ya weho la weho, akanga w'edenge, kuse, la sema; k'O akakonolaka. ²⁵ Oloyi wato w'efula wakoyele, oma le Galileya, oma le Dekapola, oma le Yerusalema, oma le Yuda, ndo lo leke la Yorodana.