¹ Lufuku lumulonka, bantu bagwelele bamufikila, Yesu na kabanakintu kyakudia : Yesu iko kuyuhusha bani nabo (mitume) munakini kia kudia ? ² Yesu, ibyaboya simuyuke baba bantu kabamufuku gasatu kabanakia abo kudia. ³ ibya kubasakwila bagaluke kabana kiobo kidibwa bamukupana sala mushinda kwa kumana bagwelele baletuka butele kabana kidibwa. ⁴ Baadi nabo (mitume) iko kumusakwila Yesu hatudi mu kilungulungu tumukuta bini kwa kuyuhusha baba bantu boso na mikate mu dii lungu diyume ? ⁵ Yesu iko kuyuhusha badinabo (mitume) hamudi hoha munaakini ? ibia babaka bala tuna mikate musambo. ⁶ Ibiakubasakwila bantu boso bashagalale hashi ibagale bantu musambo akubabila bintu bage kubagaba bantu bage booso. ⁷ Adi na samaki yinana, Yesu ibakubabila bantu bage bagabe balehe batula mikate kwa kalesha ka fidi. ⁸ Badikudia bayukuta bihindi bia mikate biadishagala biadi yula bimputo musambo. ⁹ Bantu balye lufiginaa, Yesu byakubatumaa. ¹⁰ habahwa ibiabotubila mu bwato, na ba mulonda ibia bagaluka Dalmanuta. ¹¹ Bafarisayo bamulonda abamubanga boso ba mpaka na Yesu abasakwile na kubalangwisha kyalituka kwa fidi. ¹² Yesu aninga muchima diage mbiini kikyalukokya kumpaasha nibalangishe kime kintu kialituka kwa fidi ? ¹³ Akatuka ibia tubila mu bwato ayabuka nkanda ya kabidi. ¹⁴ Bamulonda adi yibidila kubatula mikate, kula badi nawo umuwonka mu bwato. ¹⁵ Yesu akubasakwila : mubulule meso na madimi, wafarisayo na Herode. ¹⁶ Bamulonda bayukidila byaba kusamba ha nkashi yabo, nkutala nkatu mukate. ¹⁷ Yesu, ayuka, akubayusha mbini byamumuninga kuma chima yenu kumona lukani ? kamubahushe ? ¹⁸ Muna ma chima gayumee ? muna meso, kumumumana ? muna makutu kumumuhusha ? kamuna lukani ? ¹⁹ Hanalikumwabila mikate yitano balumiana elfu yitano, bihindi byalishagala, mwalihusha bimputu binga bya mwadi batula ? kumina bibidi, badi mukoola. ²⁰ Hanalikumwabila mikate musambo ku balumiana elfu yina, mwalihusha bimputu binga bya mwadibatula ? Musambo, ibyabadi koola. ²¹ Ibya kubakoola : kamulee wa kuhushaa ? ²² Ibyabagenda Betesaida; ibiaba mutwalila Yesu mpofu, wabalekwata kumboko. ²³ Bamukwata mpofu ku mboko, bamutwala kasa ya lubasa lwabo bamutamata ku meso, bamu teela maboko, ibia bamuyuhusha amano kini ku meso. ²⁴ Yesu amukwa moonka ku meso, mpofu amanaa, hashinchikitila, ashokwa ama bya buumi. ²⁵ Yesu amuta monka maboko ku meeso, na mpofu haletala leshookwa amana bintu bioso biabumi. ²⁶ Yesu amutuma ku shibo yage, amusakwila : kuwaliku kulubaasa. ²⁷ Yesu hakwenda, kumuhonka na bakumulonda, ku lubasa lwa Cesaree na philipo, mushinda hakuba yuhusha : bamuboya bini gani ni nani ? ²⁸ Bakoola : Yohana mubatizaji na baangi, Eliya,baangi ngangabiloto. ²⁹ Banubyoo, bamu kumuyuhusha bini, mwakubakola bigami ni nani ? Petro amukola : mwana wa fidi. ³⁰ Yesu hakubasakwila na bwashi booso kamwisakwila muntu. ³¹ Abnaga kubasakwila mwana wa muntu imusuba, imusumbulwa na bantu bahakala, na banunu, imuyahawa, gakila mafuku masatu afufuke. ³² Adikubasakwile bila kufyamisha. Petro, amubula hakondo, ayama nage amwisakwile. ³³ Yesu, afuluka kumugongo atala bamukumulonda, adimbukila Petro, amusakwila galuka ku kumugongo wami, shetani kumuyuke mianda ya fidi, imuyukidiala tu yakimuntu. ³⁴ Ibiakola bantu na bamukumulonda akubasakwila : kutu kumuntu wakeba kuya kwami, aleke byage byooso abatule musalabe wage ihoha anonde. ³⁵ Imukeba kushoshwa umuni wage imukuhushimisha, imushimisha umuri wage sababu yami na mianda ilegele ya fidi imushokwe. ³⁶ Mbilegele muntu akusa byooso bya kibalu, ashimishe chima diage. ³⁷ Muntu kubuhana kini kwa kihungulu chima lyage ? ³⁸ Muntu wooso kubumana buufu kwa shina diani na mianda yami hankachi ya bantu lukinkowa maka haba na saambi, mwana wa muntu kubumumana buufu hadi mukaya na butumbwa bwa shage, naba malaika.