¹ Keso etena, Herode owandji akomala, lamakandoke wateketa lote wa Yeso, akatee ekambi wande: oso ele Joani yo Batizani! ² Nde ambolo oma lo nyoyi, ndo dako koondoyatshee ahindo. ³ Ne da Herode, nde kakandamisha Joani, akokeleka kodi ndo mbodja lo muyololo, lote wa Herodia wadee Philippe, onaleengo ande, ⁴ Lote wa Joani akawotee: nde kopomba monga wadee. ⁵ Nde akalange da mbodaka, koko nde akokaka oloyi woma, lote nde akendaka Joani oko Ombutshi. ⁶ Koko, lama kawangenanaka ehwelo ka etwelo ka Herode, ona odimoto la Herodiya aka nokaka lateyi waato ndo aka ngenyangenya Herode, ⁷ Ne da nde akolake la ndapa da nde mbosha tshe konolombaka. ⁸ Lo lolombo la mama kende, nde akate: ombisha lane, leteyi ke sahani, ote wa Joani yo Batizani. ⁹ Owandji akanungunika, koko, lote wandapa yande, nde akolombe da nde mbosha ote wako. ¹⁰ Ndo nde akatomi ndo nanga ndjaka Joani lo muyololo. ¹¹ Ote wande wakembama lo sahani, ndo mbisha osekaseka lakatole le mama kende. ¹² Ambeki wa Joani wakaye da ndjosa demba dande. ko vo tsho laa latewoya Yeso? ¹³ Oma loso dikambo, Yeso akatshu tshaleko lo wato da toyala etale lawo, ko oloyi wato, wane wakeye, wakatombe ma lo wedja ndo wakoyele l'ekolo. ¹⁴ Lo saa kakanatombe lo wato, akeni oloyi wato, ndo akonge kangi lawo akakonola ekoni. ¹⁵ Dikolo da kakoke, Ambeki wakasukana leende ndo mbotee: kene fashi aleko shenga ndo saa kemboshila mbeta; toma oloyi wato, lote wa vo tsho lo wedja da vo toyasombee dango da vo sena. ¹⁶ Yeso akakadimola: vo kema ladihombo da ndjatshwee; nyowasha nywame yango yande. ¹⁷ Ko vo wakawotee: taleko lane la ekate etanu la see hyende ko pee. ¹⁸ Ko akate: nyombelawo. ¹⁹ Akakitsha oloyi wato ladiko d'elenge, akoshi ekate etanu la see yako hyende, ko akeda washo l'olongo, ko akatshokola. ko nde akahembola ekate ndo nde mbisha Ambeki, ko vo wakahakanya le ato. ²⁰ Vo tshee wakale ndo wakalote, ndo wakatongona tunga dikumi l'ahende too la teni da katshikala. ²¹ Wane wakale waki suke la midiyo tshanu yapami, ahambidja adimato lana. ²² Kisha laso, akadjange Ambeki da vo mboto lo wato ndo da mbeta le wedi okina, kanoo akakaloya oloyi wato. ²³ Saa kakandakaloya, akadee lo kidima da to lomba l'omamu,oko weki dikolo da mbokoka akiko leko ndamee. ²⁴ Wato, waya lateyi wa ndjale, akasokasoka la lopepe; lote wa lopepe lakiko fashi tshee. ²⁵ Suke la wonya poto, Yeso akatshu tsha lewo, atakendakenda ladiko da ndjale. ²⁶ Lo saa kakaweni Ambeki nde kendakenda ladiko da ndjale, waka shangala, ndo wakate: aleko edimu! ndo, la woma wawo, wakawanaka. ²⁷ Yeso akawate ko kiko saa nyoshike nyate lemi, tanyokake woma! ²⁸ Petero akokadimola Owandji, naka wee, orusiya ndje dja leye l'adiko d'ashi. ²⁹ Ndo akawotee: yaka! Petero akatombe ma lo wato, ndo akakendakenda l'adiko d'ashi, da nde tsho le Yeso. ³⁰ Koko, menda yoho yakiko lopepe kudu, akoke woma, ndo, oko akandatate la dita, akawana, Owandji, ombitsha! ³¹ Kaso Yeso akeda lonya, akokime, ndo mbotee: oto la mbetawo ke tshiki, lote wana akakandikandi? ³² Ndo wakade lo wato, ko lopepe lakonohala. ³³ Wane waki lo wato wakaye ndjokolama le tondo ke Yeso, ndo wakate: we mete kele ona Zambi. ³⁴ Kisha vo teho ndjale, wakatshu lo wodja wa Genezaleta. ³⁵ Ato waleko, weye Yeso, wakatomi akendji lo fashi tshee ya suke, ndo wakawelaka ekoni. ³⁶ Wakolombaka tshoo da mbokime l'ohembo wa dihondo dande. ko wane tshee wakokimeka, wakakonoka.