¹ Analengo, aha monga lateyenyu efula keeto wayasha lo fundisha, loote nyalekombeya done takolomboshama wolo efula. ² Taleko lo takana shoo tshe lo weho efula. naka omotshi hatakana kaanga loteketa, aleko oto lele kokele, lakoka kitsha demba dande tshe lolowango. ³ Naka shombija lokodi leteyi konyo we punda kele weteshimiya, sho tambolombola lokina demba dawo la tondo. ⁴ Nyende, kaanga weeto we kudu wesukumama la pepe la taape ya wolo, waleko lonomoma waleko lokutoma la yango yatshiki lololango lokendjedi. ⁵ Woho wako, lolemi aleko tsheni ya demba, nde ndjaduyaka lo akambo wawake. nyende oko shase yaya, mbeyaka koka lo okonda wawoke. ⁶ Lolemi lokina aleko jaa; aleko duniya da kolo lolemi aleko lateyi ke demba, tshafulaka demba tshee, ndo tshumbaka demba, woho wakanalongola ndame lo Gehena. ⁷ Koyotsheya nyama ndo wa fudu, dilambalamba ndo nyma ya lashi, waleko polo ndo wakonge leese kooto. ⁸ Koko lolemi, kangototayi lakoka mboshimba; aleko kolo kehewakoke minya, aleko ndodama la sumu kenyoyi. ⁹ Loote wande taleko lo tshokola Owandji sheso, ndo loote wande taleko lombija mananu ato wakatomama lelongi ke Zambi. ¹⁰ Malo onyo wako otoyi, lotomba etshoko ndo mananu. hakoke, analengo, kesokonge. ¹¹ Kwokoyashi kokaka tondja ashi wa dimena ndo ashi woloolo? ¹² Osongo otoyi welowa, analengo, kokaka tondja elowa wemena, kana we kolo? ashi wakole hakoke kaanga yema tondja ashi wa tshitshi. ¹³ Oto akona lateyi wanyu lela tshungu ndo la yimba? lenya akambo wande lo lokewo la dimena ndo lokitshakitsha wa tshundju. ¹⁴ Koko naka nyakonga lalokandjeema la koolo lotema wanyu ndo otenge wesani, nyotoyasifiyake ndo nyotoyasengake loote wa mete. ¹⁵ Sho tshundu, keema nyeyaya malolongo; koko aleko ya lokeete, yalo demba, yajambola. ¹⁶ Loote fashi kele kandjema ke kolo,ndo odenge wesani, ndjakafujo ndo weho tshee wetsha we kolo. ¹⁷ Lomba la malolongo, aleko tondotondo mbedama, lokongo kii, lokitshakitsha lalokoso la akambo wato, wolodi la ngandji ndo lelowa wedimena, welekema la ofitina, keema la lokeso. ¹⁸ Olowa wa losembwe aleko monama la kii le wane wona kii.