¹ Yakobo, okambi wa Zambi ndo w'Owandji Yeso Kristo, le kumbo dikumi la hyende yele pandjone, nyambemo! ² Analengo, nyende oko ote wa dikambo w'ongenongeno w'efula ehemba weho la weho wakanyakoke pomanala. ³ Da mbeyaka one ohemba wa mbetawo keye ambela mbiki. ⁴ Koko pombaka da mbiki akotsha dimena otsha wande, danyu ndjala kokele ndo kotshama, aha la munga tshe. ⁵ Naka oto omotshi lasanyu ambokosa lomba, alilombe le Zambi lasha oto tshe tsho ndo aha la dikambo, ndo akakilogola. ⁶ Koko alilombe la mbetawo, aha la kandakanda; ne da one lakandakanda fonaka la lotape la lo ndjale, lasotshama la lopepe ndo lasokoma leke lone la lokina. ⁷ Oso oto hande kaniya da akalongola yango miotshi le Owandji. ⁸ Aleko oto lele koyediko, kyadimokadimo lo akambo wande. ⁹ Kele onalengo lele la lokitshakitsha ayatombole lo eduyamelo kende. ¹⁰ Kele kanga ongonu, lokongo, ayatombole lo soni kende; ne da aketa oko diwawa dolenge. ¹¹ Wonya akawale la osase wa wolo, akonya denge, diwawa dande dakako, ndo dimena dahidi kende dakashisho, laso kanga ongono akoko lo elemu wende. ¹² Dese le oto lakike ohemba; ne da oma lande pembama, akolongola lotombo la lomu, lakalake Owandji le wane wolanga. ¹³ Aha oto, naka ambohembama, hande mbuta: Zambi kambopemba. ne da Zambi hahembama, ndo hahembe ndame kanga oto. ¹⁴ Koko, la oto aleko pembama naka ambokutoma kana tate la okomiya wande wa hyita. ¹⁵ Ko okomiya, lakandatshu dikundu, ambota pekato; ndo pekato, naka ambotshema, ambota nyoyi. ¹⁶ Nyotosengamake, analengo wami wa ngandji. ¹⁷ Otshoko tshe wa dimena efula ndo woshasha wa dimena poloka oma le diko, le baba k'esase, lende koyango yakadimo. ¹⁸ Akatote oko wele ngandji kende, oma lo oteketa wa mete,kele toyale lo weho emotshi etatelo ke ditongami dawo. ¹⁹ Nyeye, analengo wami wa ngandji laso, oto tshe ayale shamanya da pokame, okoke leteketa, okoke da momale, ²⁰ Ne da kele koto hakotsha losembwe la Zambi. ²¹ Loko kele, da minya mindo tshe ndo ewoho ke djekaleka , nyolongole loki oteketa wa konema lenyu, ndo wakoka mbitsha anima wanyu. ²² Nyodje oteketa lotshaa, ndo nyototshikalake tsho le mbolongalonga, la ndjasenga nyu nyame oma lo tokani ta kashi. ²³ Ne da, naka oto amboka oteketa ndo ambowodja lotsha, ambofona la oto lenda elongi kende lo kiyo, ²⁴ Ndo la, oma la ndjanda, ambotsho, ko ambohe kaki woho watshito. ²⁵ Koko one lodja leendo lo olembe wa mete, olembe wa lotshungo, ndo lotetemala, one laha kema ombeki wa doha,koko lakotsha otsha, otoso akoyala la dese lo olemu wande. ²⁶ Naka oto omotshi amboyaena da aleko oseka Zambi, hashimbe lolemi lande teketa akambo wa kolo, koko dasenga otema wande, mbetawo ke otoso keleko anyanya. ²⁷ Kanisa ke pepe ndo aha la diwadi, tondo ke Zambi sheso, ele menda anawatshike la wadi watshedo la paa yawp, ndo ndjalema la mindo ya duniya.