¹ Lende aya tamu, ndo lende aya esani lasanyu? aha lo ngandji yanyu yalosha lalemba wanyu? ² Nyutamanyiyaka ndo nyu kema laa; nyaleko andjakatani ndo nangaka, ko hanyokoke pata, nyaleko lata ndo tamu ndo nyu kema laa lote hanyolombe. ³ Nyaleko lo nomba ko hanyolongola lote nyaleko lo nomba kolo la lokani la ngenyangenya posa yanyu. ⁴ Monyani kelenyu! hanyeye da monyani la lo duniya hatongenyangenyaka Zambi? kanga lalanga ndjala ongenyi wa duniya aleko otoni wa Zambi. ⁵ Nyufonyaka da mwandiko teketaka lo bure? la lokandjema kele Zambi tolangaka nyuma kene kekandakitsha leso. ⁶ Nde tetawoka djekaleka ketshi ke dimena, dako dele mwandiko lo mbuta:Zambi hatolangaka wane watoyaembaka koko ketshi kende toyalaka le wane wakoyakolameka. ⁷ Nyokolameke Zambi, nyewoke Shetani, konde akolawoka etale lanyu. ⁸ Nyoyasukanyake le Zambi ndonde akoyasukanya lenyu.nyosole anya wanyu, akanga wa pekato yeda etema wanyu, ato mindo. ⁹ Nyetawoke fonu yanyu, nyoyalake lo delo ndo la wasoyi; tola taye takandimo delo, ndo olo waye wakadimo okeyi. ¹⁰ Nyoyakitshakitsha letondo Kowandji, ko akonyoduya. ¹¹ Tanyoyateketeke lo kolo amotshi lakina, analengo kanga lateketa kolo, kana lalombosha onangende, teketaka kolo lolembe ndo nomboshaka olembe. koko naka we nombosha olembe, we kema osedingodi wolembe, koko oleko shushi. ¹² Oto ele omandiki wolembe ndo shushi, nde kekoka mbitsha ndo shisha; koko we eleye alomboshaye osekaye? ¹³ Lenyu nyu wane wata: elo kana loyi takotsho lo wodja omotshi, takotokita mwaka leko, takototshuruza ndo takotopata! ¹⁴ Nyu wane waheye kene kokoma loyi! ne da, ele loseno lanyu? nyaleko lopepe latenamoka etena kimotshi, ndo kisha saa ketshiki toshishoka. ¹⁵ Nyakahombe mbuta okone: naka Zambi nanga, takosena, ndo takosala kene kana kiko. ¹⁶ Koko kakiye nyamboyatombola lo tokani tanyu talohokotoyi. aleko dikambo da kolo da ndjatombola sho yoho. ¹⁷ Kanga leya tshe kene kele dimena, ndo hakisale, salaka pekato.