¹ Laama kamani Yeso la teketa,ko nde akoone oma lo galilaya,ndo akatshu lo wodja wa ase judeya,ndekana judeya. ² Leemba lakoyele ndo leko aka kalanganya wahemo. ³ Ase farisayo wakosawoya ndo mbotee wakopimi wonde kokaka pami mbitchanya wadende lote wadikambo dimotshi? ⁴ Akokadimula ate nyu kobada da otongi,letatelo akasale pami l'odimoto. ⁵ Ndo akate: dako dele pami akotshika she la nyango,ko akokimane la wadende,ko vo ahende wakoyala demba otoyi? ⁶ Wokone vo keema ahende,koko waleko demba otoyi.Ko pami hahombe manganya kene keka homanya sambi. ⁷ Lotewa kona wawatewo da Moïse akandika da mbisha odimoto mukanda wa loseko la mbitchanya? ⁸ Aka kadimula:ete lote wa solo wolo wanyu wako ndo moïse wakana nyosha danyu mbitshanya wadi wanyu;letatelo atatshi yoho nye. ⁹ Koko lombonyote da one lotshanya wadende,paka lote waloseka,ndo latshuka okina ambotshe loseka. ¹⁰ Ambeki wande wakawote:naka oso kele didjango da pami otsha le odimoto kete kodihombo tshukama. ¹¹ Aka kadimula,ato tshe hawoke one oteketa,koko paka le wane waka kondja. ¹² Ndo koleko akanga wa tongo,ndo amotshi wakatate malotema wa nyangewo ndo akina waleko ndjala paka laato;ndo akina wakayakisha paka ndo voame,paka lote wa dikambo da dolelo da loolongo.ko to loka oke. ¹³ Oko waka wela ana waakenda,lo woho wa nde ndjo wakee anya ndo mbalombee.koko ambeki wakasukana. ¹⁴ Ndo yeso akate:nyotshike ana waakenda ahanyu mbashimba da vo ndja lemi,ne da doolelo doolongo dele le ato wafona lawo. ¹⁵ Akakitshiya anya,ok akatshu oma leko. ¹⁶ Ko enda,oto omotshi aasukana,ko mbutee yeso:ombetsha ahombami kedimena le lemi tana loseno la d'olelo? ¹⁷ Akokadimula:kekona kemumbolaye lo kene kele dimena?otoyi aleko dimena.Naka we nangaka mboto lo loseno,sedingola elembe. ¹⁸ Wekona?akanda te. ndo yeso akokadimula:aha we ndjala;aha we monana loseka;aha we mbuva;aha we mbuta kashi; ¹⁹ Eshimiya sheye la nyangeye;ndo:langaka osukani waye oko woho wayalangaye. ²⁰ Dikenda da pami mbo tee:laka sedingola dango ne tshe;kahombami lokina? ²¹ Yeso aka wotee:naka wee nangaka monga kokele,tshoka tosondja kene kele keye,sha ase wola,ndo okowa ongonyu loolongo.Oma laso yaka,ndo ondjele. ²² Oma lamboka eso eteketa,olongo wa pami akatshu loolengolengo tshe;ne da atshi la dango efula. ²³ Yeso akatee ambeki wande:lambonyote lo mete,kanga ongonyu woolo da nde mboto lo dolelo doolongo. ²⁴ Lambo nyote lokina,aleko woolo ponda mboto lo hyole ya shindanu da ose ongonyu mboto lo dolelo da sambi. ²⁵ Ambeki,kaaka woke laawo,wakashangala efula,ndo mbuta:naande lakoka pando mete? ²⁶ Yeso akaalengee,ko nde mbatee: lee ato kene hakoke,koko le sambi tshe keleko lokoka. ²⁷ Petelo,akoshi oteketa, kombotee:enda,sho takamoo,ndo takakoyele;laso wokonde wondoyala leso? ²⁸ Yeso aka kadimola:lombonyote lo mete,naka onooto,lokadimwelo wa dango tshe,akokita ledee kende ke lotombo,nyu nongo yaka ndjele, ndo nyu nyakokita lo dee dikumi laahende da lowandji ko nyu nyakolombosha kumbo dikumi laahiende yase esariele. ²⁹ Ndo one tshe lakatshu,lo lokombo lami,boto da apami,kana da adimato,kana shende,kana nyangende,kana wadende,kana ana wande,kana kete yande,kana nvudu yande dako kondja teni lokama,ndo hena loseno la pondjo. ³⁰ Efula ke watondo wakoyala lokongo ndo efula ke wekongo wakoyala letondo.