¹ Ko ndo dolelo da loolongo fonaka leesekaseka dikumi wa dimuma wane wakooshi atala waatshi letohomana la omi atanu lasawo dinginya, ² Atanu lasawo waaki dinginya,atanu waaki totshundu. ³ Akanga wa dinginya koombidja biso l'atala wawo, ⁴ Akanga wa totshundu wakadje biso l'atala wawo. ⁵ Oko wakaduya omi bo wakodimbe ndo waka lale. ⁶ Lateyi wotsho,wakade kisoko,hanyeni omi,nyotshu latohomana lande! ⁷ Ko esekaseka wa dimena tshe wakeemo,ndo wakatate la nongosola atala wawo. ⁸ Akanga wa dinginya wakate ase totshundu:nyotosha yema yanyu yeso, ne da atala waso wambodimala. ⁹ Totshundu waka kadimula: keema,hoyala efula leeso ndo leenyu. ¹⁰ Lakawatatshooka letoyasombe,Omi akakomi;wane weki tayadi wakooto lande lo fashi ke tshuki,ko lokuke lakadihama. ¹¹ Lookongo,esekaseka ekina wakakome ndo mbuta:owandji,otodihole. ¹² Koko aka akadimula ate:lambonyote lo mete te: ha nyeye. ¹³ Nyohotoya,ne da hanyeye loshi,la saa. ¹⁴ Ako yala okooto omotshi lakatshu lolokendo,ko aka elee ambeki wande,ko aka washa mbo yande. ¹⁵ Akasha talata tshanu le omotshi,hiende le okina,ndo otoyi le lasato,oto looto lo kudu kende,ko akatshu.Kondjala edja ¹⁶ One laka pate talata tshanu akatshu,kotoyiduya,ko nde kondja talata kyina tshanu. ¹⁷ Woho wako wamee,one laka pate talata hiende,akatokotsha kyina hiende. ¹⁸ One laka pate otoyi akatshu totshima difuku lokete ko nde kunde akuta w'owandji wande. ¹⁹ Shi ya mbeeta,ombetsha wene ekambi akaye,ko akayohoola lawo. ²⁰ One lakalongola talata tshanu,akasukana ko mbela talata tshanu,ko akate:owandji,wee paami talata tshanu heenda lakayo pata talata kyina tshanu. ²¹ Ombetsha wande akawotee:aleko dimena,ndo ololo ndo oshika wookambi;okayale la kyolamelo lotokambo tatotshike,lokokothike defula,oto longenongeno wa ombetsha waye. ²² One lakakondja talata hyinde akasukana ndo nde, ko nde mbuta:owandji,wee paami talata hyinde;heenda,lakatopata kyina hyiende. ²³ Ombetsha wande mbotee: oleko dimena,ololo ndo kyolamelo yookambi;wee atshi la kyolamelo lo daango da tshiki,lakokosha defula;oto longenongeno woombetsha waye. ²⁴ One laka longola talata otoyi akasukana,ndo nde mbuta ate;owondji lakeyaka,da wee oleko oto la otema woolo,one lana lene ahandonii,ndo one lamotsha lene ahanda tshoodi woho. ²⁵ Lakoke wooma,ndo lakatoshe talata keye leteye kete; enda lane,osa kene kele keye. ²⁶ Mwadimu wande ako kadimula:okambi wakoolo ndo was nende,wembeyaka wete lemi munaka lene akimi komone,ndo pomanya lene akimi komboka; ²⁷ Okahombe toshtika falanga yami le ane wakamba lo banki,ko,loshi lomokaloya,kandjoshi one lele lami la faida. ²⁸ Nyokumuya one lele la talata otoyi,ndo nyosha one lele la talata dikumi. ²⁹ Ne da wakosha one lele laa,ko akonga l'efula,koko one lele kema laa wakokumuya ndo kene kelende lato. ³⁰ Ndo okambi wanyanya,nyoosokole lo didjima da laandja,lene oyala alelo ndo ekakatanyelo wa wanyu. ³¹ Saa koya ona oto leteyi ke lotombo lande,la malaïka tshe,konde kital'edee ke lotombo lande. ³² Wedja tshe wakohomana le tondo kende.Akokakitola amotshi la akina,koko elami kakitolo ekoko la waomi; ³³ Ndo akokitsha ekoko lo lonya pomi,ndo mbodi lo lomoso. ³⁴ Laso owandji mbuta le and weld lo lonya lande la lopami:nyoye,nyu wane wakatshokwama la mbapa;nyoshi lokanga la dolelo daka longosama oma l'etatelo ke andja. ³⁵ Lote lemi leteyi la ndjala,ndo nyakambisha dango da nde;letshi la posa,ndo nyakambisha wa noh;letshi ongendangenda,ndo nyaka nongola dimena. ³⁶ Letshi otakataka,ndo nyaka ndotsha;letshi la hemo,ndo nyaka mende;letshi lo muyololo,ndo nyakaye leemi. ³⁷ Ato wakoka wakokumuya:owandji,saa kekona Kaka takeni la ndjala,ndo Kaka takosha da nde,kana ndjala la posa,ndo Kaka takosha da noh? ³⁸ Saa kekatakenyi ongendangenda,ndo sho kolongola,kana otakataka,ndo kosho kolotsha? ³⁹ Na Saa kekatakenyi wee hemo,kana lokodi,ndo wakata otsha leye? ⁴⁰ Ndo owandji kadimula:lambo nyoye lo mete,mala tshe kekanyasale ne dango lootoyi wakoshi wa analeengo wami,leemi wakayatshee. ⁴¹ Oma laso akatee wane woyala lo lomoso:nyangane oma leemi,ase mananu;nyotchu Lorna ya poncho yaka longoswama lote wa satana ndo wa andjolo wande. ⁴² Ne da letshi la ndjala,ndo nyu kombishami yango ya nde;lakoke posa,ndo nyu kombishami da noh; ⁴³ Leetshi ongendangenda,ndo nyu ko nongolami; leetshi otakataka,ndo nyu ko ndotshami;letshi la hemo ndo lokodi,ndo nyu komendami. ⁴⁴ Wakokadimula lokina:owandji,na saa kekata keeni okay ndjala,kana la posa,kana ongendangenda,kana otakataka,kana la hemo, kana lokodi,ndo kondjala loomamu waye ko kokimanyiya? ⁴⁵ Ko nde mbakadimula:lambonyote lo mete,mala tshe yetshinu kotsheeka akambo waso,le omotshi wakenda,la lemi kakinyu ko mbatshee. ⁴⁶ Ko waso wakotsho lo shoko ya ponjo,koko ane waakoka lo loseno la pondjo.