¹ Koko, Yeso, akatee oloyi wato ndo le Ambeki ande ate: ² Endele nombe la Wafarisayo wakakite l'edee ke Mose. ³ Nyo tshe okone, ndo nyende one tshee latonyoteka, koko tonyatsheke oko ele etsha wewo. Ne da vo totaka ndo hawotsheka. ⁴ Vo kelekaka wetsho wa kudu ko vo mbahe l'aheka wato, koko vo hawolange mba tshuma lohita. ⁵ Vo tsheeka etsha wewo da menamo le ato. okone vo ndotaka teshi t'ahondo ko vo waleko l'ehombo wetale l'ahondo wawo; ⁶ Vo nangaka fashi ya tondo lo dambo, ndo kiti da tondo lo Sinagogi; ⁷ Vo nangaka mbaemula lo fashi tshee, ndo mbaelee oma le ato Olombodi, Olombodi. ⁸ Koko nyu aha nyu ndjaelee le ato Olombodi, lote wa oto otoyi kele mwadimu wanyu, ko nyu tshee nyaleko analengo. ⁹ Ndo hanyumbelee oto la lakete shenyu, ne da oto otoyi lele shenyu, ele kanga lele l'olongo. ¹⁰ To nyaya eleke wa Dikitele, lote wa oto otoyi lele Dikitele danyu, ko Kristo. ¹¹ Kanga lele opalanga lateyi wanyu akonga okambi waye. ¹² One tshee lo yaedola akokitshakitshama, ndo one tshee lo ya kitshakitsha akoduyama. ¹³ Mananu le nyu, Endele nombe ndo le Wafarisayo! lote wa nyu dihaka ato Dolelo d'olongo, nyu nyame hnyoto ndo hanyotiya wane walanga mboto. ¹⁴ Mananu lenyu Endele nombe la Wafarisayo! lote wa nyaleko londe lo vudu ya wadi waki edo, ndo lote nyu lo tshee nyaleko wale nomba dombelo kete da tshee waminifu ndo, ko wonya wonoyala, nyeko tshee wetale, lote wakeso, nyokolombola efula. ¹⁵ Mananu lenyu, Endele nombe la Wafarisayo! lote wa nyaleko lo keda ndjale ndo kete da tshee waminifu ndo, ko saa ko nyoyala, nyakoya tshee ona Gehena mala hyende nyoleka. ¹⁶ Mananu lenyu Elombodi wa dimi wata: naka oto ambolapa oa lo tepelo, kodikambo; koko, naka oto ambolapa lote wa zahabu ke lo tepelo, kete amboyalapee. ¹⁷ Akanga wa dinginya, ndo dimi! ele oleki opalanga, zahabu, kana tepelo leeda zahabu? ¹⁸ Naka oto, nyoyatee lokina, lapa lote wa ohekele, kodikambo, koko, naka oto ndapa lote wa sadaka kele ladiko d'ohekele kete amboyalapee. ¹⁹ Dimi! ele oleki, sadaka, kana ohekele leeda sadaka? ²⁰ One la lapa l'ohekele ambolapa l'ohekele ndo le tshee l'adiko; ²¹ One la lapa lo tepelo ambolapa lo tepelo ndo le kanga l'okita; ²² Ndo one la lapa lote w'olongo ambolapa l'ekiti ke Dolelo da Zambi ndo le kanga l'okiti. ²³ Mananu lenyu, Endele nombe ndo Wafarisayo wanafiki! lote nyaleko lo dipa eteni ke dikumi ke Mate, ke Aneta ndo ke Kumina, ndo nyaleko lo tshika kene koleki dihombo l'olembe, losembwe, ketshi ndo kyolamelo: malaso kehomba tate, aha monyola akambo akina. ²⁴ Alombodi wa dimi! membele yakedanyu, ndo mena ponda. ²⁵ Mananu lenyu, Endele nombe ndo Wafarisayo wanafiki! lote nyusolaka l'okongo wa kikombe ndo wa sahani, ndo leteyi ndola la mindo ndo la tshitshi. ²⁶ Osa Farisayo dimi! sola tondo tondo leteyi ke kikombe ndo ke sahani, kele l'andja kayale pepe. ²⁷ Mananu lenyu, Endele nombe ndo le Wafarisayo wanafiki! lote nyaleko lo pomanya awombo wa wema, wafona dimena l'andja, leteyi, waleko ndola too la weka w'edo ndo la yoho tshee ya mindo. ²⁸ Ndo nyu lokina, l'andja nyaleko kokele le ato, koko, leteyi, nyaleko ndola too l'unafiki ndo la pekato. ²⁹ Mananu lenyu, Endele nombe ndo lenyu Wafarisayo wanafiki! lote nyaleko lo tshima awombo w'Ambutshi ndo nongosola awombo wa wane wele kokele, ³⁰ Ndo nyaleko lo mbuta: naka takasene lo wakati wa washeso, sho tototoyala suke lawo da pandjola dikila d'Ambutshi. ³¹ Nyaleko lo shuudiya okone lote wa pokoso yanyu yelenyu ana wa wane wakadake Ambutshi. ³² Nyembe okone oshiko wa washenyu ³³ Eloyi, doho k'ekonge! okonde wewonyu kele ke lo Gehena? ³⁴ Dako dele, enda, lambonyotome Ambutshi, akanga wa timba ndo Endele. nyakodaka ndo pane lo kuruse amotshi, nyakokomola amotshi adanga lo Sinagogi yanyu, ndo nyakasoya ngelo la ngelo, ³⁵ Kele dikila da wane waha la dikambo kadahema lote wanyu lo kete, tate dikila d'Abele ke kokele polo lo dikila da Zakari, ona Barashi, lakanya lasa telepo la pango k'angendangenda. ³⁶ Lambonyote lo mete,kekoko lo lone lolonga. ³⁷ Yerusalema, Yerusalema, ladaka Ambutshi ndo wasoya wane wakawanyotome, mala nyiana yakamalange pomanya ana waye, oko wahomanya koko tokoko leese ke ahafu wande, ndo nyu kondilanga! ³⁸ Enda, loodu laye wakoyala koyango; ³⁹ Ne da, lakanyote, hanyoyomena lokina poo, polo edja konyota: otshoko leye we laya lo lokombo l'Owandji!