¹ Ase Farisayo ndo ase lokeso wakambola Yeso ndo, da mbopima, wakawombola da mbaenya tshapa yaya oma lolongo. ² Yeso akakadimul: ladikolo, nyambota: akoyala dimena, ne da olongo waleko bela; ³ Ndo la pendju: longe lakoyala lelo, ne da olongo waleko bela ke didjidji. nyumbeyaka sedingola hadi ke lolongo, ndo hanyokoke sedingola totshapa ta saa. ⁴ Lolonga la koolo ndo la loseka lamombola dihindo;hawonyosha dihindo dikina ele diko da Jonase. ko akatshike, ndo akatshu. ⁵ Ambeki, wakete le wedi okina, wakohe mbosa ekate. ⁶ Yeso akawate: nyaleko lo nama wana wase Farisayo ndo wa ase lokeso. ⁷ Ambeki wakawaze lasawo vo vame, ndo wakate: loote sho hatoshi ekate. ⁸ Yeso, akaye, akate: loote wana wawazanyu leteyi kenyu nywame, ato wambetawo ke tshiki, lo kene kehanyoshi ekate? ⁹ Nyalekoko lokina ko yimba, ndo hanyoho lokina ekate etanu wato midiyo tshanu ndo tunga ngana dakanyatongona, ¹⁰ Kanga ekate esambele wato midiyo nyeyi ndo tunga ngana dakanytongona? ¹¹ Okonde wahanyoke daha lo dikambo dekate kekamanyote? nyoyalaùi lo wana wase Farisayo ndo ase lokeso. ¹² Laso wakoke da one aha wana wokate kekandate da ndjalama, koko lo mafundisho wase Farisayo ndo ase lokeso. ¹³ Yeso, akakomi lo ngelo ke Kayizara wa Filipe, akambola Ambeki wande: atawo elemi, lemi, ona oto? ¹⁴ Wakakadimula: amotshi mbutaka one wee kele Joani obatizani; akina, Eliya; akina, Yeremiya, kana omotshi lEmbutshi. ¹⁵ Ndonyu, kekandawate, ambutanyu elemi? ¹⁶ Simona Petro akakadimula: wee kele Kristo, ona Zambi la sena. ¹⁷ Yeso, akoshi oteketa, akawote: wee oleko lotshoko, Simona, ona Jonase; ne da aha demba ndo dikila kekakofunuwe kene, koko shemi lele lolongo. ¹⁸ Ndo lemi, lambokote da wee kele dive, ndo lo dive dako lakoka kanisa kemi, ndo kuke la loshi la nyoyi wahamane laye poo. ¹⁹ Lakokosha fungola ya Dolelo da lolongo: kene koyokeleka lo kete kekokelekama lolongo, ndo kene koyokelekola lo kete kekokelekoma lolongo. ²⁰ Laso akadjange Ambeki da aha mbute oto da nde ketshi Kristo. ²¹ Tate lako Yeso akatate menya Ambeki wande da akahombe nde tsho le Yerusalema, akosowa efula oma le wazee, epalanga Kohani ndo Endele nombe, akodakema, ndo akolo loshi la sato. ²² Petri, atshi lanoo, akatate la mbokaloya, ndo ata: le Zambi halange, Owandji! keso hokokome. ²³ Koko Yeso, akewo, akate Petri: lokongo wami, Shetani! oleko lo lofunge; ne da tokani taye kema tokani ta Zambi, koko tokani tato. ²⁴ Laso Yeso akate Ambaki wande: naka oto omotshi nangaka ndja kisha lemi, ayate ndame, ayaendja kuruse, ndo andjele. ²⁵ Ne da kanga lalanga mbitsha loseno lande akolishisha, koko kanga lolishisha loote wami akolitana. ²⁶ Ndo naa kene kokimanyiya oto da pata duniya tshee, naka amboshisha anima wande? kana, naa kene kosha oto lo wengodi wa anima wande? ²⁷ Ne da ona oto ahomba dnja lo lotombo la shende, la andjelo; ndo laso akosha oto loto oko wele etshaa wende. ²⁸ Lambonyote lo mete amotshi wane wele lane hawovo poo, kovo haweni ona oto ndja lotawalo wande.