¹ Lookongo wa shi shamalo,yeso akooshi lande Petro,yakobo la yoani lootoande akaatole otsho lo kidima ka woke. ² Akatohilo la tondo keep;elongi kende keka ngare oko yaani,ndo ahondo wande wak'onge wema oko wonya ³ Ko heni,Mose la Eliya wakatombe da sawola lande. 4.Petelo akooshi oteketa,ko mbutee yeso ate:owandji,aleko dimena da sho monga lane;ndo we nanga,lakoka apema asato,dimotshi da dimotshi da mose la dikina da Eliya. ⁵ Ateketa lokina dedi doosase akaakombe.Ko heni,akakombe oma lo dedi eteketa wene: one kele onami langandji,one la langami efula kanyo wooke! ⁶ La maaka wooke doyi so,ambeki wakako le tondo kelongi kende,ko wakandama la wooma wefula. ⁷ Ko yeso aka sukana,kombakime,kombatee:nyeemale,nyotokake wooma! ⁸ Wakeeda washo ko wakeni paka yeso ndame ⁹ Wayaholo oma lo kidima,ko yeso mbasha olembe one:nyutoteeke oto enyelo kene,polo lokoolo onooto. ¹⁰ Ambeki wako wosha dimbola ne: lote wana wata amandiki one Eliya akomee ndja? ¹¹ Aka kadimula:aleko mete da Eliya akoya,ndo nongosola dikambo tshe. ¹² Ko lambonyote da Eliya amboshilaka la ndja,ko bo kombeeya,ndo wakoosale woho wakawalange,shambo yako yosowa onooto ndonde. ¹³ Ambeki wakookaka oko lawate da joani ombotshani. ¹⁴ Lakawa komi suke looloyi,oto omotshi akaye ndjoyasokola laaduee laatondo ke yeso,ko mbuta, ¹⁵ Owandji onga la kangi koonami,lako ekunya ndo la sowa tsha lonyoyi,nde kokaka saa myotshi lodja,saa myotshi laashi. ¹⁶ Laka wela lee ambeki waye,ko bo kombokonoya. ¹⁷ Lokoho lele keema la mbetawo,ndo lokoki la koolo,aka kadimula yeso,polo maa lende omo yala lanyu?polo maa lende omonyo kimee? nyombelaa nde laane. ¹⁸ Yeso aka hangwe edenge woolo,wakatombe leende ko ona akakono ko saa keko. ¹⁹ Ko ambeki wakasukanee yeso,ndo mbotee lokongo woho wakona watshiso kombitshanya ene edenge? ²⁰ Na loote w'etema lonuu wanyu,akawate yeso.lamonyote mete naka nyu ndjala la mbetawo oko lotongo la seneva,nyakotee kene kidima:yemba oma laane ko nde akoyemba;kookene konyoleka woolo. ²¹ Koko Nye shambo yeedenge mumooka la dombelo ndo ekidamelo. ²² Lakana tengolaka lo galilaya,yeso aka watee: onooto akalamboma lanya waato; ²³ Wakooyaka,ko loshi lasato akoolo.wakayale loolengolengo wahakoke. ²⁴ Lakawakomi le kapernaüma,apami waka dipishanyaka elambo wa drakima wakaye le Petero,ko mbotee: wokonde ombetsha wanyu hadipe olambo ehende wa drokima? ²⁵ Osoku,wakanda wotee.ko saa kekandooto lo lodu,yeso akawatee tondo ate:akanyiyaye na Simona? ewandji wa lokete wane woko woshaka elambo? w'ana wawo ndo waangendangenda? ²⁶ Akawotee:waangendangenda.Ndo yeso akookadimula:ana hawokoke dipa elambo. ²⁷ Koko daha sho mbakwaza,tshoka looduwa tooke yodi,lose la tondo loyonda diholande onyo,ko,okotana,okoma waakuta kooshi kowasha loote wami ndo loote waye.