¹ Lekubasakwila monka: nakusakwila biamuha, kamukufa hutu kamulemani bukata bwa Fidi. ² Kukila kwa mafuku mutuba, Yesu ikokuyata Petro hamuhanga Yakobo na Yohane, iko kugaluluka mpuluko ku ngulu; ³ mangubo gagwe Kasongo ka Fidi ibiagamweka gamuke kukila na mbabo yabaleshagalela na matekia gooso. ⁴ Elia na Musa iko kubatukila na kusamba na Yesu. ⁵ Petro ibiakusamba hampala ya Yesu: Gobe ishetu ituleke tulonge mashibo gasatu haha; yibedi njobe, ya kabidi ya Musa na ya kasatu ya Elia. ⁶ Akomenwa byakuta ahusha moyo. ⁷ Hohoha mungi wakubabukila na iywi ibydiatuka munda ya mungi: gigi mwana gwami mumuhushe yadimukusamba. ⁸ Kihindi mukukiba bamulonda bamana Yesu kadi bunka naabo. ⁹ kutuka kungulu, Yesu ibyakusakwila, kamusakula mwanda mwana wa muntu hamukuya hankachi ya balekufa. ¹⁰ Baadi nabo kabamukuyushena hankaji yabo, bamutukila ku bafu banani. ¹¹ Bamulonda ibya bamuyuhusha: Bagandishi baboya Elia imutukila hampala? ¹² Akubalunga: Hutu Elia aboyeka aye mubedi, kuboya age imukuya kaludika bintubyoso. Na kuboya mwana wa muntu imusumbugulwa na kukeshwa na bantu? ¹³ Akubasakwila Elia lekuya, balemuta byabalekeba kwa kumana bila andikwa. ¹⁴ Habafika hehi ya bamulunda, ibyamana hankachi yabo bantu katakata na bagandishi kabamukuta mpaka hankaji yabo. ¹⁵ Ba bantu habamumana Yesu bakuya lubilo mukumuyuhusha. ¹⁶ ibya kubayusha mumukusamba kini na baa bantu? ¹⁷ Gimugonka munda ya boo bantu, ibya kusamba gami nakutwdila mwana gwami bafwe bashimukusamba. ¹⁸ Hafika yimo mbalo ya bamuhushwa, amusumbula mwana gwage mumatekya na mwana kadimutonga, kadimusankunya meno, iko kusakwila bana Kasongo ka Fidi baye bamuhashikishe mwana kwa Fidi kakukyakasa na ngimungoka. ¹⁹ Banu bana machima gayume, byaboya Kasongo ka Fidi kandi mafuku ganga ni nenu haha, mwakuwa kutanage kini? Muntwadile age haha. ²⁰ Mwana mubeshi kumana Yesu, kadimukuta napundu na kusumbuka mu matekya na mukuta kafulo madimba mukutonga. ²¹ Yesu amuyuhusha shage wa mwana, ku kubela kakumafuku ganga? Shabana akola na kutandwa kwage. ²² Gegiaa mufu imukeba kumusumbula mwana mumudilo na munda ya mema bina afididile. Hutu akeba kushokwa kwa mwana gobe guye kwatudi. ²³ Yesu ibyaboya: Hutu akaasa!... Byoso bimu kashikana ku imuyita. ²⁴ Shabana wa mubeshi iko kuta mpundu: Naiita! guyu itukwatidishe ku baa bantu babihe machima! ²⁵ Yesum amana bantu bakuya lubilo, mukubimba na ba bafwe na kuboya: Gobe mufu shimukusamba na kitwi, nakusakwila katuka kukoba ya gi mwana na kugaluka monka. ²⁶ Na ge mufwe atuka mukudila mwana kalemweka bu mufwe kwakumana muntu gogoso kaleboya bibi gi mwana akuwakufa. ²⁷ Yesu, iko kukwata mwana ku mboko, na kumuyimika mwana. Mwana ibyayamana. ²⁸ Yesu kaletwela mu shibo, balonda balemulonda kwa age mwine : sababu ya kimi tuleshindwa kuyeba bafu ? ²⁹ Lekubalunga : baaba bafu manutwika na maombi. ³⁰ Batwika booso bakwandika Galilaya. Yesu lechela kumulonda. ³¹ Basakwila bamulonda biibi : mwanda wa muntu akubasakwila bamukutuusha haampala ya baantu, lamukunjahaga na kisha mafuku gasatu nimufufuka. ³² Lakini bamulonda kabalehusha goo mwanda lilegile, na bashuka kumuyusha. ³³ Habafika capernaumu. munda ya shibo, Yesu akubayuhusha : muleboya bini mushinda ? ³⁴ Booso kwe, sababu mushinda balekuyuhushena hampashi yabo mukulu ni nani. ³⁵ A shagalala hashi, akala boso kumi na babidi, akubasakwila : imukeba bakulu ayakime kumugongo wa boso na kufuba midini yaabo. ³⁶ Ayata mwana, amutula hankachi ya boso amukwata na maboko a kubasakwili : ³⁷ imutambula gaami, gogoso imunkuntambila atambula lekuntuma. ³⁸ Yohana amuyuhusha : mukulu tulemano muntu mukuyeba bafu kushina yoobe, ibiatwamukusha, kwa maana katunage hamuhonka. ³⁹ kamumukusha, Yesu akoola (alunga), kakumuntu imushoosha bantu kushina diami, watushinage kamuhonka. ⁴⁰ shile kutubengama inetu hamuhonka. ⁴¹ Imukumwabila kiakutoma ku shina diama, kutala muhehi nami, makumusakwila bamushimisha nkintu. ⁴² Hitu ku muntu mubengame mukinga, mukumbame kushichika imbwe mu midibu na na kumusumbula mulwalaba. ⁴³ Hutu mboko yoobe yakeba kuku shimisha, chiba, katwele na mboko yimiyonka kwa fidi, ⁴⁴ Nakutwela na boko boso gabidi ku mudilo. ⁴⁵ Hutu mukolo yoobe yakeba kukushimisha, seka ago na twela mukusoloka kwa fidi, ⁴⁶ Nakutwela na mikolo yibidi ku mudilo kishigushima. ⁴⁷ Na hitu yiso diobe diakeba kukushimisha, tukuma adio sumbula, na kutwela na meeso gabidi ku mudilo, ⁴⁸ Ku biolo (misadi) bishi mukufa na ku mudilo gushimushima. ⁴⁹ Kokwa kila muntu imutebwa mungwa kumudilo. ⁵⁰ mungwa kintu kilegele, itu gwashimishi saasa yage, tumugalusha saasa nakini ? muyakane na mungwa hankachi yenu, muyakane na muhunga numumonka hankachi yenu.