¹ Oko Waka tatsho kaka Yeso,letombelo kempelo,ambeki wande wakasukana leende da vo mbeya wokelo. ² Koko nde akawatee ate:nyaleko lomena kekotshe?lambonyote lo mete,hatshikalaki diwe lo diwe kene kehakadimoki. ³ Akakite lokidima kooliva.Ndo ambeki wakaye otsha leende lo miange da vo mombola:otote,wonya wakona woya akambo wane,ndo wokonde wayala djembetelo y'oyelo waye ndo ekomelo ke andja? ⁴ Yeso akawate ate:nyende dimena oto atonyosengake. ⁵ Ndo efula wakoya lo lokombo lomi,wakota:lemi kele kristo.Ndo wakosenga efula kaato. ⁶ Nyakooka wata da ta ndo da looka la ata:nyoya ende da ahanyu tshimba lomba,ndo pombamaka da dango so koma.Koko hoyala lokina ekomelo. ⁷ Wodja wakolosha wodja wokina,ndo dolelo da yolosha dolelo dikina,ndo akoyala,fashi efula,ndjala ndo adidimu wa kete. ⁸ Keko tshe eko etatelo ke paa. ⁹ Laso wakonyokimo lo shoko,ndo wakonyoyaka;ndo nyako hetshama lo wedja tshe,lote wa lokombo lami. ¹⁰ Laso lokina efula wakoko,ndo wakosongane,waka hetshana ane laakina. ¹¹ Efula keemenyi wa kashi wakeemala,ndo wakosenga efula kaato. ¹² Ndo,lote wa koolo kekoleka mbudee,lolango leele ato lakokitakita. ¹³ Koko one lokoyala la etete polo lekomilo ako ka. ¹⁴ Lokumu loololo la dolelo lako sambishama lo kete tshe,da kimanyiya omenyanyi lo wedja tshe.Laso okoya ekomelo. ¹⁵ Dako dele,naka nyumena lotonu looharibifu dakateketa ombutsthi daniele,akakitshama lo fashi kekila,da one losoma ayale la yembelo. ¹⁶ Koko,da wane woyala le judeya walawo lo bidima. ¹⁷ Da one loyal le diko da lodu hoholo le nde mbosa kene kele lo lodu lande. ¹⁸ Ndo da one loyala lo shamba hokaloya ekongokongo da mbosa koti dootale dande. ¹⁹ Paa lee odimoto woyala la dikundu ndo wane wo lonya loshi lako! ²⁰ Nyolombe ne da lowango lanyu halokomi kipindi ke tshitshi,aha loshi la sabato. ²¹ Ndo laso,sowi dakoyala woke daha yalaki oma letatelo me kete polo lelo,ndo hakiyalaki lokina. ²² Ndo, naka sho shi hawofupishisha,ko one lo ka;koko, lote wane wakasonama,shi yako yakoyala tsheni. ²³ Naka omotshi kotee laso:christo aleko lane,ndo:aleko laso,nyoto etawoke. ²⁴ Ne da wakeemala wa Kristo ya kashi ndo ambutshi wa kashi;wako tshee akambo wa wake ndo ahindo,lo tolembetelo da mbasenga,kana ako koka,ndo asonami. ²⁵ Enda,laka nyotee le tondo. ²⁶ Ko naka,wambonyotee:enda,aleko lo shenga,nyototshokake;enda,aleko lo watshumba aha nyu mbaetawo. ²⁷ Ne da,oko losase oma leme wonya ndo menama polo lene ashama yaani,laso akoyala eyelo w'ona oto. ²⁸ Ndo lo fashi kemotshi da ndjala edo,leko wakohomana wa pongo. ²⁹ Oma laso oma lo shi yako ya paa,yaani yakofifiya,weedi haweenya osase lokina,tooto takoko oma loolongo,ndo kudu ke loolongo kekosokasoka. ³⁰ Laso djembetelo yooto yakenama loolongo,kabila tshe ya lokete wako ngumanguma,ndo wakeena ona oto akoya ko memala lo weenga wa loolongo la kudu ndo lototombo la woke. ³¹ Akotoma wa malaika wande la ponge yahoma,ndo wakohomanya asonami wa lopepe eneyi,oma letatelo koolongo polo lookina. ³² Nyoyafundisha l'otshikitanu yosami l'osongo. katate taki waya weke, ndo akatshi wambotomba, nyakeya nyate diye daya suke. ³³ Popo, lo saa konyena ane akambo tshee, nyeye one ona oto aya suke, lo mulango. ³⁴ Lambonyote lo mete, lone lolonga heta pondjo, kele keso tshee koma. ³⁵ Olongo la kete waketa, koko eteketa wami haweta pondjo. ³⁶ Lo kene kendana la loshi ndo saa, ko oto leya, kanga andjelo wa l'olongo, kanga ona, koko mbapa ndame. ³⁷ Kene kekakomi l'etena ke Noa kokoma popo l'etena k'ona oto. ³⁸ Ne da, lo shii yakete lo vula, ato wakalekaka ndo wakanokaka, wakatshukanaka ndo wakatshukeka ana wawo, polo loshi lone lakoto Noa lo wato; ³⁹ Ko vo komboka koyango woma, polo edja vula ndja ndo mbaemba vo tshee: akoyala yoho yame l'etena k'ona oto. ⁴⁰ Okone, ato ahende wayala l'okonda, omotshi akosama ndo okina akothikala; ⁴¹ Adimato ahende watani, omotshi akosama ndo okina akotshikala. ⁴² Nyolombe okone, lote hanyeye na loshi loya Owandji wanyu. ⁴³ Nyeye dimena, naka mwadimu wa loodu akeye na saa k'otsho kehomba ndja wovi, akokesha ndo hotshika da yango mboto lo loodu lande. ⁴⁴ Dako dele, ndonyu, nyoyatayrisha, ne da ona oto akoya lo saa kele hanyofonya. ⁴⁵ Na lele okone okambi la mete ndo la kasakasa, lele mwdimu wande akadjange le ato wande, da mbasha yango yande l'etena ke dimena? ⁴⁶ Ololo le oko okambi, lele mwadimu, lo koma yande, akotana tshee okone! ⁴⁷ Lambonyote lo mete, akokitsha ladiko da dango dande tshee. ⁴⁸ Koko, naka okambi wa koolo, lata lende ndame: mwadimu wami amboduya ndja, ⁴⁹ Akotate komola wanyande, naka ambole ndo noo la akanga elevi, ⁵⁰ Mwadimu w'oko okambi akoya loshi lele hayambale ndo lo saa kehandeye, ⁵¹ Akokitsha lo tshumba, ndo akowosha yema yande la wanafiki: lanoo koyala delo ndo ekakatanelo ke wanyu.