¹ Lo shii yako Joani obatizani, asambisha lo shenga ya le Yuda. ² Akataka: nyotubu, ne da Dolelo da lolongo daya suke. ³ Joani ele one lakasambisha oma le Ezayi, ombutshi, saa ketande: lane kele mboka ke one lawana lo shenga: nyolongosole mboka kOwandji, nyosawanishe towoka tande. ⁴ Joani atshi la dihondo da bosa da koho, ndo okawa wa lohoso dingana lo lokende. akalekaka akata ndo owe wa mona. ⁵ Ato wa le Yerusalema,wa le Yuda tshee ndo wa lo wodja yosukani Yordana, wakatshokaka lende; ⁶ Ndo, wakatubu pekato yawo, wakabatizama lande lo ndjale ke Yordana. ⁷ Koko, akeni ayaye lo obatizo wande ase Farisayo ndo akanga wa lokeso, akawate: doho delonyi, akanyote da ndawo kele keyaye? ⁸ Nyotondja okone olowa wa kinemo wa tubu, ⁹ Ndo tanyoyadjivunake lo mbuta lenyu nywame: taleko Abrahama oko mbapa! ne da lambonyote oma lo ane wave wane Zambi mbeyata tondja ana wa Abrahama. ¹⁰ Kakiye dimboko damboto lodo wesongo: osongo tshee okone wahatondja elowa wakohemboma ndo mbidjama lo dja. ¹¹ Lemi, lambonyobatiza lashi, da nyotola lo kitubishi; koko kanga lamboya kisha lemi aleko la kudu ndekami, ndo lemi kema la kinemo da ndota elato wande. nde, akonyobatiza lo nyuma kololo ndo lo dja. ¹² Aleko laa leedi lande lo lonya; akolongosola hewa kende, ndo akofufola mana yande lo leedi, koko akotshumba efumbu lo dja yaha dimala poo. ¹³ Laso Yeso akatshu le Galileya lo Yordana otsha le Joani, da ndjobatizama lende. ¹⁴ Koko Joani akaseke, ata: lemi kele la lazima labatizama laye, ndo omboya lemi! ¹⁵ Yeso akokadimula: tshika tshe kakiye, ne da aleko dihombo sho kotsha okone kene tshee kele kokele. ndo Joani komemala lokina. ¹⁶ Kakatate Yeso batizama, akatombe lashi. ndo nyende elongo wakadiho, ndo akeni nyuma ke Zambi keyaholo oko fudu kenga ndo ayaye lende. ¹⁷ Ndo nyende, doyi dakokema lelongo lo ene eteketa: one ele onami la ngandji efula, lende lambodja ngandji kemi tshee.