¹ Yesu, ibi yagenda udea kulehena na mututu wa yordani. kookua bantu bakumbakana hehinague,ibyaa shalala mu kufindisha nga mpala kudingana na ashidi yabo. ² Wafarisayo badikuya kumu gelesha yi mukashi ka muntu kuyeba mukashi wage ³ A kubasa kwila : mussa lekumusakwili kini ? ⁴ Mussa leboya gandikila mukashi goobe barua ya kumuyeba. ⁵ Yesu lukubasakwila bibi sababu ya chima dienu kuuma mussa lekumuyitila kuyeba bakashi beenu. ⁶ Lakini saha fidi kuludika bantu lekuta mukashi na mulume. ⁷ Waye sababu muntu imuleka shaage na yu guage imukukwa tena na mukashi waage, ⁸ boso babidi bamuyakana koba dimudionka. kaba kuyakana bantu babidi kadi muntu hi mu gonka. ⁹ Muntu kasambulula kintu kile kuta fidi. ¹⁰ Aba fika mu chibo ba kumulonda i ya ba muyusha monka. ¹¹ Ibya asa kwila gegya : imudyeba mukashi wage na kusela giingi akeesha nagi ingi mukashi; ¹² Asela giingi mukashi hitu mukashi aela mulume wagena kuselu na giingi akuta kitulu. ¹³ Ba mu twalela bana akuba ashila na baku mulonda bele hela kuba ba likuya naboo. ¹⁴ Yesu a hamana beebya ibya ku baya gwila ba ku mugongo wake : buleke bana baaye kwandi kwakumona kaleshi kakuka kishi. ¹⁵ Gooso ku hela mwanda gwa fidi ni sawa muana na munana ka mutwela mu yembalo. ¹⁶ Ibya ku babatula,ibya ku batela mata hashi, ibya kubatela maboko ku mutwe. ¹⁷ Yesu mu shiinda muntu gi muoonka le mulonda aku sumbula ku mikoolo yage i byaa gaboya : mukulu wa bakulu, nite binii kwa gakuyana bufumu bwa fidi ? ¹⁸ Yesu amuyuhusha kiini akunkola ni muntu mulegele ni fidi bunka bwaage. ¹⁹ Leyuka amri kumi ya fidi : mbiheleke kukeesha na mukashi wa muntu, ku yahaga, ku dyiba, kubodya madimi, kuta bibihe kwa munobe, kunemeka shoobe ya yugobe. ²⁰ I bya mukolo : mwalimu, nadiyuka ye yoso tangu bukiinga bwaami. ²¹ Yesu amutala ibya amufula, ibya musakwila kuna kintu kimu kionka otesha bintu bioso byodi nabyo ugabile shina kintu, imupata mbalo hagula kukashi na kononde inonda. ²² Halehusha yeye mianda ibiakatuka mukoke kwa kumana adini bintu bi welele ²³ Yesu, atala hankatchi yaage, aboya na bamulonde baage: Kakumukachika kwa muntu inabiintu kutweela ku mwaalu wa Fidi! ²⁴ Bamulonde baage bahanuka bimuboya Yesu. Aage aboya moonka: bana baami, bishimu kachi kwa muntu ina biintu kutweela ku mwaalu wa Fidi. ²⁵ Ku heele kwa ngamia kutweela muunda ya shiingi hachi muntu wa biintu kutweela ku mwaalu wa Fidi. ²⁶ Bamulonde bawesha kuhanuka, bakuboyashena, gimo na giingi, ninaani imushookwa? ²⁷ Yesu akubatala, aboya: Yeeya kaimukachika kwa baantu, kwa Fidi byooso bimukashika. ²⁸ Petro ibyamusakwila tala baantu, twaleka byooso twa kulonda. ²⁹ Yesu akubalwenga: namusakwila haki kaku muntu imuleka kwa sababu yaami na sababu ya muanda wa Fidi