¹ Yakobo, okambi wa Zambi ndo Wowandji waso Yeso Kristo le wedja dikumi lahende wakashisho, moyo! ² Anangemi,nyende oko dikambo dongenongeno wefula ekakatani weho la weho wane wahombanyu mbeta, ³ Nyeye nyate okakatanu wa mbetawo kenyu tongaka mbikike. ⁴ Koko paka mbikike keko ketonge djekaleka lootsha, kele kanyoyale kokele ndo nenya, aha peko kanga dikambo otoyi. ⁵ Naka oto omotshi lateyi wanyu ambohomba yimba, alilombe le Zambi latoshaka oto tshe ndo aha lambada, ndo akowosha. ⁶ Koko alilombe la mbetawo, aha la mashaka, neda kanga lele la mashaka fonaka la lotape la lo ndjale, lasotshama la lopepe ndo akusuku lene lalene. ⁷ Osoto atofonyake da akolongola yango myotshi le Owandji: ⁸ Aleko oto lele wodu, laha la mbikike lo mboka yande tshe. ⁹ Onalengo lele le donga da ndjakitshakitsha ayatombole lo mbedoma yande. ¹⁰ Kanga ongonyi, okone ayatombole lo monyoma yande; ne da aketa oko dembolembo da lo denge. ¹¹ Wonya wakade la peta kende ke kudu, akonya denge, demblemboo dande dakako ndo dimena dande dakashisho: okone kanga ongonyi akitakita lokanda wande. ¹² Olo le oto latokikeka ohemba; ne da kisha pembama, akolongola dembo da loseno lone lele Owandji akalake le wane wolanga. ¹³ Aha oto saa kehembamande mbuta ate: Zambi kembopemba. ne da Zambi hahembama lo kolo, ndonde ndame hahembaka oto. ¹⁴ Koko oto loto atohembamaka saa keyasukanyende ndo ndjatongiya tama dande ndame. ¹⁵ Ko tama latondolaka, totaka pekato; ndo kasalema pekato, nyoyi ndjakaka. ¹⁶ Aha nyu ndjasenga analengo wami: ¹⁷ Ketshi tshe kekyomba ndo woshasha wa dimena toholoka omale lediko, omale mbapa kele esase, lende koekadimwelo ndo kodidjima dotshitani. ¹⁸ Akatote oko wele lolango lande, omalo oteketa, kele katoyale loyoho miotshi tongo yetongelo kende. ¹⁹ Nyeye okone analengo, oto tshe ayale la yambalo da nonga, okoke da teketa, okoke da monga la kele; ²⁰ Ne da kele koto hatongaka losembwe la Zambi. ²¹ Dako dele nyosokole mindo tshe ndo mbeko ya lo hyangakalo, nyolongole lolo oteketa wakonema lenyu, hahomba mbitsha anima wanyu. ²² Nyodje lotshaa oteketa, ndo ahanyu mbewo mbolonga la ndjasenga nywame la tokani ta kolo. ²³ Ne da oto lalonga oteketa ko hadje lotshaa fonaka la oto layaenda lo talatala elongi kende, ²⁴ Ndo kisha ndjaenda, akotsho ndo ohe yoho yetshinde. ²⁵ Koko one lenda lolembe wa mete, olembe wa lotshungo ndo kanga lokike, nde kema oko onongi lohame, koko toyadjaka lolotomu, otoso akoyala lolo lo tomu yande. ²⁶ Naka ndjaeka da aleko otemodi, aha kime lolemi lende lodja, koko asenga otema wande, otemwelo woto oso waleko hwe. Otemwelo wa pepe ndo waha la diwadi, letondo ke Zambi sheso, ele datshokaka letenda ana wa tshike la wadi watshi edo lo ekeyi wawo, ndo la tshikana la mindo la lo duniya.