shibo, ao tutu, nana, yaya, tata baana na matekya gaage, ³⁰ chimugalukishwa nago mia ku gulu ya Fidi shibo, tutu, naana, yaya, baana na mafuba hamo na kusuba moonka kuyakana looso kulubaa lwa tumulama. ³¹ Katakata, baleha;pala bamushigala kumugongo, bale kumungongo bamukila hampala. ³² Bale mushiinda ya kubaanda Yerusalema, Yesu lekubakidila hampala. bamulondi balemana hofu baangi bantu bale kubalonda balemana mooyo. Na Yesu lekubakola balondi bage booso kumi na yibidi na kubasakwila biooso bimukumutukila: ³³ Mutatle, twakweende yesusalema, mwana wa muntu imutuushwa kumaboko ya bakulu ba makohani nabagandishi bamuhasha, bamukeba kufa kwaani bamukutuusha kumaboko ya bachimu yuka Fidi, ³⁴ booba bamukumusaaba, bamu kumusumina miino, bamu kumututa na kumu yahaga kukila mafuku gasatu imutuuka muchima ku mingumbo. ³⁵ Baana ba Zebedeo, Yakobo na Yohana, balemufila hehi na Yesu, na kumusakwila: mwalimu, tumukeba ituteele bya tumu kuhaasha. ³⁶ Mwakeba kini nimuteele? ³⁷ Ituyitile bamusakwila, tuyakane gimo kumboko yoobe ya mulume na giingi kumboko yoobe ya mukashi, hodimuyakana ku kutuumbwa boobe. ³⁸ Yesu lekubaluunga; kamumuyuka bya mumu haacha. Mumutoma kikombe kya nimutoma gaami, na kubatizwa ubatizo wanimubatizwa gami? ³⁹ Yesu akubalunga: hakika mumutoma kikombe kyani mutoma gaani, mumukitoma, kubatizwa kwami batizwa gaami mumubatizo; ⁴⁰ ila kwa kuyakana hehi nami gii kumboko ya mulume, giingi kumboko ya mukachi, yeya kaimukuntala gami, yimuyakana, ya booba baletudilwa. ⁴¹ Baba kumi habalehusha beebya, balebaanga kubatala na meeso ya chuki Yakobo na Yohane. ⁴² Yesu lekubakola: nakubasakwila: mutale bamumweka bubakulu kumbaasa bamukumutawala kwa ngufu na bamunundu yaabo bamukubatawala kwaezi. ⁴³ Kabeebya hankatchi yeenu. Geegwa imufula kuyakana mukulu weenu ayakani muntu weenu . ⁴⁴ Na geegwa imufula kuyakana wa habedi ayakane muhika weenu. ⁴⁵ Mwana wa muntu lefiila kakuteelwa kaachi, lakini kuteela baangi kachi na kutuusha buchima bwaage kwa bantu booso. ⁴⁶ Balefika Yeriko. Na Yesu hale tuuka na bamulonde baage, bantu katakata bale kubalonda, mwana wa Timee, Bartimayo haachanga mucchinda kalemanga leshagalala hakondo ya chiinda. ⁴⁷ Lehusha bi Yesu wa Nawaret imukila, leanwa kubaya mwana wa Daudi, Yesu ipulumie. ⁴⁸ Bantu balemuboya leka kumukola aage lemukola saana tena na ngufu mwana wa Daudi ipulumie. ⁴⁹ Yesu leyamana, ibya boya: Mumukole. Bamukola china meeso kwa kumusakwila yakana na chima yamana akukola. ⁵⁰ Chilemana lesumbula nkochi dyalenadye nakutaguluka lubilo kumuyila Yesu. ⁵¹ Yesu, amuyusha akeba nikuteele kini? mwalimu amulunga nimane. ⁵² Yesu lemusakwiila mana imani yoobe ya kushooshwa. Hooha meeso yabuluka amana na kulonda Yesu mushiinda.